ԿԱՐԳԱԴՐՈՒԹՅՈՒՆ

ք. Մարտունի

Ղեկավարվելով «Անասնաբուժության մասին» Լեռնային Ղարաբաղի Հանրապետության օրենքի 7-րդ հոդվածով և Լեռնային Ղարաբաղի Հանրապետության նախագահի 1998 թվականի հուլիսի 27-ի «Լեռնային Ղարաբաղի Հանրապետության շրջաններում պետական կառավարման մասին» հրամանագրով շրջանի համայնքների և Մարտունի քաղաքի մսի վաճառման կետերում առկա թերությունները վերացնելու, հետագայում որևէ վարակի տարածումը կանխելու նպատակով՝

1. Արգելել.

1) առանց անասնաբույժի թույլտվության հարկադիր սպանդը,

2) չդրոշմված և առանց անասնաբուժական տեղեկանքի մսի և մսամթերքի վաճառքը,

3) առանց անասնաբուժական և համայնքի ղեկավարի (անասունի պատկանելության մասին) տեղեկանքների, կենդանիների և կենդանական ծագում ունեցող մթերքների իրացումը և տեղափոխումը,

4) հասարակական վայրերում, այդ թվում փողոցներում և մսավաճառման կետերի մերձակայքում անասունների սպանդը:

2. «Մարտունու անասնաբուժական սպասարկման կայան» ՊՈԱԿ տնօրեն Վ. Խաչատրյանին՝

1) սննդի համար պիտանի չճանաչված միսը և մսամթերքները առգրավել և ոչնչացնել,

2) ուժեղացնել վերահսկողությունը անասնաբուժասանիտարական հսկողության իրագործման՝ կենդանիների պահպանման, տեղափոխման, սպանդի և առևտրի նկատմամբ:

3. Սույն կարգադրության պահանջները խախտող անասնաբուժական ծառայության գործունեության ոլորտի բոլոր տնտեսվարող սուբյեկտները, պաշտոնատար անձինք և քաղաքացիները պատասխանատվություն են կրում Լեռնային Ղարաբաղի Հանրապետության օրենսդրությամբ սահմանված կարգով:

4. «Մարտունու անասնաբուժական սպասարկման կայան» ՊՈԱԿ տնօրեն Վ. Խաչատրյանին՝ համայնքների ղեկավարների հետ համատեղ վերահսկողություն իրականացնել սույն կարգադրության պահանջները կատարելու համար: