ք. Ստեփանակերտ

Հիմք ընդունելով «Տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման և վերանայման մասին» Լեռնային Ղարաբաղի Հանրապետության օրենքի 3-րդ հոդվածի 2-րդ մասը և Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի 2009 թվականի մայիսի 7-ի «Տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման ու վերանայման կարգը հաստատելու մասին» թիվ 36Ն որոշումը` Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովը ո ր ո շ ո ւ մ է.

1. Բավարարել «Տեխնո-Սերվիս» սահմանափակ պատասխանատվությամբ ընկերության կողմից սպառողներին մատուցվող տեխնիկական արատորոշման միջոցներով տրանսպորտային միջոցների պարտադիր տեխնիկական զննության անցկացման ծառայությունների մատուցման սակագների սահմանման վերաբերյալ հայտը և սահմանել`

1) Թեթև մարդատար ավտոմեքենաների սակագինը` 8000 (ութ հազար) դրամ` ներառյալ ավելացված արժեքի հարկը.

2) Մինչև 3500 կգ զանգվածով բեռնատար ավտոմեքենաների և մինչև 17 նստատեղ ունեցող ավտոբուսների սակագինը` 10000 (տաս հազար) դրամ` ներառյալ ավելացված արժեքի հարկը.

3) 3500 կգ-ից ավելի զանգվածով բեռնատար ավտոմեքենաների և 17-ից ավելի նստատեղ ունեցող ավտոբուսների սակագինը` 13000 (տասներեք հազար) դրամ` ներառյալ ավելացված արժեքի հարկը.

4) Կցորդների և կիսակցորդների սակագինը` 6000 (վեց հազար) դրամ` ներառյալ ավելացված արժեքի հարկը.

5) Մոտոցիկլետների և մոպեդների սակագինը` 6000 (վեց հազար) դրամ` ներառյալ ավելացված արժեքի հարկը:

2. Սույն որոշումն ուժի մեջ է մտնում 2010 թվականի մարտի 18-ից: