ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

«ՄԱՇԿԱՎԵՆԵՐՈԼՈԳԻԱԿԱՆ ԴԻՍՊԱՆՍԵՐ» ՓԱԿ ԲԱԺՆԵՏԻՐԱԿԱՆ

ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

Հիմք ընդունելով «Պետական ոչ առևտրային կազմակերպությունների մասին» օրենքի 9-րդ հոդվածը՝ Արցախի Հանրապետության կառավարությունը որոշում է.

1. «Մաշկավեներոլոգիական դիսպանսեր» փակ բաժնետիրական ընկերությունը վերակազմավորման ձևով վերակազմակերպել «Մաշկավեներոլոգիական դիսպանսեր» պետական ոչ առևտրային կազմակերպության։

2. Սահմանել, որ՝

1) «Մաշկավեներոլոգիական դիսպանսեր» պետական ոչ առևտրային կազմակերպությունը «Մաշկավեներոլոգիական դիսպանսեր» փակ բաժնետիրական ընկերության իրավահաջորդն է՝ փոխանցման ակտին համապատասխան.

2) «Մաշկավեներոլոգիական դիսպանսեր» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» օրենքի 13-րդ հոդվածի 2-րդ մասի «գ», «դ», «ե» և «է» կետերով նախատեսված լիազորությունները վերապահվում են Արցախի Հանրապետության առողջապահության նախարարությանը.

3) «Մաշկավեներոլոգիական դիսպանսեր» պետական ոչ առևտրային կազմակերպության գործունեության նպատակն ու առարկան է հանդիսանում մաշկաբանական, վեներաբանական բժշկական ծառայությունների մատուցումը։

3. Արցախի Հանրապետության առողջապահության նախարարին՝ մեկամսյա ժամկետում ապահովել «Մաշկավեներոլոգիական դիսպանսեր» պետական ոչ առևտրային կազմակերպության կանոնադրության հաստատումն ու պետական գրանցումը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 22 հունիսի 2023 թվական: