| |
Գրանցված է
Լեռնային Ղարաբաղի Հանրապետության
արդարադատության նախարարության կողմից
«13» նոյեմբերի 2006թ.
Պետական գրանցման թիվ 618 |
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ
ԸՆՏՐԱԿԱՆ ՀԱՆՁՆԱԺՈՂՈՎ
|
«06» նոյեմբերի 2006թ. |
Թիվ 21/69 |
ք.Ստեփանակերտ
Ո Ր Ո Շ ՈՒ Մ
ՀԱՆՐԱՔՎԵԻ ՓԱՍՏԱԹՂԹԵՐԻ ԵՎ ԳՈՒՅՔԻ ՊԱՀՊԱՆՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Ղեկավարվելով Լեռնային Ղարաբաղի Հանրապետության ընտրական օրենսգրքի 45-րդ հոդվածի 4-րդ, 62-րդ հոդվածի 8-րդ կետերով և «Հանրաքվեի մասին» Լեռնային Ղարաբաղի Հանրապետության օրենքի 37-րդ հոդվածով՝ Լեռնային Ղարաբաղի Հանրապետության հանրաքվեի կենտրոնական հանձնաժողովը ո ր ո շ ո ւ մ է.
Հաստատել հանրաքվեի փաստաթղթերի և գույքի պահպանման կարգը՝ համաձայն հավելվածի:
|
ԼՂՀ հանրաքվեի կենտրոնական
հանձնաժողովի նախագահ |
Ս. Նասիբյան |
| |
Հավելված
ԼՂՀ ՀԿՀ 2006թ. նոյեմբերի 6-ի
թիվ 21/69 որոշման |
Կ Ա Ր Գ
Հանրաքվեի փաստաթղթերի և գույքի պահպանման
1. Հանրաքվեի փաստաթղթերը հանձնաժողովներում հանձնվում և ընդունվում են գործավարության մատյանում պարտադիր գրառմամբ, հանձնողի և ընդունողի կողմից ստորագրելու և ստացական տալու միջոցով:
2. Հանրաքվեի նախապատրաստման և անցկացման համար ընտրական փաստաթղթերի և գույքի ստացման, տեղափոխման ու պահպանման համար պատասխանատու են հանրաքվեի հանձնաժողովների նախագահները:
3. Քվեարկությունից հետո հանրաքվեի բոլոր փաստաթղթերը, գործավարության մատյանը, կնիքը և մեթոդական գրականությունը (ուղեցույց, ընտրական օրենսգիրք, ՏԸՀ կանոնակարգ և այլն) ընտրական տեղամասերից անմիջապես ուղարկվում են ընտրատարածքային հանձնաժողով:
4. Հանրաքվեի անցկացումից անմիջապես հետո հանրաքվեի տեղամասային հանձնաժողովի նախագահը պիտանի գույքն ակտավորում և հանձնում է համայնքի ղեկավարին՝ հետագա ընտրությունների ժամանակ օգտագործելու նպատակով:
5. Քվեարկության ավարտից ոչ ուշ, քան 15-օրյա ժամկետում ընտրատարածքային հանձնաժողովի նախագահն օգտագործված քվեաթերթիկների կնքված կապերը, տեղամասային հանձնաժողովների գործավարության մատյանները, կնիքները և մեթոդական գրականությունը (ուղեցույց, ընտրական օրենսգիրք, ՏԸՀ-ի կանոնակարգ) հանձնում է կենտրոնական ընտրական հանձնաժողով:
6. Կենտրոնական ընտրական հանձնաժողովն ապահովում է նշված փաստաթղթերի պահպանությունը և հանրաքվեի արդյունքների պաշտոնական հրապարակումից 2 ամիս հետո քվեաթերթիկների կնքված կապերը տեղամասային հանձնաժողովների գործավարության մատյանների հետ պահպանության է հանձնում ԼՂՀ պետական արխիվ:
7. Կենտրոնական ընտրական հանձնաժողովի կողմից հատուկ հսկողություն է սահմանվում կնիքների ապահով պահպանման համար:
|
ԼՂՀ հանրաքվեի կենտրոնական
հանձնաժողովի քարտուղար` |
Ռ. Նազարյան |