Գրանցված է ԼՂՀ արդարադատության նախարարության կողմից «08» փետրվարի 2006թ. Գրանցման համարը 516

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ

ԱՌԸՆԹԵՐ ԱՐԽԻՎԱՅԻՆ ԳՈՐԾԻ ՎԱՐՉՈՒԹՅՈՒՆ

 

Հ Ր Ա Մ Ա Ն

 

31 հունվարի 2006թ.

N 07

ք.Ստեփանակերտ

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՐԽԻՎԱՅԻՆ ՀԱՎԱՔԱԾՈՒԻ ՊԵՏՈՒԹՅԱՆ ՍԵՓԱԿԱՆՈՒԹՅՈՒՆ ՀԱՄԱՐՎՈՂ ՓԱՍՏԱԹՂԹԵՐԻ ՊԱՀՊԱՆՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

«Արխիվային գործի մասին» Լեռնային Ղարաբաղի Հանրապետության օրենքի 5-րդ հոդվածի պահանջին համապատասխան

 

ՀՐԱՄԱՅՈՒՄ ԵՄ`

 

1. Հաստատել Լեռնային Ղարաբաղի Հանրապետության արխիվային հավաքածուի պետության սեփականություն համարվող փաստաթղթերի պահպանության կարգը` համաձայն հավելվածի.

 

 

Վարչության պետ

Ա. ՂԱԶԱՐՅԱՆ

 

 

Հավելված ԼՂՀ կառավարությանն առընթեր արխիվային գործի վարչության պետի 2006թ. հունվարի 31-ի N 7 հրամանի

 

Կ Ա Ր Գ

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՐԽԻՎԱՅԻՆ ՀԱՎԱՔԱԾՈՒԻ ՊԵՏՈՒԹՅԱՆ ՍԵՓԱԿԱՆՈՒԹՅՈՒՆ ՀԱՄԱՐՎՈՂ ՓԱՍՏԱԹՂԹԵՐԻ ՊԱՀՊԱՆՈՒԹՅԱՆ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգով սահմանվում են Լեռնային Ղարաբաղի Հանրապետության արխիվային հավաքածուի պետության սեփականություն համարվող փաստաթղթերի (այսուհետ` փաստաթղթեր) պահպանության կազմակերպման կարգն ու պայմանները:

2. Սույն կարգում օգտագործվող հիմնական հասկացություններն են`

ա) փաստաթղթերի պահպանություն - դրանց պահպանության պատշաճ կազմակերպման` բարենպաստ պայմանների ստեղծման, նորմատիվային պայմանակարգի (ռեժիմի) պահպանման, կորուստների կանխարգելման և պահպանվածության վիճակի ապահովման միջոցառումների համալիր, որը ներառում է նաեւ փաստաթղթերի ռացիոնալ տեղաբաշխման, շարժի և պահպանվածության վիճակի վերահսկման, ապահովագրական և օգտագործման ֆոնդերի ստեղծման նպատակով պատճենահանման, վնասվածության և արտաքին հատկանիշների փոփոխության դեպքում դրանց վերականգնման ու վերանորոգման միջոցառումների իրականացումը.

բ) նորմատիվային պայմանակարգ (ռեժիմ) - փաստաթղթերի պահպանության պայմանների ամբողջություն, որը սահմանում է.

ջերմության ու խոնավության թույլատրելի նվազագույն և առավելագույն չափաքանակները,

լույսի թույլատրելի նվազագույն և առավելագույն չափաքանակները, ինչպես նաև արհեստական լուսավորության սարքերի կիրառման կարգը,

կենսաբանական վնասվածքներից և օդի աղտոտումից փաստաթղթերի պաշտպանման կարգը,

կորուստն ու հափշտակումը, ինչպես նաև առանց սահմանված կարգի արխիվապահոցից փաստաթղթերի դուրս բերման կանխումը.

դ) արխիվապահոց - փաստաթղթերի պահպանության համար առանձնացված, այդ նպատակով կահավորված տարածք:

3. Փաստաթղթերի պահպանությունն իրականացվում է պետական արխիվներում և պետական մարմինների, պետական հիմնարկների և կազմակերպությունների աշխատակազմերի արխիվներում` համաձայն պահպանության ժամկետների:

 

2. ՓԱՍՏԱԹՂԹԵՐԻ ՊԱՀՊԱՆՈՒԹՅՈՒՆԸ ՊԵՏԱԿԱՆ ԱՐԽԻՎՈՒՄ

 

4. Պետական արխիվում փաստաթղթերը պահպանվում են հատուկ կառուցված կամ այդ նպատակի համար հարմարեցված շենքերում, որոնք պետք է մեկուսացված լինեն արտաքին պարիսպով, հեռու` օդը գազերով և փոշով աղտոտող արդյունաբերական արտադրություններից և հրդեհավտանգ կառույցներից` փաստաթղթերի անվտանգությունն ապահովելու նպատակով:

5. Փաստաթղթերի պահպանությունը իրականացվում է նորմատիվային պայմանակարգի (ռեժիմի) պայմանները ապահովող արխիվապահոցներում:

6. Արխիվապահոցները պետք է ապահովված լինեն պահպանական և հրդեհային անվտանգության ազդանշանային համակարգերով և հրդեհաշեջ միջոցներով:

7. Արխիվապահոցների դռներն ու պատուհանները պետք է համապատասխանեն փաստաթղթերի պահպանության անվտանգության պահանջներին: Արխիվապահոցը պետք է ունենա պահեստային դուռ` անհրաժեշտության դեպքում փաստաթղթերը տարահանելու համար:

8. Արխիվի շենքերում էլեկտրահաղորդալարերի ցանցը պետք է լինի փակ, բաշխիչ էլեկտրավահանակները, ապահովիչները պետք է տեղադրվեն արխիվապահոցից դուրս, իսկ էլեկտրասարքավորումները` լինեն հողակցված:

9. Փաստաթղթերը արխիվապահոցներում պահպանվում են մետաղյա պահարաններում կամ դարակաշարերի վրա` թղթապանակներով կամ տուփերով:

Փաստաթղթերի տեղադրման համար կազմվում են դարակաշարային տեղագրության ցուցիչներ, որոնցում արտացոլվում են փաստաթղթերի տեղաշարժի և համալրման հետ կապված յուրաքանչյուր փոփոխություն:

10. Արխիվապահոց պահպանության ընդունվող փաստաթղթերը և գործերը նախօրոք ենթարկվում են փոշեհանման և ախտահանման` այդ նպատակով առանձնացված տարածքում, համապատասխան սարքավորումների միջոցով:

11. Արխիվապահոցներում փաստաթղթերը տեղաբաշխվում են հաշվառման փաստաթղթերին համապատասխան խմբերի կամ առանձին ֆոնդերի դասակարգման սահմաններում` նրանց համալիր պահպանության ապահովման, ինչպեսս նաև արագացված որոնման սկզբունքով:

12. Արխիվապահոցում առանձնացված պահպանվում են`

ա) գաղտնի,

բ) հազվագյուտ,

գ) ինքնաբռնկվող (նիտրոկրիչի վրա),

դ) կենսաբանական վնասատուներով վարակված,

ե) պահատվությամբ պահպանության ընդունված փաստաթղթերը:

13. Արխիվապահոցից փաստաթղթերը (գործերը) օգտագործման համար դուրս տալ և հետ ընդունումը գրանցվում է համապատասխան մատյանում (հավելված, N 1 ձև)` թերթերի քանակային ստուգմամբ:

14. Արխիվապահոցներում պահպանման միավորների (գործերի) փաստացի առկայությունը, հաշվառման փաստաթղթերի տվյալների հետ դրանց փաստական քանակության համապատասխանական և տեխնիկական մշակման ենթակա փաստաթղթերը հայտնաբերելու նպատակով անցկացվում է փաստաթղթերի առկայության և պահպանվածության վիճակի ստուգում:

15. Փաստաթղթերի առկայության և պահպանվածության վիճակի ստուգման ընթացքում`

ա) որոշվում է պահպանվող փաստաթղթերի փաստացի առկայությունը.

բ) հայտնաբերվում և հաշվառվում են վերականգնման ու վերանորոգման, կոնսերվացման, նախապահպանական և տեխնիկական մշակման ենթակա փաստաթղթերը:

16. Փաստաթղթերի առկայության և պահպանվածության վիճակի ստուգումն անցկացվում է`

ա) ամենամյա` հազվագյուտ փաստաթղթերի.

բ) 10 տարին մեկ անգամ` թղթե հիմքով առանձնապես արժեքավոր փաստաթղթերի.

գ) 5 տարին մեկ անգամ` աուդիովիզուալ (լսատեսագրական) ու էլեկտրոնային (մեքենաընթեռնելի) փաստաթղթերի:

Այլ փաստաթղթերի առկայության և պահպանվածության վիճակի ստուգման պարբերականությունը սահմանվում է պետական արխիվի համապատասխան խորհրդակցական մարմնի (մեթոդական-փորձագիտական հանձնաժողով, գիտական խորհուրդ և այլն) որոշման հիման վրա, հաշվի առնելով փաստաթղթերի օգտագործման արդյունավետությունն ու փաստաթղթերի հաշվառման վիճակը, սակայն ոչ պակաս, քան 15 տարին մեկ անգամ:

17. Փաստաթղթերի առկայության և պահպանվածության վիճակի ստուգման արդյունքները հաշվառման փաստաթղթերում գրանցվում են փաստաթղթերի որոշակի համալիրի շրջանակում աշխատանքներն ավարտելուց հետո` ստուգման թերթի (ձև N 2) և ակտի (ձև N 3) հիման վրա:

18. Փաստաթղթերի կոնսերվացման, նախապահպանական և տեխնիկական հատուկ մշակման (վերականգնման, վերանորոգման, ախտահանման) աշխատանքները կատարվում են արխիվում գործող լաբորատորիաներում` մեթոդական-փորձագիտական հանձնաժողովի սահմանած կարգի համաձայն:

19. Պետական արխիվի արխիվապահոցի կանոնակարգը, պահպանության պայմանակարգը (ռեժիմը) և փաստաթղթերի տեղաբաշխման կառուցվածքը հաստատում է պետական արխիվի տնօրենը:

 

3. ՓԱՍՏԱԹՂԹԵՐԻ ՊԱՀՊԱՆՈՒԹՅՈՒՆԸ ԱՇԽԱՏԱԿԱԶՄԻ ԱՐԽԻՎՈՒՄ

 

20. Աշխատակազմի արխիվում փաստաթղթերը պահպանվում են այդ նպատակով կահավորված արխիվապահոցում` սույն կարգով պետական արխիվի համար նախատեսված պայմաններին համապատասխան:

21. Աշխատակազմի արխիվի արխիվապահոցի կանոնակարգը, պահպանության պայմանակարգը (ռեժիմը) և փաստաթղթերի տեղաբաշխման կառուցվածքը հաստատում է պետական մարմնի աշխատակազմի ղեկավարը, պետական հիմնարկի և կազմակերպության ղեկավարը:

 

4. ՓԱՍՏԱԹՂԹԵՐԻ ՊԱՀԱՏՎՈՒԹՅԱՄԲ ՊԱՀՊԱՆՈՒԹՅՈՒՆԸ ՊԵՏԱԿԱՆ ԱՐԽԻՎՈՒՄ

 

22. Փաստաթղթերը պետական արխիվներ պահատվությամբ պահպանության են հանձնվում «Արխիվային գործի մասին» Լեռնային Ղարաբաղի Հանրապետության օրենքի 13-րդ հոդվածի 4-րդ մասի պահանջներին համապատասխան:

23. Փաստաթղթերը պետական արխիվներ են հանձնվում սեփականատիրոջ գրավոր դիմումի հիման վրա:

24. Փաստաթղթերը պետական արխիվներ պահատվությամբ պահպանության ընդունվում են պետական արխիվի տնօրենի հրամանով:

25. Փաստաթղթերը պետական արխիվներ պահատվությամբ պահպանության են հանձնվում համապատասխան ցուցակներով: Առանձին դեպքերում փաստաթղթերը կարող են հանձնվել զմռսված պարկերով կամ արկղերով:

26. Փաստաթղթերի` պետական արխիվներ պահատվությամբ պահպանության հանձնումն իրականացվում է պայմանագրով (N 4 ձև) և ընդունման-հանձնման ակտով (N 5 ձև), որոնք կազմվում են երկուական օրինակից:

 

5. ՊԱՏԱՍԽԱՆԱՏՎՈՒԹՅՈՒՆԸ ՓԱՍՏԱԹՂԹԵՐԻ ՊԱՀՊԱՆՈՒԹՅԱՆ ՀԱՄԱՐ

 

27. Պետական արխիվում փաստաթղթերի պահպանության պատասխանատվությունը արխիվի տնօրենի հրամանով դրվում է ֆոնդապահի (ֆոնդապահների) վրա:

28. Աշխատակազմի արխիվում փաստաթղթերի պահպանության պատասխանատվությունը համապատասխան պետական մարմնի աշխատակազմի ղեկավարի, պետական հիմնարկի և կազմակերպության ղեկավարի հրամանով դրվում է արխիվի վարիչի (աշխատակազմի արխիվային գործի մասնագետի) վրա:

29. Պետական արխիվի արխիվապահոցի (աշխատակազմի արխիվի) ընդունում-հանձնումն իրականացվում է պետական արխիվի տնօրենի (պետական մարմնի աշխատակազմի ղեկավարի, պետական հիմնարկի կամ կազմակերպության ղեկավարի) հրամանով ստեղծված հանձնաժողովի միջոցով` ձևակերպվում ակտով:

30. Պետական արխիվի արխիվապահոցը (աշխատակազմի արխիվը) ընդունելու դեպքում համապատասխան հաշվառման փաստաթղթերով ստուգվում է դրանցում պահպանվող արխիվային ֆոնդերի լրակազմի, հաշվառման փաստաթղթերի, ինչպես նաև տեղադրված սարքավորումների առկայությունն ու գործածելիությունը: Ըստ անհրաժեշտության կարող է կատարվել նաև արխիվային ֆոնդերի ու գործերի առկայության և պահպանվածության վիճակի ընդհանուր ստուգում:

 

 

Ձև N 1

 

_________________________________________

(արխիվի անունը)

 

 

 

 

ԱՐԽԻՎԱՊԱՀՈՑԻՑ ԳՈՐԾԵՐԻ ԴՈՒՐՍ ՏՐՄԱՆ ՄԱՏՅԱՆ

 

 

 

Սկսված է ___________________

Ավարտված է ________________

 

 

 

NN ը/կ	Դուրս տրման թվագործումը	Ֆոնդ N	Ցուցակ N	Գործ N	Ում է տրված	Ստացողի ստորագրությունը	Գործերի հետ ընդունողի ստորագրությունը	Ծանոթություն
1	2	3	4	5	6	7	8	9

 

 

Ձև N 2

_____________________________

             (արխիվի անունը)

 

ՍՏՈՒԳՄԱՆ ԹԵՐԹ N

 

 

Ստուգումն անցկացրել են___________________________________________________________________

                                      (ստուգման թվագրումը, պաշտոնը, ազգանունը, անվան ու հայրանվան սկզբնատառերը)

 

Փաստաթղթերի առկայությունը

Փաստաթղթերի վիճակը

Ցուցակ- ների համար- ները

Ցուցա- կում հաշվ- ված գոր- ծերի համար- ները

Չհայտ- նաբեր- ված գործերի համար- ները

Ամփոփագրում չարտացոլված գործերի լիտերային NN

Ամփոփագրում չարտացոլված բաց թողնված գործերի NN

Տվյալ ֆոնդում սխալ տեղա- դրված գործերի շիֆրեր

Ժամա- նակավոր օգտա- գործման տրված գործերի համար- ները

Առկա /մշակ- ված գործերի քանակը

Չմշակ- ված գործերի ժամանակա- վոր շիֆրերը

Գործերի NN, որոնք ենթակա են

Վնասված, վերական- գնման ոչ ենթակա գործերի համար- ները

Ծանոթ- ություն

Չհաշվառ-ված

Չթվար- կված, սակայն ծավալի մեջ հաշվառ- ված

Չհաշվառ-ված

Չթվարկ- ված, սակայն ծավալի մեջ հաշվառ- ված

Ախտա- հանման

Միջա- տա- զեր- ծում

Վերա- կան- գնման

Կազմա- պատ- ման կամ կարի

Խամ- րած տեքստե- րի վերա- կան- գնման

 

Ընդամենը________________________գործ

                       (թվերով և տառերով)

 

Աշխատողների պաշտոնները

Ստորագրություններ

Ստորագրությունների վերծանում

 

Թվագրում

 

 

Ձև N 3

 

_________________________________

                    (արխիվի անունը)

 

 

Ֆոնդի անունը ________________________________________________________

___________________________________________________________________

 

Ստուգումը կատարվել է __________ -ից ________________________ներառյալ

Ստուգումից պարզվել է`

 

1. Ըստ ցուցակների հաշվված է___________________________________գործ

                                                                                (քանակը)

2. Բացակայում է`____________________________________________գործ

                                                                       (քանակը)

3. Տառանշովի համարներով է`

ա) ամփոփագրում չհաշվառված_________________________________գործ

                                                                                (քանակը)

 

բ) չթվարկված, սակայն ամփոփագրում հաշվառված_________________գործ

                                                                                                (քանակը)

4. Բաց թողնված համարներով է`

ա) ամփոփագրում չհաշվառված______________________գործ

                                                                     (քանակը)

բ) չթվարկված, սակայն ամփոփագրում հաշվառված________________գործ

                                                                                               (քանակը)

5. Այլ ֆոնդերի պատկանող, սխալ տեղադրված ___________________գործ

                                                                                           (քանակը)

6. Տվյալ ֆոնդում առկա են (ցուցակագրված) _____________________գործ

                                                                                       (քանակը)

դրանցից ենթակա են`

ա) ախտահանման և միջատաջնջման _________________________գործ

                                                                                  (քանակը)

բ) վերականգնման, վերանորոգման ___________________________ գործ

                                                                               (քանակը)

գ) կազմապատման կամ կարի ______________________________ գործ

                                                                          (քանակը)

դ) խամրած տեքստերի վերականգնման _______________________ գործ

                                                                                   (քանակը)

ե) վնասված ____________________________________________ գործ

                                                             (քանակը)

զ) _________________________________________________________________

է) _________________________________________________________________

ը) _________________________________________________________________

թ) _________________________________________________________________

ժ) _________________________________________________________________

7. Առկա է չցուցակագրված __________________________________________ գործ

                                                                                 (քանակը)

8. Այսպիսով տվյալ ֆոնդում (ցուցակագրված և չցուցակագրված)

առկա է _________________________________________________________գործ

                                                                  (քանակը)

9. Դրանց պահպանման պայմանների բնութագիրը.

Պահպանության վիճակի ու պայմանների բացասական երևույթները

___________________________________________________________________

___________________________________________________________________

___________________________________________________________________

 

Ստուգումը կատարեցին ________________________________________________

                                           (աշխատողների պաշտոնները, ստորագրություն, ստորագրության վերծանում)

 

 

 

 

 

 

 

 

 

 

 

Ձև N 4

 

ՊԱՅՄԱՆԱԳԻՐ N

 

փաստաթղթերը պահատվությամբ պահպանության հանձնելու մասին

 

վայրը

"____"____________200 թ.

 

1. ԸՆԴՀԱՆՈՒՐ ԴՐՈՒՅԹՆԵՐ

 

1.1. Սույն պայմանագրի կնքման համար իրավական հիմք է հանդիսանում ԼՂՀ կառավարությանն առընթեր արխիվային գործի վարչության 2006թ. ________________-ի N ____ հրամանով հաստատված «Լեռնային Ղարաբաղի Հանրապետության արխիվային հավաքածուի պետության սեփականություն համարվող փաստաթղթերի պահպանության կարգը»:

_______________________________________, որը հետագայում կոչվելու է «պահառու»

             (պետական արխիվի անվանումը)

մի կողմից և մյուս կողմից __________________________________________________,

                                                                (կազմակերպության անվանումը)

որը հետագայում կոչվելու է «պահատու», կնքեցին սույն պայմանագիրը հետևյալի մասին:

 

2. ՊԱՅՄԱՆԱԳՐԻ ԱՌԱՐԿԱՆ

 

2.1. Պահատուի դիմումի հիման վրա պահառուն ի պահ է ընդունում __________________

______________________________________________________________________

                 (ծայրային տարեթվերը, քանակը գործերով, պարկերով, արկղերով)

_____________________________________ փաստաթղթերը ___________ ժամկետով:

                                                                                                    (տարի, ամիս)

 

3. ԿՈՂՄԵՐԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ

 

3.1. Պահատուն պարտավորվում է.

- ապահովել փաստաթղթերի տեղափոխումը և սահմանված կարգով դրանց հանձնումը պետական արխիվ,

- պայմանագրի ժամկետը լրանալուց հետո հետ վերցնել փաստաթղթերը կամ կնքել նոր պայմանագիր,

- պահատվության համար նախատեսված պայմանագրային գումարի 50%-ը վճարել պայմանագիրը կնքելու պահին, իսկ մնացած մասը` ժամկետի 2-րդ կեսի սկզբին.

- այլ պարտավորություններ:

3.2. Պահառուն պարտավորվում է.

- ապահովել փաստաթղթերի պահպանությունը` գործող արխիվային կանոններին համապատասխան.

- առանց պահատուի համաձայնության փաստաթղթերն օգտագործման չտալ.

- պայմանագրի ժամկետն ավարտվելուց հետո փաստաթղթերն ամբողջությամբ վերադարձնել պահատուին.

- այլ պարտավորություններ:

 

4. ՊԱՅՄԱՆԱԳՐԻ ԳԻՆԸ

 

4.1. Պահատվությամբ պահպանության ընդունված փաստաթղթերի պահպանության համար սահմանվում է _____________________________________ դրամ` պետական արխիվի կողմից իրականացվող ծառայությունների դիմաց սահմանված վճարի գանձման կարգի համաձայն:

 

5. ԵԶՐԱՓԱԿԻՉ ԴՐՈՒՅԹՆԵՐ

 

5.1. Սույն պայմանագիրը գործում է ստորագրման պահից:

5.2. Պայմանագրային պարտավորությունների կատարման հետ կապված վեճերը լուծվում են բանակցությունների միջոցով, իսկ համաձայնություն ձեռք չբերելու դեպքում` Լեռնային Ղարաբաղի Հանրապետության օրենսդրությամբ սահմանված կարգով:

5.3. Պահատուի կողմից փաստաթղթերը պայմանագրով նախատեսված ժամկետում հետ չվերցնելու դեպքում փաստաթղթերը պահառուի կողմից ընդունվում են պետական պահպանության կամ ոչնչացվում են սահմանված կարգով:

 

 

 

Ձև N 5

 

Պետական արխիվի անվանումը

 

ՀԱՍՏԱՏՈՒՄ ԵՄ

տնօրեն

_____________________________ (ստորագրություն, անուն, ազգանուն)

____________________________ (թվագրում)

 

ԱԿՏ

_____________________________ թվագրում

_____________________________ կազմման վայրը

 

փաստաթղթերը պահատվությամբ պահպանության

ընդունելու-հանձնելու մասին

 

Հիմք` պայմանագիր N _____

_______________________________________________________________ հանձնեց,

                               (հանձնող, կազմակերպության անվանումը)

 

իսկ ___________________________________________   ______________________

                         (պետարխիվի անվանումը)                                      (տարի, ամիսս)

 

ժամկետով ի պահ ընդունեց ________________________________________________

                                     (ծայրային տարեթվերը, քանակը գործերով, պարկերով, արկղերով)

 

փաստաթղթերը:

Հանձնող _____________________________________________

                                     ստորագրություն, անուն, ազգանուն

Ընդունող _____________________________________________

                                     ստորագրություն, անուն, ազգանուն