ք.Ստեփանակերտ

Ղեկավարվելով «Փոստային կապի մասին» Լեռնային Ղարաբաղի Հանրապետության օրենքի 10-րդ հոդվածի երկրորդ մասի «դ» կետով և Լեռնային Ղարաբաղի Հանրապետության կառավարության 2015 թվականի հուլիսի 14-ի N 457-Ն որոշմամբ հաստատված կանոնադրության 10-րդ կետի 11-րդ ենթակետի «ժե» պարբերության դրույթներով`

ՀՐԱՄԱՅՈՒՄ ԵՄ՝

1. Հաստատել փոստային վճարման պետական նշանի նմուշները՝ «ԱՐՑԱԽԻ ՏԵՍԱՐԺԱՆ ՎԱՅՐԵՐ» շարքից ««Մեսրոպ Տեր Գրիգորյանցի տունը, Գետաշեն XIX դար», ”House of Mesrop Ter-Grigoriants, XIX century”» թեմատիկայով և ««Յանցի կամուրջը, Հյուսիսային Արցախ, XVII դար», ”Yants Bridge, Northen Artsakh, XVII century”» թեմատիկայով երկու նամականիշ՝ համաձայն N 1 հավելվածի, ««Ղարաբաղյան նժույգ», ”THE KHARABAKH HORSES”» թեմատիկայով երկու նամականիշ և մեկ մանրաթերթ՝ համաձայն N 2 հավելվածի:

2. Գործողության մեջ դնել՝ «ԱՐՑԱԽԻ ՏԵՍԱՐԺԱՆ ՎԱՅՐԵՐ» շարքից`

1) ««Մեսրոպ Տեր Գրիգորյանցի տունը, Գետաշեն XIX դար», ”House of Mesrop Ter-Grigoriants, XIX century”» թեմատիկայով նամականիշը՝ սահմանելով անվանագինը՝ 240 ՀՀ դրամ, տպաքանակը՝ 13 500 հատ.

2) ««Յանցի կամուրջը, Հյուսիսային Արցախ, XVII դար», ”Yants Bridge, Northen Artsakh, XVII century”» թեմատիկայով նամականիշը՝ սահմանելով անվանագինը՝ 120 ՀՀ դրամ, տպաքանակը՝ 13 500 հատ:

3. Գործողության մեջ դնել՝ ««Ղարաբաղյան նժույգ», ”THE KHARABAKH HORSES”» թեմատիկայով երկու նամականիշ և մեկ մանրաթերթ՝ սահմանելով համապատասխանաբար անվանագինը՝ 350 ՀՀ դրամ, տպաքանակը՝ 4 500 հատ, անվանագինը՝ 350 ՀՀ դրամ, տպաքանակը՝ 4500 հատ և անվանագինը՝ 8x350 ՀՀ դրամ, տպաքանակը՝ 500 հատ:

4. Լեռնային Ղարաբաղի Հանրապետության էկոնոմիկայի նախարարության աշխատակազմի իրավաբանական և լիցենզավորման բաժնի պետ Ա. Գալստյանին` սույն հրամանը Լեռնային Ղարաբաղի Հանրապետության օրենսդրությամբ սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն` պետական գրանցման: