ք. Ստեփանակերտ

Ղեկավարվելով «Փոստային կապի մասին» Լեռնային Ղարաբաղի Հանրապետության օրենքի 10-րդ հոդվածի երկրորդ մասի «դ» կետով`

1. Սահմանել փոստային վճարման պետական նշանի նմուշները.

1) «Շուշիի երկրաբանական թանգարան», "Geological museum of Shoushi" թեմայով մեկ գեղաթերթիկը՝ ութ նամականիշով՝ համաձայն N 1 հավելվածի,

2) «Ամանոր և Սուրբ Ծնունդ» թեմայով երկու նամականիշները` համաձայն NN 2, և 3 հավելվածների:

2. Գործողության մեջ դնել՝

1) «Շուշիի երկրաբանական թանգարան», "Geological museum of Shoushi" թեմայով ութ նամականիշով մեկ գեղաթերթիկը՝ սահմանելով անվանագինը՝ 800 ՀՀ դրամ, տպաքանակը՝ 12 000 հատ,

2) «Ամանոր և Սուրբ Ծնունդ» թեմայով երկու նամականիշները՝ համապատասխանաբար սահմանելով անվանագինը` 220 ՀՀ դրամ, տպաքանակը` 12 000 հատ, անվանագինը` 120 ՀՀ դրամ, տպաքանակը` 12 000 հատ:

3. Արցախի Հանրապետության էկոնոմիկայի և արտադրական ենթակառուցվածքների նախարարության աշխատակազմի իրավաբանական բաժնի պետ Ա. Թովմասյանին` սույն հրամանն Արցախի Հանրապետության օրենսդրությամբ սահմանված կարգով ներկայացնել Արցախի Հանրապետության արդարադատության նախարարություն` պետական գրանցման: