ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

Հաշվի առնելով Լեռնային Ղարաբաղի Հանրապետության կառավարությանն առընթեր զբոսաշրջության վարչության միջնորդությունը և ղեկավարվելով «Հասարակության և պետության կարիքների համար սեփականության օտարման մասին» Լեռնային Ղարաբաղի Հանրապետության օրենքի 2-րդ, 4-րդ ու 7-րդ հոդվածներով` Լեռնային Ղարաբաղի Հանրապետության կառավարությունը որոշում է.

1. Ելնելով Լեռնային Ղարաբաղի Հանրապետության Հադրութի շրջանի Տողի գյուղական համայնքի տարածքում գտնվող պատմության և մշակույթի անշարժ հուշարձան հանդիսացող մելիքական ապարանքի պահպանման, վերականգնման և օգտագործման անհրաժեշտությունից` սույն որոշման հավելվածով սահմանված` Տողի գյուղական համայնքում քաղաքացիների սեփականությունը հանդիսացող 373.46 քառ.մ ընդհանուր մակերեսով շենքերի և 1186 քառ.մ ընդհանուր մակերեսով բնակելի կառուցապատման ու տնամերձ հողամասերի նկատմամբ ճանաչել բացառիկ` գերակա հանրային շահ` հետևյալ հիմնավորմամբ`

1) սույն որոշման 1-ին կետում նշված ծրագրի իրականացման շահը գերակայում է օտարվող սեփականության սեփականատերերի շահերից, քանի որ այդ ծրագիրը նպատակ է հետապնդում փրկելու հուշարձանը ավերումից և ստեղծելու պատմամշակութային միջավայր.

2) սույն որոշման 1-ին կետում նշված ծրագրի արդյունավետ իրականացումը չի կարող ապահովվել` առանց նշված սեփականության օբյեկտների օտարման, քանի որ օտարման ենթակա սեփականությունը գտնվում է մելիքական ապարանքի տարածքում.

3) սույն որոշման 1-ին կետում նշված տարածքների նկատմամբ ճանաչված բացառիկ` գերակա հանրային շահը չհիմնավորված վնաս չի պատճառում նշված տարածքների սեփականատերերին:

2. Սահմանել, որ`

1) սույն որոշման 1-ին կետով սահմանված տարածքները ձեռք բերող է հանդիսանում Լեռնային Ղարաբաղի Հանրապետությունը,

2) սեփականության օտարման գործընթացը սկսելու վերջնական ժամկետ է համարվում սույն որոշման հրապարակման օրվանից ոչ ուշ, քան 2 ամիսը,

3) օտարման գործառույթների իրականացման աշխատանքները համակարգող և օտարման գործառույթների իրականացման համար պատասխանատու պետական լիազոր մարմինը Լեռնային Ղարաբաղի Հանրապետության կառավարությանն առընթեր զբոսաշրջության վարչությունն է:

3. Լեռնային Ղարաբաղի Հանրապետության կառավարությանն առընթեր զբոսաշրջության վարչության պետին`

սույն որոշումն ուժի մեջ մտնելուն հաջորդող 7-օրյա ժամկետում սույն որոշումը պատշաճ ձևով ուղարկել օտարվող սեփականության սեփականատերերին և օտարվող սեփականության նկատմամբ պետական գրանցում ունեցող գույքային իրավունքներ ունեցող անձանց:

4. Լեռնային Ղարաբաղի Հանրապետության Հադրութի շրջանի վարչակազմի ղեկավարին՝ օրենքով սահմանված կարգով սեփականության օտարման գործընթացի ավարտից հետո ապահովել սույն որոշման 1-ին կետով նշված հողամասերի անհատույց մշտական օգտագործման իրավունքով տրամադրումը Լեռնային Ղարաբաղի Հանրապետության կառավարությանն առընթեր զբոսաշրջության վարչությանը:

5. Սույն որոշմամբ սահմանված բացառիկ` գերակա հանրային շահ ճանաչված տարածքների և դրանցում առկա սեփականության օբյեկտների նկատմամբ սույն որոշումից բխող գույքային իրավունքներն ու սահմանափակումները ենթակա են պետական գրանցման` Լեռնային Ղարաբաղի Հանրապետության օրենսդրությամբ սահմանված կարգով ու ժամկետներում` Լեռնային Ղարաբաղի Հանրապետության կառավարության 2009 թվականի փետրվարի 24-ի «Լեռնային Ղարաբաղի Հանրապետության թանգարանային գործի ոլորտի զարգացման միջոցառումների, հուշարձանների և մշակութային արժեքների վերականգնման ու պահպանման աշխատանքների իրականացման 2009 թվականի ծրագիրը հաստատելու մասին» թիվ 104-Ա որոշմամբ հաստատված ծրագրի II բաժնի «12. Տողի մելիքական ապարանքի վերականգնողական աշխատանքների իրականացում» տողով նախատեսված գումարի հաշվին:

6. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՑԱՆԿ