ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ Ո Ւ Մ
| 17 նոյեմբերի 2021թ. |
N 1243-Ն |
ք. Ստեփանակերտ
«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ՄԻՋՈՑՆԵՐԻ ՀԱՇՎԻՆ
ԱՊՐԱՆՔՆԵՐԻ ՄԱՏԱԿԱՐԱՐՈՒՄԸ ԵՎ (ԿԱՄ) ԾԱՌԱՅՈՒԹՅՈՒՆՆԵՐԻ
ՄԱՏՈՒՑՈՒՄՆ ԱՎԵԼԱՑՎԱԾ ԱՐԺԵՔԻ ՀԱՐԿԻՑ ԱԶԱՏԵԼՈՒ
ԱՐՏՈՆՈՒԹՅԱՆ ԿԻՐԱՌՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Հիմք ընդունելով «Ավելացված արժեքի հարկի մասին» օրենքի 15-րդ հոդվածի 43-րդ կետը` Արցախի Հանրապետության կառավարությունը որոշում է.
1. Սահմանել «Հայաստան» համահայկական հիմնադրամի միջոցների հաշվին ապրանքների մատակարարումը և (կամ) ծառայությունների մատուցումն ավելացված արժեքի հարկից ազատելու արտոնության կիրառման կարգը՝ համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
3. 2021 թվականի ապրիլի 1-ից մինչև սույն որոշումն ուժի մեջ մտնելը «Ավելացված արժեքի հարկի մասին» օրենքի 15-րդ հոդվածի 43-րդ կետին համապատասխան` «Հայաստան» համահայկական հիմնադրամի միջոցների հաշվին իրականացված ապրանքների մատակարարման և (կամ) ծառայությունների մատուցման գործարքների մասով տեղեկանքները Արցախի Հանրապետության պետական նախարարի աշխատակազմ են ներկայացվում սույն որոշումն ուժի մեջ մտնելուց հետո մեկամսյա ժամկետում:
|
«Հաստատում եմ» |
|
| |
|
|
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ |
Ա. ՀԱՐՈՒԹՅՈՒՆՅԱՆ |
| |
Հավելված
Արցախի Հանրապետության
կառավարության 2021 թվականի
նոյեմբերի 17-ի N 1243–Ն որոշման |
Կ Ա Ր Գ
«ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ՄԻՋՈՑՆԵՐԻ ՀԱՇՎԻՆ
ԱՊՐԱՆՔՆԵՐԻ ՄԱՏԱԿԱՐԱՐՈՒՄԸ ԵՎ (ԿԱՄ) ԾԱՌԱՅՈՒԹՅՈՒՆՆԵՐԻ
ՄԱՏՈՒՑՈՒՄՆ ԱՎԵԼԱՑՎԱԾ ԱՐԺԵՔԻ ՀԱՐԿԻՑ ԱԶԱՏԵԼՈՒ
ԱՐՏՈՆՈՒԹՅԱՆ ԿԻՐԱՌՄԱՆ
1. Սույն կարգը կարգավորում է «Ավելացված արժեքի հարկի մասին» օրենքի (այսուհետ՝ Օրենք) 15-րդ հոդվածի 43-րդ կետին համապատասխան` «Հայաստան» համահայկական հիմնադրամի (այսուհետ՝ Հիմնադրամ) միջոցների հաշվին ապրանքների մատակարարումը և (կամ) ծառայությունների մատուցումն ավելացված արժեքի հարկից (այսուհետ՝ ԱԱՀ) ազատելու արտոնության կիրառման հարցերը:
2. Սույն կարգի դրույթները չեն տարածվում Հիմնադրամի միջոցների հաշվին ապրանքների մատակարարման և (կամ) ծառայությունների մատուցման այն գործարքների վրա, որոնք Օրենքի 15-րդ հոդվածի 29-րդ կետին համապատասխան որակվել են որպես մարդասիրական օգնության և բարեգործական ծրագրեր:
3. Հիմնադրամի միջոցների հաշվին ապրանքների մատակարարման և (կամ) ծառայությունների մատուցման գործարքների նկատմամբ Օրենքի 15-րդ հոդվածի 43-րդ կետով սահմանված հարկային արտոնության կիրառման համար հիմք են ընդունվում սույն կարգով սահմանված ձևի տեղեկանքը` տրված Հիմնադրամի կողմից և համապատասխան հաշվարկային ու վճարային փաստաթղթերը:
4. Տեղեկանքը կազմվում է չորս օրինակից, որոնցից մեկ օրինակը պահվում է Հիմնադրամում, մեկ օրինակը տրվում է ապրանքների մատակարարում և (կամ) ծառայությունների մատուցում իրականացնող անձին, իսկ երկու օրինակները Հիմնադրամի կողմից հինգ աշխատանքային օրվա ընթացքում ներկայացվում են Արցախի Հանրապետության պետական նախարարի աշխատակազմ:
5. Արցախի Հանրապետության պետական նախարարի աշխատակազմը սույն կարգի 3-րդ կետով սահմանված տեղեկանքը ստանալուց հետո հինգ աշխատանքային օրվա ընթացքում հաշվառում է և դրա մեկ օրինակն ուղարկում Արցախի Հանրապետության պետական եկամուտների կոմիտե:
|
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ |
|
|
ԱՇԽԱՏԱԿԱԶՄԻ ԿԱՌԱՎԱՐՈՒԹՅԱՆ |
|
|
ԳՈՐԾԵՐԻ ԿԱՌԱՎԱՐՉՈՒԹՅԱՆ ՊԵՏ |
Ա. ԼԱԶԱՐՅԱՆ |
|
Կազմված է 4 օրինակից
Օրինակ N____ |
|
Տ Ե Ղ Ե Կ Ա Ն Ք
|
«____» _________________ 20 թ. |
N _____ |
Սույնով հաստատվում է, որ 20____թվականի_________________ ___ ին «Հայաստան» համահայկական հիմնադրամի և
___________________________________________________________________________________
(ապրանքներ մատակարարողի և (կամ) ծառայություններ մատուցողի անվանումը (անունը, ազգանունը)),
___________________________________________________________________________________
(ՀՎՀՀ-ն, գործունեության (բնակության) վայրի հասցեն)
միջև կնքված պայմանագրին վերաբերող
___________________________________________________________________________________
(գործարքի անվանումը կամ համառոտ բովանդակությունը)
______________________________________________________________________շրջանակներում,
___________________________________________________________________________________
(ապրանքներ մատակարարողի և (կամ) ծառայություններ մատուցողի անվանումը (անունը, ազգանունը)),
___________________________________________________________________________________
(ՀՎՀՀ-ն, գործունեության (բնակության) վայրի հասցեն)
ձեռք է բերվում
___________________________________________________________________________________
(մատակարարվող ապրանքների և (կամ) մատուցվող ծառայությունների համառոտ նկարագրությունը)
___________________________________________________________________________________
(մատակարարվող ապրանքների քանակը և (կամ) մատուցվող ծառայությունների ծավալը, դրանց
ընդհանուր արժեքը, ապրանքների մատակարարման և (կամ) ծառայությունների մատուցման ժամկետը)
Մատակարարված ապրանքների և (կամ) մատուցված ծառայությունների դիմաց վճարումը կատարվում է «Հայաստան» համահայկական հիմնադրամի միջոցների հաշվին:
|
«Հայաստան» համահայկական հիմնադրամի
լիազորված պաշտոնատար անձ |
________________________
(ստորագրությունը, անունը, ազգանունը) |
|
Կ.Տ. |