ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

Ղեկավարվելով «Հասարակության և պետության կարիքների համար սեփականության օտարման մասին» Լեռնային Ղարաբաղի Հանրապետության օրենքի 2-րդ, 4-րդ ու 7-րդ հոդվածներով` Լեռնային Ղարաբաղի Հանրապետության կառավարությունը որոշում է.

1. Լեռնային Ղարաբաղի Հանրապետության Ստեփանակերտի քաղաքային համայնքի տարածքում հետագայում ժամանակակից կրթական հաստատություն կառուցելու անհրաժեշտությունից ելնելով` սույն որոշման թիվ 1 հավելվածով սահմանված, Ստեփանակերտ քաղաքի Մարտունի փողոցի թիվ 97 հասցեում գտնվող 831,93 քառ.մ մակերեսով ոչ բնակելի շենքի և դրա կառուցապատման ու սպասարկման համար հատկացված` 0,2044 հեկտար մակերեսով հողամասի նկատմամբ ճանաչել բացառիկ` գերակա հանրային շահ հետևյալ հիմնավորմամբ`

1) սույն որոշման 1-ին կետում նշված ծրագրի իրականացման շահը գերակայում է օտարվող սեփականության սեփականատերի շահից, քանի որ այդ ծրագիրը նպատակ է հետապնդում ժամանակակից կրթական հաստատություն կառուցելու միջոցով ապահովել քաղաքացիների համար կրթության ավելի հարմարավետ և բարենպաստ շենքային պայմաններ,

2) սույն որոշման 1-ին կետում նշված ծրագրի արդյունավետ իրականացումը չի կարող ապահովվել` առանց նշված սեփականության օբյեկտի օտարման, քանի որ շենքի ընտրությունը կատարվել է` հաշվի առնելով բնակչության համար առավել հարմարավետ տեղանքի պայմանները,

3) սույն որոշման 1-ին կետում նշված տարածքի նկատմամբ ճանաչված բացառիկ` գերակա հանրային շահը չհիմնավորված վնաս չի պատճառում նշված տարածքի սեփականատերին:

2. Սահմանել, որ`

1) սույն որոշման 1-ին կետով սահմանված տարածքը ձեռք բերող է հանդիսանում Լեռնային Ղարաբաղի Հանրապետությունը, որի անունից հանդես է գալիս Լեռնային Ղարաբաղի Հանրապետության կառավարությանն առընթեր կապիտալ շինարարության վարչությունը,

2) սեփականության օտարման գործընթացն սկսելու վերջնական ժամկետ է սահմանվում սույն որոշման հրապարակման օրվանից ոչ ուշ, քան 2 ամիսը,

3) օտարման գործառույթների իրականացման աշխատանքները համակարգող և օտարման գործառույթների իրականացման համար պատասխանատու պետական լիազոր մարմինը Լեռնային Ղարաբաղի Հանրապետության կառավարությանն առընթեր կապիտալ շինարարության վարչությունն է:

3. Լեռնային Ղարաբաղի Հանրապետության կառավարությանն առընթեր կապիտալ շինարարության վարչությանը` սույն որոշումն ուժի մեջ մտնելուն հաջորդող 7-օրյա ժամկետում պատշաճ ձևով ուղարկել օտարվող սեփականության սեփականատիրոջը և օտարվող սեփականության նկատմամբ պետական գրանցում ունեցող գույքային իրավունքներ ունեցող անձանց:

4. Սույն որոշմամբ սահմանված բացառիկ` գերակա հանրային շահ ճանաչված սեփականության նկատմամբ սույն որոշումից բխող գույքային իրավունքներն ու սահմանափակումները ենթակա են պետական գրանցման` Լեռնային Ղարաբաղի Հանրապետության օրենսդրությամբ սահմանված կարգով ու ժամկետներում` սույն որոշմամբ սահմանված ձեռք բերողի սեփական միջոցների հաշվին:

5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՑԱՆԿ