ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

«ՄՈՐ ԵՎ ՄԱՆԿԱՆ ԱՌՈՂՋՈՒԹՅԱՆ ՊԱՀՊԱՆՄԱՆ ԿԵՆՏՐՈՆ» ՓԱԿ

ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

Հիմք ընդունելով «Պետական ոչ առևտրային կազմակերպությունների մասին» օրենքի 9-րդ հոդվածը՝ Արցախի Հանրապետության կառավարությունը որոշում է.

1. «Մոր և մանկան առողջության պահպանման կենտրոն» փակ բաժնետիրական ընկերությունը վերակազմավորման ձևով վերակազմակերպել «Մոր և մանկան առողջության պահպանման կենտրոն» պետական ոչ առևտրային կազմակերպության։

2. Սահմանել, որ՝

1) «Մոր և մանկան առողջության պահպանման կենտրոն» պետական ոչ առևտրային կազմակերպությունը «Մոր և մանկան առողջության պահպանման կենտրոն» փակ բաժնետիրական ընկերության իրավահաջորդն է՝ փոխանցման ակտին համապատասխան.

2) «Մոր և մանկան առողջության պահպանման կենտրոն» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» օրենքի 13-րդ հոդվածի 2-րդ մասի «գ», «դ», «ե» և «է» կետերով նախատեսված լիազորությունները վերապահվում են Արցախի Հանրապետության առողջապահության նախարարությանը.

3) «Մոր և մանկան առողջության պահպանման կենտրոն» պետական ոչ առևտրային կազմակերպության գործունեության նպատակն ու առարկան է հանդիսանում մանկաբարձական և գինեկոլոգիական բժշկական ծառայությունների մատուցումը։

3․ Արցախի Հանրապետության առողջապահության նախարարին՝ մեկամսյա ժամկետում ապահովել «Մոր և մանկան առողջության պահպանման կենտրոն» պետական ոչ առևտրային կազմակերպության կանոնադրության հաստատումն ու պետական գրանցումը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 22 հունիսի 2023 թվական: