ք.Ստեփանակերտ

Ղեկավարվելով «Պետական վիճակագրության մասին» Լեռնային Ղարաբաղի Հանրապետության օրենքի 10-րդ հոդվածի երրորդ մասի «ե» կետով` Լեռնային Ղարաբաղի Հանրապետության վիճակագրության պետական խորհուրդը որոշում է.

հաստատել «Բնապահպանական և բնօգտագործման վճարների մասին» ձև N 1-բավ (տարեկան) ամփոփ պետական վիճակագրական հաշվետվության ձևը և լրացման հրահանգը` համաձայն հավելվածի:

1. Սույն հրահանգով սահմանվում է «Բնապահպանական և բնօգտագործման վճարների մասին» ձև N 1-բավ (տարեկան) ամփոփ պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացվում է համաձայն «Պետական վիճակագրության մասին» Լեռնային Ղարաբաղի Հանրապետության օրենքի, օրենքով սահմանված կարգով` Լեռնային Ղարաբաղի Հանրապետության վիճակագրության պետական խորհրդի կողմից հաստատված «Պետական վիճակագրական աշխատանքների ծրագրի» և Լեռնային Ղարաբաղի Հանրապետության վիճակագրության պետական խորհրդի 2003 թվականի հոկտեմբերի 17-ի «Վիճակագրական տեղեկությունների ներկայացման կարգը հաստատելու մասին» N 5 որոշման:

3. Տրամադրված տեղեկությունների գաղտնիությունը երաշխավորվում է Լեռնային Ղարաբաղի Հանրապետության օրենսդրությամբ:

4. Հաշվետվությունը կազմում է Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչությունը, որն այդ մասին նախապես տեղեկացվում է:

5. Հաշվետվությունը ներկայացվում է Լեռնային Ղարաբաղի Հանրապետության ազգային վիճակագրական ծառայություն` մինչև հաշվետու ժամանակաշրջանին հաջորդող տարվա մարտի 15-ը:

6. Հաշվետվությունը ներկայացվում է առանձին` ըստ հանրապետության, շրջանների, քաղաքների և ամփոփ` ըստ գյուղական համայնքների:

7. Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն` օրենքով սահմանված կարգով:

8. Վիճակագրական տեղեկությունների ներկայացման հետ կապված այլ խնդիրները կարգավորվում են Լեռնային Ղարաբաղի Հանրապետության օրենսդրությամբ:

9. Ջրային ավազան վնասակար նյութերի արտահոսքի դիմաց վճարը հաշվարկվում է հաշվետու տարում ջրային ավազան արտահոսված վնասակար նյութերի ծավալների հիման վրա:

10. Սյունակ Ա-ում բերվում է վնասակար նյութի և միացության կոդը, սյունակ Բ-ում` վնասակար նյութերի և միացությունների անվանումը:

11. Սյունակ 1-ում բերվում են ջրային ավազան վնասակար նյութերի և միացությունների արտահոսման համար սահմանված կարգով հաստատված թույլատրելի սահմանային արտահոսքի նորմաների քանակները յուրաքանչյուր նյութի համար:

12. Սյունակ 2-ում բերվում են ջրային ավազան վնասակար նյութերի և միացությունների արտահոսման համար սահմանված կարգով հաստատված թույլատրելի սահմանային արտահոսքի նորմաներից ավելի արտահոսքերի քանակները յուրաքանչյուր նյութի համար:

13. Սյունակ 3-ում բերվում են ջրային ավազան արտահոսված վնասակար նյութերի և միացությունների քանակները:

14. Սյունակ 4-ում բերվում են ջրային ավազան վնասակար նյութերի և միացությունների արտահոսման դիմաց սահմանված բնապահպանական վճարները:

15. Օդային ավազան վնասակար նյութերի արտանետման դիմաց վճարը հաշվարկվում է հաշվետու տարում օդային ավազան արտանետված վնասակար նյութերի ծավալների հիման վրա:

16. Սյունակ Ա-ում բերվում է վնասակար նյութի և միացության կոդը, սյունակ Բ-ում` վնասակար նյութերի և միացությունների անվանումը:

17. Սյունակ 1-ում բերվում են անշարժ (ամրակայված) աղբյուրներից օդային ավազան վնասակար նյութերի արտանետման համար սահմանված կարգով հաստատված թույլատրելի սահմանային արտանետումների նորմաների քանակները յուրաքանչյուր նյութի համար:

18. Սյունակ 2-ում բերվում են անշարժ (ամրակայված) աղբյուրներից օդային ավազան վնասակար նյութերի արտանետման համար սահմանված կարգով հաստատված թույլատրելի սահմանային արտանետումների նորմաներից ավելի արտանետումների քանակները յուրաքանչյուր նյութի համար:

19. Սյունակ 3-ում բերվում են անշարժ (ամրակայված) աղբյուրներից օդային ավազան արտանետված վնասակար նյութերի քանակները:

20. Սյունակ 4-ում բերվում են անշարժ (ամրակայված) աղբյուրներից օդային ավազան արտանետված վնասակար նյութերի դիմաց սահմանված բնապահպանական վճարները:

21. Արտադրության և սպառման թափոնները շրջակա միջավայրում սահմանված կարգով տեղադրելու դիմաց վճարը հաշվարկվում է՝ ելնելով հաշվետու տարում թափոնակուտակիչներում և արտադրական հարթակներում տեղադրված արտադրական և սպառման թափոնների ծավալներից և վտանգավորության դասից:

22. Սյունակ Ա-ում բերվում է թափոնի կոդը, սյունակ Բ-ում` թափոնի անվանումը:

23. Սյունակ 1-ում բերվում են առաջացած թափոնների քանակները:

24. Սյունակ 2-ում բերվում են թափոնների տեղադրման դիմաց սահմանված բնապահպանական վճարները:

25. Լեռնային Ղարաբաղի Հանրապետությունում արտադրվող և իրացվող շրջակա միջավայրին վնաս պատճառող ապրանքների դիմաց վճարը հաշվարկում է արտադրողն՝ իրացման շրջանառության հիման վրա և վճարում է հաշվետու տարում իրացված արտադրանքին համամասնորեն:

26. Սյունակ Ա-ում բերվում է ապրանքի կոդը, սյունակ Բ-ում` ապրանքի անվանումը, սյունակ Գ-ում` արտադրված ապրանքի չափի միավորը:

27. Սյունակ 1-ում բերվում են արտադրված ապրանքների քանակները:

28. Սյունակ 2-ում բերվում են արտադրված ապրանքների դիմաց սահմանված բնապահպանական վճարները:

29. Ջրօգտագործման դիմաց վճարը հաշվարկվում է հաշվետու տարում բնական ջրաղբյուրներից օգտագործման նպատակով անմիջապես վերցրած ջրի ծավալի (ջրառ) հիման վրա, բացառությամբ սույն կետի երկրորդ մասում նշված դեպքի:

Ձկնաբուծական և խեցգետնաբուծական գործունեություն իրականացնող վճարողները ջրօգտագործման համար վճարի հաշվարկն իրականացնում են օգտագործված ջրի ընդհանուր ծավալի 5 տոկոսի հիման վրա:

30. Սյունակ Ա-ում բերվում է ջրօգտագործման տեսակի կոդը, սյունակ Բ-ում` օգտագործվող ջրի անվանումն ըստ որակի:

31. Սյունակ 1-ում բերվում են սահմանված կարգով հաստատված հատուկ ջրօգտագործման թույլտվություններով սահմանված ջրառի թույլատրելի սահմանային ծավալների քանակները:

32. Սյունակ 2-ում բերվում են ջրառի թույլատրելի սահմանային նորմաներից ավելի ջրառի քանակները:

33. Սյունակ 3-ում բերվում են ջրառի փաստացի ծավալները:

34. Սյունակ 4-ում բերվում են վերցված ջրի դիմաց սահմանված բնօգտագործման վճարները:

35. Պինդ օգտակար հանածոների մարված պաշարների, ստորերկրյա քաղցրահամ և հանքային ջրերի ու աղի արդյունահանված պաշարների (այսուհետ` օգտակար հանածոներ) համար վճարը հաշվարկվում է, հաշվետու ժամանակաշրջանում օգտակար հանածոների պաշարների ծավալների հիման վրա:

Պինդ օգտակար հանածոյի պաշարների մարված ծավալ է համարվում հաշվետու ժամանակահատվածում պինդ օգտակար հանածոյի արդյունահանված և արդյունահանման ընթացքում ընդերքում կորսված պաշարների ծավալների հանրագումարը` բացառությամբ տեխնոլոգիական անխուսափելի կորուստների:

Ստորերկրյա քաղցրահամ ջրերի արդյունահանված պաշար է համարվում հաշվետու ժամանակահատվածում հորատանցքից (աղբյուրից) երկրի մակերևույթ դուրս եկած (արտամղված) ջրի ծավալը:

Հանքային ջրերի արդյունահանված պաշար է համարվում հաշվետու ժամանակահատվածում հորատանցքից (աղբյուրից) երկրի մակերևույթ դուրս եկած (արտամղված) ջրի ծավալը` բացառությամբ տեխնոլոգիական անխուսափելի կորուստների:

36. Սյունակ Ա-ում բերվում է օգտակար հանածոյի կոդը, սյունակ Բ-ում` օգտակար հանածոյի անվանումը, սյունակ Գ-ում` օգտակար հանածոյի չափի միավորը:

37. Սյունակ 1-ում բերվում են օգտակար հանածոների մարված պաշարների համար օգտակար հանածոների արդյունահանման նպատակով ընդերքի տրամադրման և օգտագործման մասին սահմանված կարգով կնքվող պայմանագրով սահմանված ծավալների քանակները յուրաքանչյուր օգտակար հանածոյի համար:

38. Սյունակ 2-ում բերվում են սահմանված կարգով հաստատված օգտակար հանածոների թույլատրելի սահմանային նորմաներից ավելի մարված պաշարների ծավալների քանակները յուրաքանչյուր օգտակար հանածոյի համար:

39. Սյունակ 3-ում բերվում են օգտակար հանածոների մարված պաշարների ծավալները:

40. Սյունակ 4-ում բերվում են օգտակար հանածոների մարված պաշարների դիմաց սահմանված բնօգտագործման վճարները:

41. Անտառնյութի օգտագործման համար վճարը հաշվարկվում է հաշվետու ժամանակաշրջանում օգտագործված պաշարների ծավալների հիման վրա:

Մնացած կենսապաշարների համար վճարը հաշվարկվում է օգտագործված պաշարների ծավալների հիման վրա և պետական բյուջե է վճարվում յուրաքանչյուր անգամ` մինչև կենսապաշարների տեղափոխումը:

42. Սյունակ Ա-ում բերվում է օգտագործված կենսապաշարի կոդը, սյունակ Բ-ում` օգտագործված կենսապաշարի անվանումը, սյունակ Գ-ում` օգտագործված կենսապաշարի չափի միավորը:

43. Սյունակ 1-ում բերվում են սահմանված կարգով հաստատված կենսապաշարների օգտագործման թույլատրելի սահմանային նորմաների քանակները յուրաքանչյուր կենսապաշարի համար:

44. Սյունակ 2-ում բերվում են սահմանված կարգով հաստատված կենսապաշարների օգտագործման թույլատրելի սահմանային նորմաներից ավելի քանակները յուրաքանչյուր կենսապաշարի համար:

45. Սյունակ 3-ում բերվում են օգտագործված կենսապաշարների քանակները:

46. Սյունակ 4-ում բերվում են օգտագործված կենսապաշարների դիմաց սահմանված բնօգտագործման վճարները:

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ