ք. Ստեփանակերտ

Լեռնային Ղարաբաղի Հանրապետության կառավարության 2008 թվականի հունիսի 20-ի «Լեռնային Ղարաբաղի Հանրապետությունում տրանսպորտային միջոցների պարտադիր տեխնիկական զննության անցկացման կարգը հաստատելու մասին» թիվ 450 որոշմամբ հաստատված Լեռնային Ղարաբաղի Հանրապետությունում տրանսպորտային միջոցների պարտադիր տեխնիկական զննության անցկացման կարգի 25-րդ կետի համաձայն.

Հաստատել`

1. Տրանսպորտային միջոցների առկայության ու դրանց տեխնիկական վիճակի տվյալների գրանցամատյանի ձևը` համաձայն հավելված 1-ի:

2. Տրանսպորտային միջոցների առկայության ու դրանց տեխնիկական վիճակի տվյալների գրանցամատյանի վարման կարգը` համաձայն հավելված 2-ի:

1. Սույն կարգով սահմանվում է տրանսպորտային միջոցների առկայության ու դրանց տեխնիկական վիճակի գրանցամատյանի վարման կարգը:

2. Գրանցամատյանի վարումն իրականացվում է տեխնիկական զննության կայանների կողմից զննություն անցած տրանսպորտային միջոցների վերաբերյալ Լեռնային Ղարաբաղի Հանրապետության կառավարությանն առընթեր արտադրական ենթակառուցվածքների վարչություն ներկայացված տվյալների հիման վրա:

3. Տեխնիկական զննության կայանները յուրաքանչյուր եռամսյակ՝ մինչև հաջորդ ամսվա 15-ը, լիցենզավորող մարմին են ներկայացնում տեղեկատվություն տեխնիկական զննություն անցած տրանսպորտային միջոցների վերաբերյալ` համաձայն Ձև 1-ի, կցելով նաև էլեկտրոնային տարբերակը:

4. Գրանցամատյանի էջերը համարակալվում, կարվում և կնքվում են Լեռնային Ղարաբաղի Հանրապետության կառավարությանն առընթեր արտադրական ենթակառուցվածքների վարչության աշխատակազմի կողմից:

5. Գրանցամատյանում տվյալները գրանցվում են ըստ նրանց ժամանակագրային հերթականության:

6. Գրանցամատյանի վարումն իրականացնում է Լեռնային Ղարաբաղի Հանրապետության կառավարությանն առընթեր արտադրական ենթակառուցվածքների վարչությունը:

7. Գրանցամատյանում անճշտության և սխալ գրառումների ուղղումը կատարվում է մատյանում՝ գրանցումներ կատարող աշխատակցի կողմից՝ գրանցամատյանի սխալ կամ ոչ ճիշտ գրառումները վերցնելով փակագծերի մեջ: Հաջորդ տողում ավելացնելով ճիշտ գրառումները և կատարված ճիշտ գրառման կողքին դրվում է համապատասխան աշխատակցի ստորագրությունը:

8. Գրանցամատյանի տվյալները ծառայողական օգտագործման համար են և հրապարակման ենթակա չեն՝ բացառությամբ օրենքով նախատեսված դեպքերի:

9. Գրանցամատյանները պահվում են Լեռնային Ղարաբաղի Հանրապետության կառավարությանն առընթեր արտադրական ենթակառուցվածքների վարչությունում` մինչև այդ գրանցամատյանում վերջին գրանցման օրվանից սկսած երեք տարին լրանալը:

_______________________________________________տեխնիկական զննության կայանում

200 ___թվականի ____________եռամսյակում տեխնիկական զննություն անցած տրանսպորտային միջոցներ

Տեխնիկական զննության

կայանի ղեկավար         _____________________      _________________________________ Կ.Տ

                                                           (ստորագրություն)                                (անուն, ազգանուն, հայրանուն)

«-----» ------------------ 200 թ.