ք.Ստեփանակերտ

Արցախի Հանրապետության սահմանադրության 122-րդ և 162-րդ հոդվածների կիրարկումն ապահովելու նպատակով, «Իրավական ակտերի մասին» Լեռնային Ղարաբաղի Հանրապետության օրենքի 15-րդ հոդվածին համապատասխան՝ Արցախի Հանրապետության կենտրոնական ընտրական հանձնաժողովը որոշում է.

Սահմանել

1. ստորագրությունների հավաքման կարգը` համաձայն N 1 հավելվածի.

2. ստորագրությունների հավաքման ձևաթերթիկի ձևը` համաձայն N 2 հավելվածի.

3. տեղում ստորագրությունների հավաքմանը միանալու վերաբերյալ նոտարական կարգով տրված հայտարարության ձևը՝ համաձայն N 3 հավելվածի:

1. Սույնով սահմանվում են տեղում ստորագրությունների հավաքման կարգը, դրա համար անհրաժեշտ ձևաթերթիկին ներկայացվող պահանջները, ձևաթերթիկում լրացվող անհրաժեշտ տվյալների ցանկը և ձևաթերթիկի լրացման կարգը:

2. Գրանցումից հետո նախաձեռնող խումբն իրավունք է ստանում ձեռնարկելու օրենքի նախագծի ընդունման նախաձեռնությանը քաղաքացիների միացումը՝ ստորագրություններ հավաքելու միջոցով:

3. Ստորագրությունների հավաքումն իրականացվում է ստորագրությունների հավաքման ձևաթերթիկի (հավելված N2) միջոցով՝ տեղում ստորագրելու եղանակով: Ստորագրությունների հավաքման ձևաթերթիկի նմուշը ներբեռնման հնարավորությամբ տեղադրվում է Արցախի Հանրապետության կենտրոնական ընտրական հանձնաժողովի (այսուհետ` Կենտրոնական ընտրական հանձնաժողով) համացանցային կայքում, նախաձեռնող խմբի անդամներին չի տրամադրվում. այն ներբեռնում և տպագրում է նախաձեռնող խումբը:

4. Ստորագրությունների հավաքմանը (նախաձեռնել, կազմակերպել, օժանդակել) կարող են ներգրավվել 16 տարին լրացած քաղաքացիները:

5. Ստորագրել կարող են միայն ստորագրելու պահին հանրաքվեին մասնակցելու իրավունք ունեցող քաղաքացիները:

6. Տեղում ստորագրությունների հավաքում կազմակերպվում է Արցախի Հանրապետության տարածքում գործող՝

1) համայնքապետարաններում.

2) շրջվարչակազմերում (Ստեփանակերտի քաղաքապետարանում):

7. Տեղում ստորագրությունների հավաքման վայրը տրամադրում են սույն կարգի 6-րդ կետում նշված մարմինների ղեկավարները նախաձեռնող խմբի գրավոր դիմելուց հետո` երեք օրվա ընթացքում:

8. Տեղում ստորագրությունների հավաքմանը ստորագրողը կարող է մասնակցել՝ ներկայացնելով անձը հաստատող փաստաթուղթ: Սույն կետում նշված դեպքում անձը հաստատող փաստաթուղթ են համարվում նույնականացման քարտը, անձնագիրը, անձնագրին կամ նույնականացման քարտին փոխարինող ժամանակավոր փաստաթուղթը՝ տրված լիազոր մարմնի կողմից:

9. Տեղում ստորագրելու դեպքում ստորագրությունների հավաքումն իրականացնող անձը՝ ստորագրությունների հավաքման վայրում նշանակված համապատասխան հանրային ծառայողի մասնակցությամբ, ստուգում է ստորագրողի ինքնությունը՝ ներկայացված փաստաթղթում առկա լուսանկարի միջոցով, այնուհետև ձևաթերթիկում լրացնում է ստորագրողի ազգանունը, անունը, հայրանունը, ծննդյան օրը, ամիսը և տարին, ստորագրողի անձը հաստատող փաստաթղթի տվյալները (անձնագրի դեպքում՝ սերիան և համարը, նույնականացման քարտի դեպքում՝ նույնականացման քարտի համարը) և հնարավորություն է ընձեռում ստորագրողին ձևաթերթիկում ստորագրելու իր տվյալների դիմաց համապատասխան սյունակում: Ձևաթերթիկում լրացվում է նաև ստորագրման օրը, ամիսը, տարին:

10. Տեղում ստորագրելու դեպքում յուրաքանչյուր ձևաթերթիկն ամբողջական լրացվելուց հետո ստորագրվում է նախաձեռնող խմբի՝ ստորագրությունների հավաքումն իրականացնող ներկայացուցչի և ստորագրությունների հավաքման վայրում նշանակված համապատասխան հանրային ծառայողի կողմից:

11. Տեղում ստորագրությունների հավաքմանը կարելի է միանալ այդ մասին նոտարական կարգով տրված հայտարարությամբ (հավելված N3), որի ձևաթուղթը ներբեռնվում է Կենտրոնական ընտրական հանձնաժողովի համացանցային կայքից:

(_____________________ նախագծի (հարցի) քաղաքացիական նախաձեռնության կարգով առաջարկելուն

նշվում է նախագծի (հարցի) անվանումը

միանալու վերաբերյալ)

Ես, _________________________________________, ծնված _______________________________________, 

 (նշվում է ստորագրողի անունը, հայրանունը, ազգանունը)                          (նշվում է ստորագրողի ծննդյան օրը, ամիսը, տարեթիվը)

Անձը հաստատող փաստաթղթի տվյալներ՝

____________________________________________________________________________________,

 (նշվում է ստորագրողի անձը հաստատող փաստաթղթի տվյալները (անձնագրի դեպքում՝ սերիան և համարը,

նույնականացման քարտի դեպքում՝ համարը))

նոտարական կարգով տրված սույն հայտարարությամբ միանում եմ ______________________________________

                                                                                                                                                         (նշվում է նախագծի (հարցի) անվանումը)

նախագծի (հարցի) քաղաքացիական նախաձեռնության կարգով առաջարկելու նպատակով կազմավորված նախաձեռնող խմբի կողմից իրականացվող ստորագրությունների հավաքմանը:

Հայտարարությունը տվեց՝ __________________________    ___________________

                                                            (անունը, հայրանունը, ազգանունը)                     (ստորագրությունը)

__________________________________________

      (նշվում է հայտարարություն տալու օրը, ամիսը, տարեթիվը)

______________________ թվականին, ես, ____________________ նոտարական տարածքի նոտար________________ս, վավերացնում եմ ___________________ի ստորագրության իսկությունը, որը կատարվել է իմ ներկայությամբ: Փաստաթուղթը ստորագրողի ինքնությունը և գործունակությունը ստուգված են:

«Նոտարիատի մասին» ԼՂՀ օրենքի 58-րդ հոդվածի համաձայն՝ հաստատում եմ ֆիզիկական անձի կողմից կատարված ստորագրության իսկությունը, այլ ոչ թե փաստաթղթում շարադրված փաստերը:

Գրանցված է գրանցամատյան թիվ ____________ով:

Գանձված է պետական տուրք _____________ և ծառայության վճար __________ համաձայն ՝ «Պետական տուրքի մասին» և «Նոտարիատի մասին» ԼՂՀ օրենքների:

Նոտար՝ ________________________________ԱՀ զինանշանի պատկերով կնիք

Հայտարարությունը պետք է ներկայացնել ստորագրությունների հավաքումն իրականացնող անձին կամ Արցախի Հանրապետության կենտրոնական ընտրական հանձնաժողով: