ք.Ստեփանակերտ

Ղեկավարվելով «Պետական վիճակագրության մասին» Լեռնային Ղարաբաղի Հանրապետության օրենքի 10-րդ հոդվածի 3-րդ մասի ե) կետով Լեռնային Ղարաբաղի Հանրապետության վիճակագրության պետական խորհուրդը որոշում է.

հաստատել` «Կանոնավոր չվերթների և դրանց գծով կատարված աշխատանքների մասին» Ձև N12-ՔԱ (եռամսյակային) պետական վիճակագրական հաշվետվության ձևը և լրացման հրահանգը` համաձայն հավելվածի:

1. Սույն հրահանգը սահմանում է «Կանոնավոր չվերթների և դրանց գծով կատարված աշխատանքների մասին» Ձև N12-ՔԱ (եռամսյակային) պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացվում է համաձայն «Պետական վիճակագրության մասին» Լեռնային Ղարաբաղի Հանրապետության օրենքի, օրենքով սահմանված կարգով` Լեռնային Ղարաբաղի Հանրապետության վիճակագրության պետական խորհրդի կողմից հաստատված «Պետական վիճակագրական աշխատանքների ծրագրի» և Լեռնային Ղարաբաղի Հանրապետության վիճակագրության պետական խորհրդի 2003 թվականի հոկտեմբերի 17-ի «Վիճակագրական տեղեկությունների ներկայացման կարգը հաստատելու մասին» N5 որոշման:

3.Տրամադրված տեղեկությունների գաղտնիությունը երաշխավորվում է Լեռնային Ղարաբաղի Հանրապետության օրենսդրությամբ:

4. Հաշվետվությունը ներկայացնում է Լեռնային Ղարաբաղի Հանրապետության կառավարությանն առընթեր քաղաքացիական ավիացիայի վարչությունը, որն այդ մասին նախապես տեղեկացվում է:

5. Հաշվետվությունը ներկայացվում է Լեռնային Ղարաբաղի Հանրապետության ազգային վիճակագրական ծառայության տարածքային բաժին` ըստ հաշվետվությունում նշված ժամկետի և պարբերականության:

6. Հաշվետվությունը լրացվում է աճողական կարգով` տարվա սկզբից:

7.Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն` օրենքով սահմանված կարգով:

8.Վիճակագրական տեղեկությունների ներկայացման հետ կապված այլ խնդիրները կարգավորվում են Լեռնային Ղարաբաղի Հանրապետության օրենսդրությամբ:

9.«Կանոնավոր չվերթներ»-ի շարքին են դասվում չվացուցակով նախատեսված (պլանավորված) չվերթները:

10.«Կատարված է ինքնաթիռ-կմ» որոշվում է չվերթների քանակի և համապատասխան շահագործական հեռավորության արտադրյալների հանրագումարով:

11. «Շահագործական հեռավորությունը» տվյալ չվերթի կետերի միջև ընկած հեռավորությունն է:

12. «Ինքնաթիռների չվերթների քանակը» ներկայացնում է ինքնաթիռների մեկնումների և ժամանումների թվի հանրագումարը:

13. «Թռիչքաժամերը» ցուցանիշը արտացոլվում է ամբողջական թվերով և ներկայացնում է թռիչքը սկսելու պահից մինչև վայրէջքը ընկած ժամանակահատվածը:

14. «Փոխադրվել են ուղևորներ» ցուցանիշն ներկայացնում է Լեռնային Ղարաբաղի Հանրապետության օդանավակայաններից մեկնած ուղևորների քանակը և որոշվում է վաճառված տոմսերի քանակով:

15. «Փոխադրվել է բեռներ» ցուցանիշը ներառում է բոլոր տեսակի ինքնաթիռներով փոխադրված բեռները, փոստը, վճարովի ուղեբեռը, արտահայտված հազար տոննաներով:

16. «Փաստացի ուղևորաշրջանառություն» ցուցանիշը ներկայացնում է յուրաքանչյուր չվերթի ընթացքում տեղափոխված ուղևորների փաստացի քանակի և այդ չվերթի համապատասխան շահագործական հեռավորության արտադրյալի հանրագումարը:

17. «Սահմանային ուղևորաշրջանառություն» ցուցանիշը արտացոլում է ուղևորների համար նախատեսված ինքնաթիռների բազկաթոռների քանակի և տվյալ ինքնաթիռի թռիչքի համապատասխան շահագործական հեռավորության արտադրյալի հանրագումարը:

18. «Փաստացի բեռնաշրջանառությունը» որոշվում է յուրաքանչյուր չվերթով փոխադրված բեռների փաստացի քանակի և համապատասխան շահագործական հեռավորության արտադրյալների հանրագումարով:

19. «Փաստացի տոննա-կիլոմետրաժ» ցուցանիշը ներկայացնում է տոննա կիլոմետրաժների հանրագումարն` ըստ փոխադրումների և ինքնաթիռների տեսակների:

20. «Ուղևորատար տոննա-կիլոմետրաժը» ստացվում է ուղևոր-կիլոմետրը 0,09 գործակցով բազմապատկելու միջոցով:

21. «Բեռնատար (փոստային) տոննա-կիլոմետրաժը» ներկայացնում է յուրաքանչյուր չվերթի ընթացքում բեռի և համապատասխան թռիչքի շահագործական հեռավորության արտադրյալների հանրագումարը:

22. «Սահմանային տոննա-կիլոմետրաժ» ցուցանիշը ներկայացնում է յուրաքանչյուր ինքնաթիռի սահմանային բեռնման (բեռնատարողության) և համապատասխան շահագործական հեռավորության արտադրյալների հանրագումարը:

1. Լեռնային Ղարաբաղի Հանրապետության քաղաքացիական ավիացիայի ինքնաթիռներով

1.1. Այդ թվում` Լեռնային Ղարաբաղի Հանրապետության և այլ երկրների միջև

2.1. Այդ թվում` Լեռնային Ղարաբաղի Հանրապետության և այլ երկրների միջև

2.2. Լեռնային Ղարաբաղի Հանրապետության և Հայաստանի Հանրապետության միջև