ք. Ստեփանակերտ

Ղեկավարվելով «Պետական կառավարչական հիմնարկների մասին» օրենքի 17-րդ հոդվածով և Արցախի Հանրապետության Նախագահի 2020 թվականի դեկտեմբերի 17-ի ՆՀ-884-Ն հրամանագրով՝ Արցախի Հանրապետության կառավարությունը ո ր ո շ ու մ է.

1. «Արցախի Հանրապետության գյուղատնտեսության նախարարության աշխատակազմ» պետական կառավարչական հիմնարկը վերանվանել «Արցախի Հանրապետության էկոնոմիկայի և գյուղատնտեսության նախարարության աշխատակազմ» պետական կառավարչական հիմնարկի:

2. «Արցախի Հանրապետության կրթության, գիտության և մշակույթի նախարարության աշխատակազմ» պետական կառավարչական հիմնարկը վերանվանել «Արցախի Հանրապետության կրթության, գիտության, մշակույթի և սպորտի նախարարության աշխատակազմ» պետական կառավարչական հիմնարկի:

3. «Արցախի Հանրապետության տարածքային կառավարման և զարգացման նախարարության աշխատակազմ» պետական կառավարչական հիմնարկը վերանվանել «Արցախի Հանրապետության տարածքային կառավարման և ենթակառուցվածքների նախարարության աշխատակազմ» պետական կառավարչական հիմնարկի:

4. «Արցախի Հանրապետության աշխատանքի, սոցիալական և բնակարանային հարցերի նախարարության աշխատակազմ» պետական կառավարչական հիմնարկը վերանվանել «Արցախի Հանրապետության աշխատանքի, սոցիալական և միգրացիայի հարցերի նախարարության աշխատակազմ» պետական կառավարչական հիմնարկի:

5. Վերակազմակերպել «Արցախի Հանրապետության էկոնոմիկայի և արտադրական ենթակառուցվածքների նախարարության աշխատակազմ» պետական կառավարչական հիմնարկը՝ շուկայի և սպառողների շահերի պաշտպանության պետական տեսչությունը, տնտեսական զարգացման վարչությունը միացնելով «Արցախի Հանրապետության էկոնոմիկայի և գյուղատնտեսության նախարարության աշխատակազմ» պետական կառավարչական հիմնարկին, իսկ հեռահաղորդակցության հանրապետական գործակալությունը, էներգետիկայի պետական տեսչությունը, Լեռնային Ղարաբաղի Հանրապետության տրանսպորտային տեսչությունը, էներգետիկայի, ընդհանուր, իրավաբանական, կապի, հեռահաղորդակցության և տեղեկատվական, քաղաքացիական ավիացիայի, ֆինանսական և հաշվապահական հաշվառման բաժինները միացնելով «Արցախի Հանրապետության տարածքային կառավարման և ենթակառուցվածքների նախարարության աշխատակազմ» պետական կառավարչական հիմնարկին:

6. Վերակազմակերպել «Արցախի Հանրապետության ռազմահայրենասիրության, երիտասարդության, սպորտի և զբոսաշրջության նախարարության աշխատակազմ» պետական կառավարչական հիմնարկը՝ ռազմահայրենասիրության, երիտասարդության, սպորտի վարչությունները և ֆինանսատնտեսագիտական, իրավաբանական, տեղեկատվության և հասարակության հետ կապերի բաժինները ու քարտուղարությունը միացնելով «Արցախի Հանրապետության կրթության, գիտության, մշակույթի և սպորտի նախարարության աշխատակազմ» պետական կառավարչական հիմնարկին, իսկ զբոսաշրջության վարչությունը միացնելով «Արցախի Հանրապետության էկոնոմիկայի և գյուղատնտեսության նախարարության աշխատակազմ» պետական կառավարչական հիմնարկին:

7. Սահմանել, որ.

1) սույն որոշմամբ վերակազմակերպվող պետական կառավարչական հիմնարկները վերակազմակերպվում են հաստիքներով և աշխատակիցներով հանդերձ.

2) «Արցախի Հանրապետության էկոնոմիկայի և գյուղատնտեսության նախարարության աշխատակազմ» պետական կառավարչական հիմնարկը հանդիսանում է «Արցախի Հանրապետության էկոնոմիկայի և արտադրական ենթակառուցվածքների նախարարության աշխատակազմ» և «Արցախի Հանրապետության ռազմահայրենասիրության, երիտասարդության, սպորտի և զբոսաշրջության նախարարության աշխատակազմ»  պետական կառավարչական հիմնարկների՝ վերակազմակերպմանը համապատասխանող բնագավառի իրավահաջորդը.

3) «Արցախի Հանրապետության կրթության, գիտության, մշակույթի և սպորտի նախարարության աշխատակազմ» պետական կառավարչական հիմնարկը հանդիսանում է «Արցախի Հանրապետության ռազմահայրենասիրության, երիտասարդության, սպորտի և զբոսաշրջության նախարարության աշխատակազմ» պետական կառավարչական հիմնարկի՝ վերակազմակերպմանը համապատասխանող բնագավառի իրավահաջորդը.

4) «Արցախի Հանրապետության տարածքային կառավարման և ենթակառուցվածքների նախարարության աշխատակազմ» պետական կառավարչական հիմնարկը հանդիսանում է «Արցախի Հանրապետության էկոնոմիկայի և արտադրական ենթակառուցվածքների նախարարության աշխատակազմ» պետական կառավարչական հիմնարկի՝ վերակազմակերպմանը համապատասխանող բնագավառի իրավահաջորդը:

8. Արցախի Հանրապետության աշխատանքի, սոցիալական և միգրացիայի հարցերի նախարարին, էկոնոմիկայի և գյուղատնտեսության նախարարին, կրթության, գիտության, մշակույթի և սպորտի նախարարին, տարածքային կառավարման և ենթակառուցվածքների նախարարին՝ Արցախի Հանրապետության կառավարություն ներկայացնել համապատասխան պետական մարմինների կանոնադրությունները և աշխատակազմերի կառուցվածքները հաստատելու մասին Արցախի Հանրապետության կառավարության որոշումների նախագծերը՝ մեկշաբաթյա ժամկետում, աշխատակազմերին ամրացվող գույքի կազմը և չափը հաստատելու մասին Արցախի Հանրապետության կառավարության որոշումների նախագծերը՝ մեկամսյա ժամկետում:

9. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: