ԱՐՑԱԽԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐ
2019 թվականի օգոստոսի 9-ի
ՆՈՏԱՐՆԵՐԻ ՎԵՐԱՊԱՏՐԱՍՏՄԱՆ ԿԱՐԳԸ ԵՎ ՊԱՅՄԱՆՆԵՐԸ
ՍԱՀՄԱՆԵԼՈՒ ՄԱՍԻՆ
N 94-Ն
Հ Ր Ա Մ Ա Ն
Ղեկավարվելով «Նոտարիատի մասին» օրենքի 21-րդ հոդվածի 1-ին մասի 5-րդ կետով.
ՀՐԱՄԱՅՈՒՄ ԵՄ`
1. Սահմանել նոտարների վերպատրաստման կարգը և պայմանները՝ համաձայն հավելվածի:
2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Արցախի Հանրապետության
արդարադատության նախարար |
Ա. Դանիելյան |
| |
|
|
2019 թվականի օգոստոսի 9
ք. Ստեփանակերտ |
| |
Հավելված
Արցախի Հանրապետության
արդարադատության նախարարի
2019 թվականի օգոստոսի 9-ի N 94-Ն հրամանի |
ԿԱՐԳ ԵՎ ՊԱՅՄԱՆՆԵՐ
ՆՈՏԱՐՆԵՐԻ ՎԵՐՊԱՏՐԱՍՏՄԱՆ
1. Սույն կարգը սահմանում է Արցախի Հանրապետության պետական նոտարների (այսուհետ՝ նոտար) պարտադիր վերապատրաստման (այսուհետ՝ վերապատրաստում) կազմակերպման կարգը և պայմանները, կարգավորում է վերապատրաստում անցկացնելու հետ կապված հարաբերությունները:
2. Նոտարի վերապատրաստումն օրենքով առնվազն 3 տարին մեկ անգամ սահմանված պարտադիր գործընթաց է և կատարվում է մատչելիության, համակարգվածության և պարբերական ուսուցման սկզբունքների, ինչպես նաև տեսական գիտելիքների և գործնական հմտությունների համադրության հիման վրա:
3. Նոտարների վերապատրաստման նպատակն է նրանց մասնագիտական հմտությունների կատարելագործումը, որակավորման բարձրացումը, կարողությունների և գործնական հմտությունների ձեռքբերումը և զարգացումը՝ գիտելիքների նորացման, խորացման և ծավալի ընդլայնման միջոցով, ինչպես նաև, գործող օրենսդրությամբ և գործող օրենսդրության մեջ տեղի ունեցող փոփոխություններին զուգահեռ նոտարական գործողություններ իրականացնելիս դրանց կիրառման պրակտիկայի, աշխատանքային ունակությունների բարձրացման ապահովումը:
4. Նոտարների վերապատրաստումն իրականացվում է Արցախի Հանրապետության արդարադատության նախարարության կողմից կազմակերպված դասընթացների միջոցով: Արցախի Հանրապետության արդարադատության նախարարը վերապատրաստման դասընթացների կազմակերպումը կարող է իրականացնել Հայաստանի Հանրապետության նոտարական պալատի հետ կնքված համագործակցության հուշագրի հիման վրա, ինչպես նաև այն պատվիրել մասնագիտացված կազմակերպությանը:
5. Դասընթացները կազմակերպվում են ուսումնական պլանով յուրաքանչյուր տարի՝ մեկ փուլով:
6. Յուրաքանչյուր տարվա ընթացքում վերապատրաստման ենթակա նոտարների ցուցակը սահմանվում է Արցախի Հանրապետության արդարադատության նախարարի հրամանով:
7.Վերապատրաստման դասընթացների տևողությունը յուրաքանչյուր նոտարի համար 30, բայց ոչ ավելի, քան 60 ակադեմիական ժամ է: Ակադեմիական ժամի տևողությունը 40 րոպե է: