ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ПРАВИТЕЛЬСТВО НАГОРНО-КАРАБАХСКОЙ РЕСПУБЛИКИ

Ո Ր Ո Շ ՈՒ Մ

П О С Т А Н О В Л Е Н И Е

ք.Ստեփանակերտ

г.Степанакерт

Լեռնային Ղարաբաղի Հանրապետության ամուսնության և ընտանիքի օրենսգրքի 181 հոդվածին համապատասխան Լեռնային Ղարաբաղի Հանրապետության կառավարությունը որոշում է.

1. Քաղաքացիական կացության ակտերի գրանցման պետական կառավարման հանրապետական մարմնի լիազորությունները վերապահել Լեռնային Ղարաբաղի Հանրապետության արդարադատության պետական վարչությանը:

2. Ստեղծել Լեռնային Ղարաբաղի Հանրապետության արդարադատության պետական վարչության քաղաքացիական կացության ակտերի գրանցման քաղաքային, շրջանային բաժիններ և սահմանել աշխատողների թվաքանակը (կցվում է):

3. ԼՂՀ արդարադատության պետական վարչության քաղաքացիական կացության գրանցման քաղաքային, շրջանային բաժինների պահպանման ծախսերը կատարել հանրապետական բյուջեի միջոցների հաշվին:

4. ԼՂՀ շրջանների և Ստեփանակերտ քաղաքի վարչակազմերի ղեկավարներին` անհատույց ԼՂՀ արդարադատության պետական վարչության տնօրինությանը հանձնել քաղաքացիական կացության ակտերի գրանցման բաժինների կողմից օգտագործվող գույքը:

5. Ստեփանակերտ քաղաքի վարչակազմին` անհատույց ԼՂՀ արդարադատության պետական վարչության տնօրինությանը հանձնել Ստեփանակերտի ամուսնության պալատի շենքը և մեկամսյա ժամկետում, սահմանված կարգով, ավարտել հաշվեկշռից հաշվեկշիռ հանձնման-ընդունման աշխատանքները:

6. ԼՂՀ շրջանների վարչակազմերի ղեկավարներին` ԼՂՀ արդարադատության պետական վարչությանն անհատույց օգտագործման հանձնել քաղաքացիական կացության ակտերի գրանցման շրջանային բաժինների զբաղեցրած տարածքները:

7. ԼՂՀ էկոնոմիկայի և ֆինանսների նախարարությանը` հանրապետական և տեղական բյուջեներում կատարել համապատասխան փոփոխություններ: