ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

ՀՐԱՄԱՆԱԳԻՐԸ

ԱՐՑԱԽԻ ՀԱՆՐԱՊԵՏՈՒԹՅԱՆ ԱՆՎՏԱՆԳՈՒԹՅԱՆ ԽՈՐՀՐԴԻ ԳՐԱՍԵՆՅԱԿԻ

ՌԱԶՄԱԿԱՆ ԱՆՎՏԱՆԳՈՒԹՅԱՆ ՎԱՐՉՈՒԹՅՈՒՆԸ ԱՐՑԱԽԻ ՀԱՆՐԱՊԵՏՈՒԹՅԱՆ

ՊԵՏԱԿԱՆ ՆԱԽԱՐԱՐԻ ԿԱՌԱՎԱՐՄԱՆ ՈԼՈՐՏՈՒՄ ԳՈՐԾՈՂ ՌՈՒՍԱԿԱՆ

ԽԱՂԱՂԱՊԱՀ ԶՈՐԱԽՄԲԻ ՀԵՏ ՀԱՄԱԳՈՐԾԱԿՑՈՒԹՅԱՆ ԱՊԱՀՈՎՄԱՆ

ԿԵՆՏՐՈՆԻ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

Հիմք ընդունելով «Պետական կառավարչական հիմնարկների մասին» օրենքի 11-րդ և 17-րդ հոդվածները և Արցախի Հանրապետության Նախագահի 2017 թվականի սեպտեմբերի 25-ի ՆՀ-108-Ն հրամանագրով սահմանված հավելվածի 8.1-ին կետը՝ որոշում եմ.

1. Վերակազմակերպել «Արցախի Հանրապետության Անվտանգության խորհրդի գրասենյակ» պետական կառավարչական հիմնարկի ռազմական անվտանգության վարչությունը Արցախի Հանրապետության պետական նախարարի կառավարման ոլորտում գործող պետական մարմնի՝ ռուսական խաղաղապահ զորախմբի հետ համագործակցության ապահովման կենտրոնի՝ հաստիքներով և աշխատակիցներով հանդերձ:

2. Սահմանել, որ ռուսական խաղաղապահ զորախմբի հետ համագործակցության ապահովման կենտրոնը Արցախի Հանրապետության Անվտանգության խորհրդի գրասենյակի ռազմական անվտանգության վարչության իրավահաջորդն է:

3. Արցախի Հանրապետության պետական նախարարին՝ երկշաբաթյա ժամկետում Արցախի Հանրապետության կառավարություն ներկայացնել ռուսական խաղաղապահ զորախմբի հետ համագործակցության ապահովման կենտրոնի աշխատակազմ ստեղծելու, կենտրոնի կանոնադրությունը և աշխատակազմի կառուցվածքը հաստատելու մասին Արցախի Հանրապետության կառավարության որոշման նախագիծ:

4. Արցախի Հանրապետության պետական նախարարին և Արցախի Հանրապետության Անվտանգության խորհրդի քարտուղարին՝ ձեռնարկել անհրաժեշտ միջոցներ սույն հրամանագրից բխող այլ իրավական ակտերի մեկամսյա ժամկետում ընդունման ուղղությամբ:

5. Արցախի Հանրապետության ֆինանսների և էկոնոմիկայի նախարարին՝ մեկամսյա ժամկետում սահմանված կարգով Արցախի Հանրապետության կառավարություն ներկայացնել առաջարկություն Արցախի Հանրապետության պետական բյուջեում սույն հրամանագրով պայմանավորված անհրաժեշտ վերաբաշխումներ կատարելու վերաբերյալ:

6. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 25 հունվարի 2023 թվական