ք.Ստեփանակերտ

Հիմք ընդունելով «Գնումների գործընթացի կազմակերպման մասին» Լեռնային Ղարաբաղի Հանրապետության կառավարության 2011 թվականի մարտի 22-ի N 133-Ն որոշման 3-րդ կետի 5-րդ ենթակետը`

Սահմանել գնումների մասին Լեռնային Ղարաբաղի Հանրապետության օրենսդրությամբ նախատեսված` հրապարակման ենթակա տեղեկատվության հրապարակման կարգը` համաձայն հավելվածի:

ԿԱՐԳ

ԲԱԺԻՆ I

1. Սույն կարգով սահմանվում է Լեռնային Ղարաբաղի Հանրապետության կառավարության 2011 թվականի մարտի 22-ի «Գնումների գործընթացի կազմակերպման մասին» N 133-Ն որոշման (այսուհետ` Որոշում) 3-րդ կետի 5-րդ ենթակետով նախատեսված գնումներ կատարելու նպատակով կազմակերպված գնման գործընթացների վերաբերյալ Լեռնային Ղարաբաղի Հանրապետության օրենսդրությամբ նախատեսված տեղեկատվությունը գնումների էլեկտրոնային տեղեկատուում հրապարակելու հետ կապված հարաբերությունները:

2. Սույն կարգով նախատեսված տեղեկատվությունը գնումների էլեկտրոնային տեղեկատուում հրապարակվում է հետևյալ կերպ.

1) Լեռնային Ղարաբաղի Հանրապետության պետական կառավարման և տարածքային կառավարման մարմինները հրապարակում են`

ա. իրենց և ենթակա պետական հիմնարկների,

բ. իրենց ենթակայությամբ գործող պետական ոչ առևտրային կազմակերպությունների (այսուհետ` ՊՈԱԿ-ներ) ու պետության 50 տոկոսից ավելի բաժնեմաս ունեցող կազմակերպությունների (այսուհետ` ԲԸ-ներ),

գ. պետության կամ իրենց ենթակայությամբ գործող ՊՈԱԿ-ի կամ ԲԸ-ի կողմից ձևավորված միավորումների (միությունների),

դ. պետությունից կամ իրենց ենթակայությամբ գործող ՊՈԱԿ-ից կամ ԲԸ-ից նվիրաբերության կարգով միջոցներ ստացած իրավաբանական անձաց` նվիրաբերության կարգով ստացված միջոցների հաշվին կատարվող գնումների մասով հրապարակման ենթակա տեղեկատվությունը.

2) Հանրային կազմակերպությունները հրապարակում են իրենց կարիքների համար կատարվող գնումների վերաբերյալ հրապարակման ենթակա տեղեկատվությունը:

3. Հրապարակման ենթակա տեղեկատվության` գնումների մասին Լեռնային Ղարաբաղի Հանրապետության օրենսդրության պահանջների հետ համապատասխանության պահպանման պատասխանատվությունը կրում է այդ տեղեկատվությունը պատրաստած պատվիրատուն:

4. Բացառությամբ Լեռնային Ղարաբաղի Հանրապետության պետական բյուջեի միջոցների հաշվին իրականացվող գնումների`

1) մինչև յուրաքանչյուր տարվա մարտի 1-ը պատվիրատուի ղեկավարը հաստատում և հրապարակման նպատակով հինգ աշխատանքային օրվա ընթացքում սույն կարգի 2-րդ կետով նախատեսված` հրապարակելու իրավասություն ունեցող պատվիրատուին (այսուհետ` Հրապարակող մարմին) է տրամադրում տվյալ տարվա ընթացքում իրականացվելիք գնումների պլանը, եթե Հրապարակող մարմինը տվյալ գնման գործընթացի պատվիրատուն չէ: Հրապարակող մարմինը գնումների պլանը ստանալուց հետո հինգ աշխատանքային օրվա ընթացքում այն հրապարակում է գնումների էլեկտրոնային տեղեկատուում.

2) մինչև յուրաքանչյուր տարվա մարտի 1-ը պատվիրատուի ղեկավարը հաստատում է գնումների պլանը, որը հաստատվելուց հետո հինգ աշխատանքային օրվա ընթացքում Հրապարակող մարմինը հրապարակում է գնումների էլեկտրոնային տեղեկատուում, եթե տվյալ գնման գործընթացի պատվիրատուն Հրապարակող մարմինն է:

5. Գնումների պլանում կատարվող փոփոխությունները և լրացումները`

1) տրամադրվում են Հրապարակող մարմնին` դրանք հաստատվելու օրվան հաջորդող հինգ աշխատանքային օրվա ընթացքում, եթե Հրապարակող մարմինը տվյալ գնման գործընթացի պատվիրատուն չէ: Հրապարակող մարմինը գնումների պլանում կատարվող փոփոխությունները և լրացումները ստանալուց հետո հինգ աշխատանքային օրվա ընթացքում դրանք հրապարակում է գնումների էլեկտրոնային տեղեկատուում.

2) Հրապարակող մարմինը հրապարակում է գնումների էլեկտրոնային տեղեկատուում, այդ փոփոխությունները և լրացումները հաստատվելուց հետո հինգ աշխատանքային օրվա ընթացքում, եթե տվյալ գնման գործընթացի պատվիրատուն Հրապարակող մարմինն է:

6. Գնումների կամ նախաորակավորման հայտարարության և (կամ) հրավերի տեքստերը հաստատվելու օրվան հաջորդող հինգ աշխատանքային օրվա ընթացքում`

1) էլեկտրոնային եղանակով, ուղարկվում են Հրապարակող մարմին, եթե Հրապարակող մարմինը տվյալ գնման գործընթացի պատվիրատուն չէ: Հրապարակող մարմինը գնումների կամ նախաորակավորման հայտարարության և (կամ) հրավերի տեքստերը տեղադրում է` հրապարակում է գնումների էլեկտրոնային տեղեկատուում` դրանք ստանալու օրվան հաջորդող հինգ աշխատանքային օրվա ընթացքում.

2) Հրապարակող մարմինը տեղադրում է` հրապարակում է գնումների էլեկտրոնային տեղեկատուում, եթե հրապարակող մարմինը տվյալ գնման գործընթացի պատվիրատուն է:

7. Գնումը շրջանակային համաձայնագրերի միջոցով իրականացնելու դեպքում «Գնումների մասին» Լեռնային Ղարաբաղի Հանրապետության օրենքի 16-րդ հոդվածի 1-ին մասի 3-րդ կետի «ա» ենթակետի համաձայն հրապարակված շրջանակային համաձայնագրեր կնքած բոլոր մասնակիցներին ծանուցելու նպատակով հրավերի տեքստը`

1) ուղարկվում է Հրապարակվող մարմնին, եթե Հրապարակող մարմինը տվյալ գնման գործընթացի պատվիրատուն չէ: Հրապարակող մարմինը հրավերի տեքստը ուղարկում է շրջանակային համաձայնագրեր կնքած բոլոր մասնակիցներին` այն ստանալու օրվան հաջորդող երեք աշխատանքային օրվա ընթացքում.

2) Հրապարակող մարմինը ուղարկում է շրջանակային համաձայնագրեր կնքած բոլոր մասնակիցներին, եթե Հրապարակող մարմինը տվյալ գնման գործընթացի պատվիրատուն է:

8. Եթե պետության կարիքների համար կնքված պայմանագրի գինը գերազանցում է գնումների բազային միավորը, ապա այդ պայմանագրում կատարված փոփոխությունը և դրա վերաբերյալ հայտարարությունը` փոփոխությունը կատարվելու օրվանից հինգ աշխատանքային օրվա ընթացքում Հրապարակող մարմինը հրապարակում է գնումների էլեկտրոնային տեղեկատուում:

9. Գնման առարկան Լեռնային Ղարաբաղի Հանրապետության ֆինանսների նախարարության կողմից շրջանակային համաձայնագրերով իրականացվող գնումների ցանկում ներառվելու օրվան հաջորդող հինգ աշխատանքային օրվա ընթացքում «Գնումների աջակցման կենտրոն» ՊՈԱԿ-ը գնումների հայտարարության և հրավերի տեքստերը տեղադրում է գնումների էլեկտրոնային տեղեկատուում:

10. Պայմանագիր կնքելու որոշման մասին հայտարարությունը այդ հայտարարությունը կազմելու օրը`

1) ուղարկվում է Հրապարակող մարմին, եթե Հրապարակող մարմինը տվյալ գնման գործընթացի պատվիրատուն չէ: Հրապարակող մարմինը հայտարարության տեքստը հրապարակում է գնումների էլեկտրոնային տեղեկատուում` այն ստանալուն հաջորդող աշխատանքային օրվա ընթացքում.

2) Հրապարակող մարմինը հրապարակում է գնումների էլեկտրոնային տեղեկատուում, եթե Հրապարակող մարմինը տվյալ գնման գործընթացի պատվիրատուն է:

11. «Գնումների մասին» Լեռնային Ղարաբաղի Հանրապետության օրենքի 10-րդ հոդվածով նախատեսված հայտարարությունը պայմանագիրը կնքելուց հետո յոթ օրացուցային օրվա ընթացքում`

1) ուղարկվում է Հրապարակող մարմնին, եթե Հրապարակող մարմինը տվյալ գնման գործընթացի պատվիրատուն չէ: Հրապարակող մարմինը հայտարարությունը ստանալուց հետո հինգ աշխատանքային օրվա ընթացքում այն հրապարակում է գնումների էլեկտրոնային տեղեկատուում.

2) Հրապարակող մարմինը հրապարակում է գնումների էլեկտրոնային տեղեկատուում, եթե տվյալ գնման գործընթացի պատվիրատուն հրապարակող մարմինն է:

12. Գնումների մասին Լեռնային Ղարաբաղի Հանրապետության օրենսդրությամբ սահմանված և սույն կարգով չնախատեսված հրապարակման ենթակա նյութերը հրապարակվում են` պահպանելով գնումների մասին Լեռնային Ղարաբաղի Հանրապետության օրենսդրությամբ և սույն կարգով սահմանված պահանջները: