ք.Ստեփանակերտ

Ղեկավարվելով «Փոստային կապի մասին» Լեռնային Ղարաբաղի Հանրապետության օրենքի 10-րդ հոդվածի երկրորդ մասի «դ» կետով և եռնային Ղարաբաղի Հանրապետության կառավարության 2015 թվականի հուլիսի 14-ի N 457-Ն որոշմամբ հաստատված կանոնադրության 10-րդ կետի 11-րդ ենթակետի «ժե» պարբերության դրույթներով`

ՀՐԱՄԱՅՈՒՄ ԵՄ

1. Հաստատել փոստային վճարման պետական նշանի նմուշները.

1) «Շուշիի ազատագրման 25-ամյակը» թեմատիկայով մեկ նամականիշ, «Արցախի Հանրապետության պաշտպանության բանակի կազմավորման 25-ամյակը» թեմատիկայով մեկ նամականիշ և «Շուշիի ազատագրման և Արցախի Հանրապետության պաշտպանության բանակի կազմավորման 25-ամյակը» թեմատիկայով նամականիշների մեկ մանրաթերթ՝ համաձայն NN 1-3 հավելվածների:

2. Գործողության մեջ դնել՝ «Շուշիի ազատագրման 25-ամյակը» թեմատիկայով մեկ նամականիշ, «Արցախի Հանրապետության պաշտպանության բանակի կազմավորման 25-ամյակը» թեմատիկայով մեկ նամականիշ և «Շուշիի ազատագրման և Արցախի հանրապետության պաշտպանության բանակի կազմավորման 25-ամյակը» թեմատիկայով նամականիշների մեկ մանրաթերթ՝ համապատասխանաբար սահմանելով անվանագինը՝ 100 ՀՀ դրամ, տպաքանակը՝ 4500 հատ, անվանագինը՝ 100 ՀՀ դրամ, տպաքանակը՝ 4500 հատ, անվանագինը՝ 1200 ՀՀ դրամ, տպաքանակը՝ 200 հատ:

3. Լեռնային Ղարաբաղի Հանրապետության էկոնոմիկայի նախարարության աշխատակազմի իրավաբանական և լիցենզավորման բաժնի պետ Ա. Գալստյանին` սույն հրամանը Լեռնային Ղարաբաղի Հանրապետության օրենսդրությամբ սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն` պետական գրանցման: