ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ՇՈՒՇԻԻ ՇՐՋԱՆԻ ՄԵԾ ՇԵՆ ՀԱՄԱՅՆՔԻ

ՎԱՐՉԱԿԱՆ ՍԱՀՄԱՆՆԵՐՈՒՄ ԳՏՆՎՈՂ ԲՆԱԿԵԼԻ ՏԱՆ ՆԿԱՏՄԱՄԲ

ԲԱՑԱՌԻԿ ԳԵՐԱԿԱ ՀԱՆՐԱՅԻՆ ՇԱՀ ՃԱՆԱՉԵԼՈՒ ՄԱՍԻՆ

Ղեկավարվելով Հողային օրենսգրքի 104-րդ հոդվածով ու «Հասարակության և պետության կարիքների համար սեփականության օտարման մասին» օրենքի 4-րդ և 7-րդ հոդվածներով` Արցախի Հանրապետության կառավարությունը որոշում է.

1. Ալեքսեյ Բաղդասարի Նասիբյանի սեփականությունը հանդիսացող 189,65 քառակուսի մետր բնակելի տան և 1000 քառակուսի մետր հողամասի (Արցախի Հանրապետության Շուշիի շրջան, գյուղ Մեծ Շեն, բնակելի տուն, անշարժ գույքի նկատմամբ սեփականության իրավունքի գրանցման վկայական N 025618, տրված` 29.11.2004 թվականին) նկատմամբ ճանաչել բացառիկ` գերակա հանրային շահ հետևյալ հիմնավորմամբ՝

1) տրանսպորտի բնագավառում համապետական կարևոր նշանակություն ունեցող ծրագրի իրականացման ապահովման համար.

2) նշված ծրագրի արդյունավետ իրականացումը չի կարող ապահովվել առանց սույն որոշման 1-ին կետում նշված սեփականատիրոջը սեփականության իրավունքով պատկանող տարածքի օտարման, քանի որ այն գտնվում է ծրագրով ընդգրկված գոտու տարածքում, ինչից էլ առաջանում է տվյալ տարածքի ձեռք բերման անհրաժեշտությունը.

3) սույն որոշմամբ նշված տարածքի նկատմամբ ճանաչված բացառիկ` գերակա հանրային շահը չհիմնավորված վնաս չի պատճառում նշված տարածքի սեփականատիրոջը:

2. Սահմանել, որ`

1) բացառիկ` գերակա հանրային շահ ճանաչված տարածքի ձեռք բերող է հանդիսանում Արցախի Հանրապետությունը, որի անունից հանդես է գալիս Արցախի Հանրապետության տարածքային կառավարման և ենթակառուցվածքների նախարարությունը.

2) սեփականության օտարման գործընթացն սկսելու վերջնական ժամկետ է սահմանվում սույն որոշումն ուժի մեջ մտնելու օրվանից ոչ ուշ, քան մեկ ամիսը.

3) օտարման գործառույթների իրականացման աշխատանքները համակարգող և պատասխանատու պետական լիազոր մարմինը Արցախի Հանրապետության տարածքային կառավարման և ենթակառուցվածքների նախարարությունն է:

3. Արցախի Հանրապետության տարածքային կառավարման և ենթակառուցվածքների նախարարին` ապահովել սույն որոշմամբ սահմանված բացառիկ` գերակա հանրային շահ ճանաչված տարածքի նկատմամբ սույն որոշումից բխող գույքային իրավունքների պետական գրանցումը` Արցախի Հանրապետության օրենսդրությամբ սահմանված կարգով ու ժամկետներում` սույն որոշմամբ սահմանված ձեռք բերողի սեփական միջոցների հաշվին:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրվանից:

Պաշտոնական հրապարակման օրը` 4 հուլիսի 2022 թվական: