ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք.Ստեփանակերտ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 13-րդ հոդվածն ու «Բյուջետային համակարգի մասին» Լեռնային Ղարաբաղի Հանրապետության օրենքի 20-րդ հոդվածի 3-րդ մասը և ելնելով հակահրդեհային անվտանգության ապահովման պահանջներից՝ Լեռնային Ղարաբաղի Հանրապետության կառավարությունը ո ր ո շ ու մ է.

1. Հաստատել Լեռնային Ղարաբաղի Հանրապետության մի շարք շրջաններում 2016 թվականին մոլախոտային բուսականության դեմ պայքարի (այսուհետ՝ պայքար) կազմակերպման կարգը՝ համաձայն N 1 հավելվածի:

2. Լեռնային Ղարաբաղի Հանրապետության ֆինանսների նախարարությանը՝ Լեռնային Ղարաբաղի Հանրապետության 2016 թվականի պետական բյուջեով նախատեսված Լեռնային Ղարաբաղի Հանրապետության կառավարության պահուստային ֆոնդի միջոցներից հատկացնել 30 000 000 (երեսուն միլիոն) ՀՀ դրամ՝ համաձայն N 2 հավելվածի:

3. Սահմանել, որ`

1) պայքարի իրականացման պատասխանատուներ են հանդիսանում Լեռնային Ղարաբաղի Հանրապետության գյուղատնտեսության նախարարությունը (այսուհետ՝ նախարարություն), Լեռնային Ղարաբաղի Հանրապետության կառավարությանն առընթեր արտակարգ իրավիճակների պետական ծառայությունը (այսուհետ՝ ծառայություն) և Լեռնային Ղարաբաղի Հանրապետության Ասկերանի, Հադրութի, Մարտակերտի, Մարտունու և Քաշաթաղի շրջանների վարչակազմերը (այսուհետ՝ շրջանների վարչակազմեր).

2) պայքարն իրականացվում է օպերատիվ կարգով՝ շուրջ 1 750 հեկտար տարածքի վրա:

4. Շրջանների վարչակազմերին՝ պայքարի ավարտից հետո՝ տասնհինգօրյա ժամկետում, նախարարություն ներկայացնել տեղեկություններ՝ Լեռնային Ղարաբաղի Հանրապետության տարածքում գործող մեքենատրակտորային կայանների կամ անհատ մեխանիզատորների հետ կնքած ծառայությունների մատուցման պայմանագրերի վերաբերյալ:

5. Նախարարությանը և ծառայությանը՝ պայքարի ավարտից հետո՝ մեկամսյա ժամկետում, Լեռնային Ղարաբաղի Հանրապետության կառավարություն ներկայացնել հաշվետվություն՝ կատարած աշխատանքների և իրականացրած միջոցառումների մասին:

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ գործողությունը տարածվում է 2016 թվականի ապրիլի 1-ից հետո ծագած հարաբերությունների վրա:

1. Սույն կարգով կանոնակարգվում են Լեռնային Ղարաբաղի Հանրապետության մի շարք շրջաններում 2016 թվականին ցանքատարածքներին հարակից հրդեհավտանգ տարածքներում և դեպի ցանքատարածքներ տանող ճանապարհների եզրերին առատ տեղումների հետևանքով փարթամորեն աճած մոլախոտային բուսականության դեմ պայքարի (այսուհետ՝ պայքար) կազմակերպման հետ կապված հարաբերությունները:

2. Լեռնային Ղարաբաղի Հանրապետության գյուղատնտեսության նախարարությունը (այսուհետ՝ նախարարություն) համակարգում է պայքարի կազմակերպման աշխատանքները:

3. Հերբիցիդի սրսկման աշխատանքներն իրականացնելու համար նախատեսված անհրաժեշտ ֆինանսական միջոցները տրամադրվում են Լեռնային Ղարաբաղի Հանրապետության մի շարք շրջանների վարչակազմերին (այսուհետ՝ վարչակազմեր)՝ հիմք ընդունելով վարչակազմերի և Լեռնային Ղարաբաղի Հանրապետության տարածքում գործող մեքենատրակտորային կայանների կամ անհատ մեխանիզատորների միջև կնքված ծառայությունների մատուցման պայմանագրերը:

4. Պայքարի իրականացման համար անհրաժեշտ հերբիցիդի, նախարարության կողմից վերահսկողական աշխատանքների իրականացման համար անհրաժեշտ անհատական պաշտպանության միջոցների, վառելիքի, բենզինային սրսկիչների և այլ նյութերի ձեռքբերումն իրականացնում է նախարարությունը:

5. Ձեռքբերված հերբիցիդի տրամադրումը վարչակազմերին իրականացվում է նախարարության «Բույսերի պաշտպանության ծառայություն» պետական ոչ առևտրային կազմակերպության (այսուհետ՝ կազմակերպություն) միջոցով:

6. Լեռնային Ղարաբաղի Հանրապետության կառավարությանն առընթեր արտակարգ իրավիճակների պետական ծառայությունը կազմակերպում է հերբիցիդի սրսկման աշխատանքների իրականացման համար անհրաժեշտ ջրի տեղափոխումը համապատասխան տարածքներ և այլ անհրաժեշտ աշխատանքներ:

7. Կազմակերպության մասնագետների կողմից պայքարի իրականացման ողջ ընթացքում կատարվում են հրահանգավորման և մոնիթորինգի աշխատանքներ:

8. Հերբիցիդի սրսկումների արդյունքում հրդեհավտանգ տարածքները պետք է բաժանվեն առանձին հատվածների, որը հնարավորություն կստեղծի հնարավոր հրդեհները տեղայնացնել և մարել նվազագույն ֆինանսական միջոցներով ու մարդկային ռեսուրսներով: