ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ

ՆԱԽԱՐԱՐՈՒԹՅԱՆ «ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՊԵՏԱԿԱՆ

ԾԱՌԱՅՈՒԹՅԱՆ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ

ՀԻՄՆԱՐԿԸ ՎԵՐԱՆՎԱՆԵԼՈՒ ԵՎ ՄԻ ՇԱՐՔ ՊԵՏԱԿԱՆ ԿԱՌԱՎԱՐՉԱԿԱՆ

ՀԻՄՆԱՐԿՆԵՐ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

Հիմք ընդունելով «Պետական կառավարչական հիմնարկների մասին» օրենքի 11-րդ և 17-րդ հոդվածները և ղեկավարվելով Արցախի Հանրապետության Նախագահի 2022 թվականի ապրիլի 12-ի ՆՀ-659-Ն հրամանագրով՝ Արցախի Հանրապետության կառավարությունը որոշում է.

1. Արցախի Հանրապետության գյուղատնտեսության նախարարության «Սննդամթերքի անվտանգության պետական ծառայության աշխատակազմ» պետական կառավարչական հիմնարկը վերանվանել «Արցախի Հանրապետության պետական տեսչությունների կառավարման կոմիտեի աշխատակազմ» պետական կառավարչական հիմնարկ:

2. Վերակազմակերպել «Արցախի Հանրապետության գյուղատնտեսության նախարարության աշխատակազմ» պետական կառավարչական հիմնարկը՝ դրանից առանձնացնելով գյուղատնտեսական տեխնիկայի պետական տեսչությունը և այն միացնելով «Արցախի Հանրապետության պետական տեսչությունների կառավարման կոմիտեի աշխատակազմ» պետական կառավարչական հիմնարկին:

3. Վերակազմակերպել «Արցախի Հանրապետության տարածքային կառավարման և ենթակառուցվածքների նախարարության աշխատակազմ» պետական կառավարչական հիմնարկը՝ դրանից առանձնացնելով էներգետիկայի պետական տեսչությունը և Լեռնային Ղարաբաղի Հանրապետության տրանսպորտային տեսչությունը և դրանք միացնելով «Արցախի Հանրապետության պետական տեսչությունների կառավարման կոմիտեի աշխատակազմ» պետական կառավարչական հիմնարկին:

4. Վերակազմակերպել «Արցախի Հանրապետության ֆինանսների և էկոնոմիկայի նախարարության աշխատակազմ» պետական կառավարչական հիմնարկը՝ դրանից առանձնացնելով շուկայի և սպառողների շահերի պաշտպանության տեսչությունը և այն միացնելով «Արցախի Հանրապետության պետական տեսչությունների կառավարման կոմիտեի աշխատակազմ» պետական կառավարչական հիմնարկին:

5. Վերակազմակերպել «Արցախի Հանրապետության ջրային կոմիտեի աշխատակազմ» պետական կառավարչական հիմնարկը՝ դրանից առանձնացնելով ջրային համակարգերի օգտագործման և պահպանության պետական տեսչությունը և այն միացնելով «Արցախի Հանրապետության պետական տեսչությունների կառավարման կոմիտեի աշխատակազմ» պետական կառավարչական հիմնարկին:

6. Վերակազմակերպել «Արցախի Հանրապետության բնապահպանության կոմիտեի աշխատակազմ» պետական կառավարչական հիմնարկը՝ դրանից առանձնացնելով բնապահպանական և ընդերքի պետական տեսչությունը և այն միացնելով «Արցախի Հանրապետության պետական տեսչությունների կառավարման կոմիտեի աշխատակազմ» պետական կառավարչական հիմնարկին:

7. Սահմանել, որ «Արցախի Հանրապետության պետական տեսչությունների կառավարման կոմիտեի աշխատակազմ» պետական կառավարչական հիմնարկը հանդիսանում է «Արցախի Հանրապետության գյուղատնտեսության նախարարության աշխատակազմ», «Արցախի Հանրապետության տարածքային կառավարման և ենթակառուցվածքների նախարարության աշխատակազմ», «Արցախի Հանրապետության ֆինանսների և էկոնոմիկայի նախարարության աշխատակազմ», «Արցախի Հանրապետության ջրային կոմիտեի աշխատակազմ» և «Արցախի Հանրապետության բնապահպանության կոմիտեի աշխատակազմ» պետական կառավարչական հիմնարկների՝ վերակազմակերպմանը համապատասխանող բնագավառների իրավահաջորդը:

8. Արցախի Հանրապետության պետական նախարարին, Արցախի Հանրապետության գյուղատնտեսության նախարարին, Արցախի Հանրապետության տարածքային կառավարման և ենթակառուցվածքների նախարարին, Արցախի Հանրապետության ֆինանսների և էկոնոմիկայի նախարարին, Արցախի Հանրապետության ջրային կոմիտեի նախագահին՝ սահմանված կարգով Արցախի Հանրապետության կառավարություն ներկայացնել առաջարկություններ.

1) մեկամսյա ժամկետում` «Արցախի Հանրապետության պետական տեսչությունների կառավարման կոմիտեի աշխատակազմ» պետական կառավարչական հիմնարկին հանձնվող գույքի կազմը ու չափը հաստատելու վերաբերյալ.

2) սույն որոշմամբ պայմանավորված այլ իրավական ակտերում փոփոխություններ և (կամ) լրացումներ կատարելու վերաբերյալ:

9. Արցախի Հանրապետության պետական տեսչությունների կառավարման կոմիտեի նախագահին՝ մեկամսյա ժամկետում սահմանված կարգով Արցախի Հանրապետության կառավարություն ներկայացնել առաջարկություններ «Արցախի Հանրապետության պետական տեսչությունների կառավարման կոմիտեի աշխատակազմ» պետական կառավարչական հիմնարկի կանոնադրությունը և աշխատակազմի կառուցվածքը հաստատելու վերաբերյալ:

10. Արցախի Հանրապետության ֆինանսների և էկոնոմիկայի նախարարին՝ սույն որոշմամբ պայմանավորված՝ անհրաժեշտ վերաբաշխումներ կատարել Արցախի Հանրապետության 2022 թվականի պետական բյուջեում՝ մեկամսյա ժամկետում:

11. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: