ք. Ստեփանակերտ

Ղեկավարվելով «Փոստային կապի մասին» Լեռնային Ղարաբաղի Հանրապետության օրենքի 10-րդ հոդվածի երկրորդ մասի «դ» կետով`

ՀՐԱՄԱՅՈՒՄ ԵՄ

1. Սահմանել փոստային վճարման պետական նշանի նմուշները՝ «ԵՎՐՈՊԱ», "EUROPE" շարքից «Ազգային թռչուն», "National bird" թեմատիկայով երկու նամականիշ` համաձայն NN 1 և 2 հավելվածների:

2. Գործողության մեջ դնել՝ «ԵՎՐՈՊԱ», "EUROPE" շարքից «Ազգային թռչուն», "National bird" թեմատիկայով երկու նամականիշ՝ սահմանելով յուրաքանչյուրի անվանագինը՝ 400-ական ՀՀ դրամ, տպաքանակը՝ 4000-ական հատ:

3. Արցախի Հանրապետության էկոնոմիկայի և արտադրական ենթակառուցվածքների նախարարության աշխատակազմի իրավաբանական բաժնի պետ Ա. Թովմասյանին` սույն հրամանը Արցախի Հանրապետության օրենսդրությամբ սահմանված կարգով ներկայացնել Արցախի Հանրապետության արդարադատության նախարարություն`պետական գրանցման: