ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ

ՊԵՏԱԿԱՆ ԿՈՄԻՏԵ

Ո Ր Ո Շ ՈՒ Մ

ք.Ստեփանակերտ

Հաշվի առնելով հացի գնի և բնակչության իրացվող էլեկտրաէներգիայի սակագնի աճի հետևանքով բնակչության սոցիալական պաշտպանվածության լրացուցիչ միջոցառումների իրականացման անհրաժեշտությունը, Լեռնային Ղարաբաղի Հանրապետության Պաշտպանության պետական կոմիտեն որոշում է.

1. (կետն ուժը կորցրել է 12.04.1995 N 65)

2. Նվազագույն աշխատավարձի նկատմամբ 1,0-ից մինչև 6,4 բազմապատիկ գործակցով վարձատրվող բյուջետային հիմնարկների աշխատողների աշխատավարձերին, հացի գնի և էլեկտրաէներգիայի սակագնի բարձրացման կապակցությամբ տրվող փոխհատուցման ապահովման համար սահմանել լրացուցիչ հավելում, համաձայն սույն որոշման կից հավելվածի:

ԼՂՀ ժողկրթության, գիտության, մշակույթի և սպորտի նախարարության հանրակրթական դպրոցներում, հատուկ և օժանդակ գիշերօթիկ դպրոցներում և մանկատներում աշխատող մանկավարժների բարձրացված աշխատավարձերին, ներառյալ կից հավելվածով տրվող հավելումները, սահմանել հավելում 120 դրամի չափով` այն ավելացնելով աշխատավարձին:

3. Չաշխատող և կենսաթոշակ չստացող անձանց աշխատանքային խեղման կամ մասնագիտական հիվանդության հետևանքով պատճառված վնասի փոխհատուցման գումարներին, ինչպես նաև աշխատողի մահվան դեպքում նրա ընտանիքի անդամներին տրվող փոխհատուցման գումարներին սահմանել հավելում 630 դրամի չափով:

4. ,,Լեռնային Ղարաբաղի Հանրապետության քաղաքացիների պետական կենսաթոշակային ապահովության մասին,, ԼՂՀ տարածքում գործող օրենքով սահմանված բոլոր տեսակի փաստացի վճարվող կենսաթոշակների չափերին /ծնողազուրկ յուրաքանչյուր երեխային տրվող կենսաթոշակին, Ստեփանակերտ քաղաքի և հանրապետության մյուս քաղաքների և շրջկենտրոնների` Մարտակերտի, Մարտունու, Հանդրութի, Ասկերանի և Շուշիի բնակչության կենսաթոշակներին/ սահմանել հավելում 930 դրամի չափով, հանրապետկան մնացած բնակավայրերի բնակչությանը 750 դրամի չափով հավելում` ավելացնելով այն կենսաթոշակին:

,,Զինծառայողների և նրանց ընտանիքների անդամների սոցիալական ապահովության մասին,, Լեռնային Ղարաբաղի Հանրապետության տարածքում գործող օրենքով սահմանված բոլոր տեսակի փաստացի վճարվող կենսաթոշակների չափերին սահմանել հավելում 930 դրամի չափով` ավելացնելով այն կենսաթոշակին:

Այն անձանց, ովքեր միաժամանակ կենսաթոշակ են ստանում սոցիալական ապահովության և այլ մարմիններից, կենսաթոշակին սահմանված հավելումը տրվում է այն մարմնի կողմից, որտեղից կենսաթոշակառուն ստանում է աշխատանքային, տարիքային, աշխատանքային հաշմանդամության կամ երկարամյա ծառայության կենսաթոշակ:

5. (կետն ուժը կորցրել է 12.04.1995 N 65)

6. (կետն ուժը կորցրել է 12.04.1995 N 65)

7. (կետն ուժը կորցրել է 12.04.1995 N 65)

8. (կետն ուժը կորցրել է 12.04.1995 N 65)

9. (կետն ուժը կորցրել է 12.04.1995 N 65)

10. (կետն ուժը կորցրել է 12.04.1995 N 65)

11. (կետն ուժը կորցրել է 12.04.1995 N 65)

12. Նպաստ ստացող գործազուրկների նպաստների չափերին սահմանել հավելում 700 դրամի չափով:

13. Լեռնային Ղարաբաղի Հանրապետության կառավարությանը` ապահովել սույն որոշման բոլոր տեսակի հավելումների գումարների առաջանցիկ վճարումը:

14. 1994 թվականի դեկտեմբերի 1-ից ուժը կորցրած ճանաչել Լեռնային Ղարաբաղի Հանրապետության Պաշտպանության պետական կոմիտեի 1994 թվականի ապրիլի 13-ի ,,ԼՂ Հանրապետությունում աշխատանքի վարձատրության նվազագույն չափի, բյուջետային հիմնարկների աշխատողների աշխատավարձի, կենսաթոշակների, նպաստների և կրթաթոշակների չափերի բարձրացման մասին,, որոշման 8-րդ, 9-րդ և 15-րդ կետերը,

1994 թվականի սեպտեմբերի 23-ի ,,ԼՂ Հանրապետության բյուջետային հիմնարկների աշխատողների աշխատավարձի, կրթաթոշակների և որոշ նպաստների չափերի բարձրացման մասին,, որոշման 2-րդ և 3-րդ կետերը, 1994 թվականի հոկտեմբերի 22-ի ,,ԼՂՀ աշխատանքի վարձատրության նվազագույն չափի, երեխաներին տրվող նպաստների չափերի բարձրացման մասին,, որոշման 1-ին, 5-րդ, 6-րդ, 7-րդ, 8-րդ և 9րդ կետերը: