ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Ղեկավարվելով «Հասարակության և պետության կարիքների համար սեփականության օտարման մասին» Լեռնային Ղարաբաղի Հանրապետության օրենքի 2-րդ, 4-րդ, 6-րդ և 7-րդ հոդվածներով` Լեռնային Ղարաբաղի Հանրապետության կառավարությունը որոշում է.

1. Ելնելով Լեռնային Ղարաբաղի Հանրապետության Ստեփանակերտ քաղաքի Վ.Սարգսյան փողոցի թիվ 10 հասցեում գտնվող պատմության և մշակույթի անշարժ հուշարձան հանդիսացող շենքի պահպանման, վերականգնման և օգտագործման անհրաժեշտությունից` սույն որոշման հավելվածով սահմանված` Լեռնային Ղարաբաղի Հանրապետության Ստեփանակերտ քաղաքի Վ.Սարգսյան փողոցի թիվ 10 հասցեում գտնվող շենքի հարավ-արևելյան պատին կցված և Վ.Մամիկոնյան փողոցի թիվ 13 ա տան շրջակայքում գտնվող ավտոտնակների (սեփականության իրավունքի վկայականի համարը` 105208 տրված 22.11.2007 թվականին, սեփականատեր` Լևոն Բախշիի Քոչարյան, ավտոտնակի ընդհանուր մակերեսը` 29.04 քառ.մ և սեփականության իրավունքի վկայականի համարը` 104104 տրված 16.03.2010 թվականին, սեփականատեր`Ռազմիկ Ալեքսանդրի Մեժլումյան, ավտոտնակի ընդհանուր մակերեսը` 26,64 քառ.մ) նկատմամբ ճանաչել բացառիկ` գերակա հանրային շահ` հետևյալ հիմնավորմամբ`

1) սույն որոշման 1-ին կետում նշված ծրագրի իրականացման շահը գերակայում է օտարվող սեփականության սեփականատերերի շահերից, քանի որ այն նպատակ է հետապնդում հուշարձանը պահպանելու, բարեկարգելու և ստեղծելու պատմա-մշակութային միջավայր` ձերբազատվելով հուշարձան-շենքի տեսանելիությունը խաթարող շինություններից.

2) սույն որոշման 1-ին կետում նշված ծրագրի արդյունավետ իրականացումը չի կարող ապահովվել` առանց նշված սեփականության օբյեկտների օտարման, քանի որ օտարման ենթակա սեփականությունը գտնվում է հուշարձանի տարածքում.

3) սույն որոշման 1-ին կետում նշված տարածքների նկատմամբ ճանաչված բացառիկ` գերակա հանրային շահը չհիմնավորված վնաս չի պատճառում նշված տարածքների սեփականատերերին:

2. Սահմանել, որ`

1) սույն որոշման 1-ին կետով սահմանված տարածքները ձեռք բերող է հանդիսանում Լեռնային Ղարաբաղի Հանրապետությունը,

2) սեփականության օտարման գործընթացը սկսելու վերջնական ժամկետ է համարվում սույն որոշման հրապարակման օրվանից ոչ ուշ, քան 2 ամիսը,

3) օտարման գործառույթների իրականացման աշխատանքները համակարգող և օտարման գործառույթների իրականացման համար պատասխանատու պետական լիազոր մարմինը Լեռնային Ղարաբաղի Հանրապետության կառավարությանն առընթեր զբոսաշրջության վարչությունն է,

4) սույն որոշման 1-ին կետում նշված տարածքների օտարման դիմաց փոխհատուցումն իրականացվում է «Հասարակության և պետության կարիքների համար սեփականության օտարման մասին» Լեռնային Ղարաբաղի Հանրապետության օրենքով սահմանված կարգով, չափով և ժամկետներում:

3. Լեռնային Ղարաբաղի Հանրապետության կառավարությանն առընթեր զբոսաշրջության վարչության պետին` սույն որոշումն ուժի մեջ մտնելուն հաջորդող 7-օրյա ժամկետում սույն որոշումը պատշաճ ձևով ուղարկել օտարվող սեփականության սեփականատերերին և օտարվող սեփականության նկատմամբ պետական գրանցում ունեցող գույքային իրավունքներ ունեցող անձանց:

4. Սույն որոշմամբ սահմանված բացառիկ` գերակա հանրային շահ ճանաչված տարածքների նկատմամբ սույն որոշումից բխող գույքային իրավունքներն ու սահմանափակումները ենթակա են պետական գրանցման` Լեռնային Ղարաբաղի Հանրապետության օրենսդրությամբ սահմանված կարգով ու ժամկետներում` Լեռնային Ղարաբաղի Հանրապետության կառավարության 2010 թվականի փետրվարի 22-ի «Լեռնային Ղարաբաղի Հանրապետության թանգարանային գործի ոլորտի զարգացման միջոցառումների, հուշարձանների և մշակութային արժեքների վերականգնման ու պահպանման աշխատանքների իրականացման 2010 թվականի ծրագիրը հաստատելու մասին» թիվ 65-Ա որոշմամբ հաստատված ծրագրի II բաժնի «28. Պահուստային ֆոնդ» տողով նախատեսված գումարի հաշվին:

5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: