ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

  ք.Ստեփանակերտ

Ի կատարումն Լեռնային Ղարաբաղի Հանրապետության Նախագահի 2007 թվականի սեպտեմբերի 25-ի ՆՀ-9-Ն հրամանագրի և ղեկավարվելով «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 11-րդ հոդվածով` Լեռնային Ղարաբաղի Հանրապետության կառավարությունը  որոշում է.

1. «Լեռնային Ղարաբաղի Հանրապետության կրթության, մշակույթի և սպորտի նախարարության աշխատակազմ» պետական կառավարչական հիմնարկը բաժանման ձևով վերակազմակերպել`

ա) «Լեռնային Ղարաբաղի Հանրապետության կրթության և գիտության նախարարության աշխատակազմ» պետական կառավարչական հիմնարկի:

բ) «Լեռնային Ղարաբաղի Հանրապետության մշակույթի և երիտասարդության հարցերի նախարարության աշխատակազմ» պետական կառավարչական հիմնարկի:

գ) «Լեռնային Ղարաբաղի Հանրապետության կառավարությանն առընթեր սպորտի պետական կոմիտեի աշխատակազմ» պետական կառավարչական հիմնարկի:

2. Լեռնային Ղարաբաղի Հանրապետության կրթության և գիտության, Լեռնային Ղարաբաղի Հանրապետության մշակույթի և երիտասարդության հարցերի նախարարներին և Լեռնային Ղարաբաղի Հանրապետության կառավարությանն առընթեր սպորտի պետական կոմիտեի նախագահին`

ա) ապահովել վերակազմակերպված «Լեռնային Ղարաբաղի Հանրապետության կրթության, մշակույթի և սպորտի նախարարության աշխատակազմ» պետական կառավարչական հիմնարկի աշխատողների` օրենքով սահմանված աշխատանքային իրավունքներն ու երաշխիքները:

բ) երկշաբաթյա ժամկետում` սահմանված կարգով Լեռնային Ղարաբաղի Հանրապետության կառավարության հաստատմանը ներկայացնել «Լեռնային Ղարաբաղի Հանրապետության կրթության և գիտության նախարարության աշխատակազմ», «Լեռնային Ղարաբաղի Հանրապետության մշակույթի և երիտասարդության հարցերի նախարարության աշխատակազմ», «Լեռնային Ղարաբաղի Հանրապետության կառավարությանն առընթեր սպորտի պետական կոմիտեի աշխատակազմ» պետական կառավարչական հիմնարկների կանոնադրությունները և կառուցվածքները, ինչպես նաև հիմնարկներին հանձնվող գույքի կազմը և չափը.

գ) մեկամսյա ժամկետում` սահմանված կարգով Լեռնային Ղարաբաղի Հանրապետության կառավարություն ներկայացնել առաջարկություններ սույն որոշման 1-ին կետից բխող` այլ իրավական ակտերում փոփոխություններ և լրացումներ կատարելու վերաբերյալ.

3. Լեռնային Ղարաբաղի Հանրապետության ֆինանսների նախարարին` սույն որոշման 2-րդ կետում նշված աշխատանքներն ավարտելուց հետո տասնօրյա ժամկետում Լեռնային Ղարաբաղի Հանրապետության կառավարություն ներկայացնել առաջարկություն Լեռնային Ղարաբաղի Հանրապետության 2007 թվականի պետական բյուջեում սույն որոշումից բխող վերաբաշխումներ կատարելու վերաբերյալ: