ք.Ստեփանակերտ

Հիմք ընդունելով «Հարկերի մասին» Լեռնային Ղարաբաղի Հանրապետության օրենքի բաղկացուցիչ մասը կազմող N 2 հավելվածի 3-րդ մասը և «Բնապահպանական և բնօգտագործման վճարների մասին» Լեռնային Ղարաբաղի Հանրապետության օրենքի 21-րդ հոդվածը`

Հ Ր Ա Մ Ա Յ ՈՒ Մ Ե Մ

1. 2017 թվականի երկրորդ եռամսյակից ներդնել բնապահպանական և բնօգտագործման վճարների եռամսյակային հաշվարկ-հաշվետվությունը Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչություն ու Լեռնային Ղարաբաղի Հանրապետության ֆինանսների նախարարություն ներկայացնելու էլեկտրոնային համակարգը:

2. Հաստատել բնապահպանական և բնօգտագործման վճարների եռամսյակային հաշվարկ-հաշվետվությունն էլեկտրոնային եղանակով Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչություն ու Լեռնային Ղարաբաղի Հանրապետության ֆինանսների նախարարություն ներկայացնելու ընթացակարգը` համաձայն հավելվածի:

3. Սույն հրամանն ուժի մեջ մտնելուց հետո Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչությանը` եռօրյա ժամկետում Լեռնային Ղարաբաղի Հանրապետության ֆինանսների նախարարություն ներկայացնել բնապահպանական և բնօգտագործման վճարների եռամսյակային հաշվարկ-հաշվետվությունն ընդունելու իրավասություն ունեցող Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչության լիազորված պաշտոնատար անձի տվյալները:

4. Լեռնային Ղարաբաղի Հանրապետության ֆինանսների նախարարության համակարգչային ծրագրերի մշակման և սպասարկման բաժնին` հաշվետվությունների ներկայացման էլեկտրոնային համակարգում ապահովել բնապահպանական և բնօգտագործման վճարների եռամսյակային հաշվարկ-հաշվետվության ներկայացման հնարավորությունը:

5. Լեռնային Ղարաբաղի Հանրապետության հարկային վարչարարության մեթոդաբանության և հարկ վճարողների իրազեկման բաժնին` ապահովել զանգվածային լրատվամիջոցներով և հարկային մարմնի պաշտոնական կայքի միջոցով հրամանի դրույթների վերաբերյալ հարկ վճարողներին իրազեկումը:

1. Սույն ընթացակարգով կարգավորվում են բնապահպանական և բնօգտագործման վճարների եռամսյակային հաշվարկ-հաշվետվությունը (այսուհետ` հաշվետվություն) էլեկտրոնային եղանակով ներկայացնելու ընթացակարգի հետ կապված հարաբերությունները:

2. Հաշվետվությունն էլեկտրոնային եղանակով կարող են ներկայացնել այն հարկ վճարողները, ովքեր Լեռնային Ղարաբաղի Հանրապետության ֆինանսների նախարարության հետ կնքել են հարկային մարմին հաշվետվություններն էլեկտրոնային եղանակով ներկայացնելու մասին պայմանագիր, ստացել օգտվողի մուտքի անուն և գաղտնաբառ ու գրավոր դիմում ներկայացրել Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչություն (այսուհետ` շրջակա միջավայրի և բնական ռեսուրսների վարչություն) հաշվետվությունն էլեկտրոնային եղանակով ներկայացնելու վերաբերյալ:

3. Հարկ վճարողն էլեկտրոնային ծածկագրի և գաղտնաբառի միջոցով մուտք է գործում հարկային մարմնի պաշտոնական կայքի` էլեկտրոնային հաշվետվություններին վերաբերող բաժնի հարկ վճարողի համապատասխան դարան, լրացնում հաշվետվությունը, էլեկտրոնային թվային ստորագրությամբ ստորագրում և ներկայացնում շրջակա միջավայրի և բնական ռեսուրսների վարչություն` info@mnp.nkr.am էլեկտրոնային փոստի հասցեով կամ էլեկտրոնային կրիչով:

Հաշվետվությունն էլեկտրոնային կրիչով ներկայացվելու դեպքում շրջակա միջավայրի և բնական ռեսուրսների վարչության լիազորված պաշտոնատար անձը ստուգում է լրացվածության ճշտությունը, պատշաճ լրացված լինելու դեպքում էլեկտրոնային թվային ստորագրությամբ ստորագրում և ստորագրված ֆայլը տրամադրում հարկ վճարողին: Հաշվետվությունում անճշտությունների առկայության դեպքում շրջակա միջավայրի և բնական ռեսուրսների վարչության լիազորված պաշտոնատար անձը հարկ վճարողին առաջարկում է կատարել ճշտումներ:

Հարկ վճարողն անճշտությունները վերացնելուց հետո հաշվետվությունը ներկայացնում է շրջակա միջավայրի և բնական ռեսուրսների վարչություն:

Հաշվետվությունն էլեկտրոնային փոստի միջոցով ներկայացվելու դեպքում շրջակա միջավայրի և բնական ռեսուրսների վարչության կողմից մինչև տվյալ օրվան հաջորդող առաջին աշխատանքային օրվա ավարտը հարկ վճարողի կողմից ներկայացված էլեկտրոնային փոստի հասցեով ուղարկվում է ստացական (Ձև N 1): Հաշվետվությունը պատշաճ լրացված լինելու դեպքում շրջակա միջավայրի և բնական ռեսուրսների վարչության լիազորված պաշտոնատար անձը մինչև տվյալ օրվան հաջորդող երկրորդ աշխատանքային օրվա ավարտը էլեկտրոնային թվային ստորագրությամբ ստորագրում և ստորագրված ֆայլն ուղարկում է հարկ վճարողի կողմից նշված էլեկտրոնային փոստի հասցեով: Հաշվետվությունում անճշտությունների առկայության դեպքում շրջակա միջավայրի և բնական ռեսուրսների վարչության լիազորված պաշտոնատար անձը մինչև տվյալ օրվան հաջորդող երկրորդ աշխատանքային օրվա ավարտը հարկ վճարողի կողմից նշված էլեկտրոնային փոստի հասցեով ծանուցում (Ձև N 2) է ուղարկում հարկ վճարողին հաշվետվությունը ճշգրտելու անհրաժեշտության վերաբերյալ` նշելով անճշտությունների մանրամասն նկարագրությունը:

Հարկ վճարողն անճշտությունները վերացնելուց հետո հաշվետվությունն ուղարկում է շրջակա միջավայրի և բնական ռեսուրսների վարչություն:

4. Շրջակա միջավայրի և բնական ռեսուրսների վարչության լիազորված պաշտոնատար անձի կողմից էլեկտրոնային թվային ստորագրությամբ ստորագրված հաշվետվությունը ստանալուց հետո հարկ վճարողը մուտք է գործում հարկային մարմնի հաշվետվությունների ներկայացման էլեկտրոնային համակարգ, կցում լիազորված անձանց կողմից էլեկտրոնային թվային ստորագրությամբ ստորագրված հաշվետվությունը և ուղարկում հարկային մարմնի տեղեկատվական համակարգ: Հարկային մարմնի տեղեկատվական համակարգում հաշվետվությունն ընդունվելու կամ ընդունումը մերժելու կարգը սահմանվում է «Հարկերի մասին» Լեռնային Ղարաբաղի Հանրապետության օրենքի բաղկացուցիչ մասը կազմող N 2 հավելվածով և հարկային մարմին հաշվետվություններն էլեկտրոնային եղանակով ներկայացնելու մասին պայմանագրով:

Հարկ վճարողի անվանումը _____________________________________________________

Հարգելի հարկ վճարող,

Ձեր կողմից ________ ___-ին ժամը ___:___ -ին ներկայացված 20 ___ թվականի ____ եռամսյակի բնապահպանական և բնօգտագործման վճարների եռամսյակային հաշվարկ-հաշվետվությունը գրանցվել է Լեռնային Ղարաբաղի Հանրապետության կառավարությանն առընթեր շրջակա միջավայրի և բնական ռեսուրսների վարչությունում (գրանցման համար` _____________):

Հարգելի հարկ վճարող,

Ձեր 20____ թվականի _____________________________________-ի համար ներկայացված

                                          (հաշվետու ժամանակաշրջանը)

հաշվարկ-հաշվետվությունում առկա են անճշտություններ.

____________________________________________________________________________

^{առկա անհամապատասխանությունների, անճշտությունների, խախտումների մանրամասն նկարագրությունը}

____________________________________________________________________________

____________________________________________________________________________:

Առաջարկում ենք կատարել ճշգրտումներ և ներկայացնել ճշգրտված հաշվարկ-հաշվետվություն:

Լիազորված պաշտոնատար անձի ______________ _____________________________

                                                              ^{պաշտոնը                                  անունը, ազգանունը}