ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

ՈՐՈՇՈՒՄ

 

«28» նոյեմբերի 2006թ.

N 581

 ք.Ստեփանակերտ

 

Հասարակական և արտադրական նշանակության շինությունների ցանկը սահմանելու մասին

 

«Գույքահարկի մասին» ԼՂՀ օրենքի հավելվածի 3-րդ բաժնի 3.2-րդ կետի «ժա» և 4-րդ բաժնի 4.2-րդ կետի «ժ» ենթակետերին և Լեռնային Ղարաբաղի Հանրապետության 2004 թվականի հուլիսի 30-ի «Գույքահարկի մասին» ԼՂՀ օրենքի կիրարկումն ապահովող միջոցառումների մասին» թիվ 270 որոշման 5-րդ կետին համապատասխան` Լեռնային Ղարաբաղի Հանրապետության կառավարությունը ո ր ո շ ու մ  է.

1. Սահմանել Լեռնային Ղարաբաղի Հանրապետությունում գույքահարկով հարկման նպատակով հասարակական /գիտական, կրթական, ուսումնական/ և արտադրական /արդյունաբերական, գյուղատնտեսական/ նշանակության շինությունների ցանկերը` օգտագործման նպատակային նշանակությանը համապատասխան` համաձայն թթ. 1 և 2 հավելվածների:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

 

ԼՂՀ ՎԱՐՉԱՊԵՏ

Ա.ԴԱՆԻԵԼՅԱՆ

 

 

Հավելված 1 ԼՂՀ կառավարության 2006թ. նոյեմբերի 28-ի  թիվ 581 որոշման

 

Ց Ա Ն Կ

 

Լեռնային Ղարաբաղի Հանրապետությունում գույքահարկով հարկման նպատակով հասարակական նշանակության /գիտական, կրթական, ուսումնական/ շինությունների` օգտագործման նպատակային նշանակությանը համապատասխան

 

I. Գիտական, կրթական և ուսումնական նպատակային նշանակության շինություններ

 

1. Գիտական, գիտահետազոտական ինստիտուտների շինություններ

2. Կրթական և ուսումնական նշանակության շինություններ, այդ թվում`

մանկապարտեզների,

հանրակրթական դպրոցների,

վարժարանների,

կրթահամալիրների,

արհեստագործական ուսումնարանների,

քոլեջների,

համալսարանների,

ինստիտուտների,

ակադեմիաների /ուսումնական/,

կոնսերվատորիաների /երաժշտական ուսումնարաններ, երաժշտական դպրոցներ/,

ուսումնական կենտրոնների շինություններ:

 

 

ԼՂՀ կառավարության աշխատակազմի ղեկավար-նախարար

Ս.Գրիգորյան

 

 

Հավելված 2 ԼՂՀ կառավարության 2006թ. նոյեմբերի 28-ի  թիվ 581 որոշման

 

Ց Ա Ն Կ

 

Լեռնային Ղարաբաղի Հանրապետությունում գույքահարկով հարկման նպատակով արտադրական /արդյունաբերական, գյուղատնտեսական/ նշանակության շինությունների` օգտագործման նպատակային նշանակությանը համապատասխան

 

I. Արդյունաբերական նշանակության շինություններ

 

1. Էներգետիկայի ոլորտի շինություններ, այդ թվում`

ատոմակայանների և ատոմային ռեակտորով այլ կառույցների,

ջերմային էլեկտրակայանների,

գոլորշու և տաք ջրի արտադրության կայանների,

հիդրոէլեկտրակայանների,

այլընտրանքային էներգետիկայի կայանների,

երկրաջերմային կայանների,

միջուկային վառելիքի արտադրության և հարստացման վերափոխիչ կայանների,

միջուկային վառելիքի միջանկյալ պահպանման կառույցների,

բարձր ռադիոակտիվության թափոնների վերամշակման և վերջնական տեղադրման կառույցների,

գործող և փակված ատոմակայանների և ռադիոնուկլոիդներ օգտագործող կայանների

ռադիոակտիվ թափոնների վերամշակման, թաղման շինություններ:

2. Մետալուրգիայի ոլորտի շինություններ, այդ թվում`

երկաթի,

պողպատի,

գունավոր մետաղների արտադրության, մշակման շինություններ:

3. Լեռնահանքային արտադրության շինություններ:

4. Քիմիական արտադրության ոլորտի շինություններ, այդ թվում`

կաուչուկների արտադրության և վերամշակման,

ռետինատեխնիկական իրերի, այլ օրգանական նյութերի արտադրության և վերամշակման,

կենցաղային քիմիայի նյութերի արտադրության շինություններ:

5. Թեթև արդյունաբերության ոլորտի շինություններ, այդ թվում`

մանածագործական,

գործվածքային,

կոշիկի,

գուլպեղենի,

տրիկոտաժի,

կաշվի,

կարի,

գորգեղենի,

մետաքսի արտադրության շինություններ:

6. Էլեկտրատեխնիկական, ռադիոէլեկտրոնային արտադրության ոլորտի շինություններ,

այդ թվում`

էլեկտրաշարժիչների,

մարտկոցների,

էլեկտրական սարքերի /ռելեներ, թողարկիչներ/,

կիսահաղորդչային սարքերի,

լուսավորման էլեկտրալամպերի,

մալուխների,

լուսատեխնիկական սարքերի,

հատուկ տեխնոլոգիական սարքերի,

բլոկների, հանգույցների և պահեստամասերի արտադրության շինություններ:

7. Սննդի արդյունաբերության, ձկնային տնտեսության ոլորտի շինություններ, այդ թվում`

հացի և հացաբուլկեղենի,

հրուշակեղենի,

մակարոնեղենի,

ալյուրի,

համակցված կերերի,

մսի և մսամթերքի,

պտուղ-բանջարեղենի պահածոների,

կաթնամթերքի,

բուսական յուղերի ու ճարպի,

շաքարի և շաքարավազի,

ոգելից և ոչ ոգելից խմիչքների,

հանքային ջրերի,

ձկնամշակման,

ձկան պահածոների,

ծխախոտի արտադրության շինություններ:

8. Փայտի և թղթի արդյունաբերության ոլորտի շինություններ, այդ թվում`

նրբատախտակի,

ատաղձագործական շինարարական իրերի,

կահույքի,

ստվարաթղթի և թղթի արտադրության շինություններ:

9. Շինանյութերի արտադրության ոլորտի շինություններ, այդ թվում`

ցեմենտի,

կրաքարի,

գաջի,

սալիկների,

շինարարական քարերի,

երկաթբետոնյա կառուցվածքների, շինարարական ապրանքների արտադրության շինություններ:

10. Հաստոցաշինական և գործիքաշինական արդյունաբերության ոլորտի շինություններ:

11. Ավտոմոբիլային արդյունաբերության ոլորտի շինություններ:

12. Պոլիգրաֆիական արդյունաբերության ոլորտի շինություններ:

 

II. Գյուղատնտեսական արտադրական նշանակության շինություններ, այդ թվում`

 

անասնաշենքերի,

դեզանոցների,

ջերմոցների,

չորանոցների,

սիլոսի հորերի,

պահեստների,

անասնաբուժական կայանների,

արհեստական սերմնավորման կայանների,

սառնարանային տնտեսությունների,

կերախոհանոցների,

սերմնաբուծական տնտեսությունների,

թռչնաբուծական տնտեսությունների,

խոզաբուծական տնտեսությունների,

տնկարանային տնտեսությունների,

գյուղատնտեսական մեքենատրակտորային պարկերի,

գյուղատնտեսական մթերքի մթերման /բացառությամբ վերամշակման օբյեկտների/

շինություններ:

 

 

ԼՂՀ կառավարության աշխատակազմի ղեկավար-նախարար

Ս.Գրիգորյան