ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

Ղեկավարվելով «Հասարակության և պետության կարիքների համար սեփականության օտարման մասին» Լեռնային Ղարաբաղի Հանրապետության օրենքի 2-րդ, 4-րդ, 7-րդ և 10-րդ հոդվածներով` Լեռնային Ղարաբաղի Հանրապետության կառավարությունը ո ր ո շ ու մ է.

1. Ստեփանակերտ քաղաքի N 6 միջնակարգ դպրոցի կառուցապատման աշխատանքներն իրականացնելու նպատակով նույն տարածքում գտնվող` Գայի փողոցի N 17 բնակելի տան 0.0645 հեկտար մակերեսով տնամերձ հողամասից 301.45 քառակուսի մետր մակերեսով հողամասի նկատմամբ ճանաչել բացառիկ` գերակա հանրային շահ, հետևյալ հիմնավորմամբ`

1) սույն որոշման 1-ին կետում նշված ծրագրի իրականացման շահը գերակայում է օտարվող սեփականության սեփականատիրոջ շահից, քանի որ այդ ծրագիրը նպատակ է հետապնդում ժամանակակից հանրակրթական ուսումնական հաստատություն կառուցելու միջոցով ապահովել քաղաքացիների համար կրթության ավելի հարմարավետ և բարենպաստ շենքային պայմաններ,

2) սույն որոշման 1-ին կետում նշված ծրագրի արդյունավետ իրականացումը չի կարող ապահովվել առանց նշված սեփականության օբյեկտի օտարման, քանի որ դպրոցի կառուցապատման տարածքի հատակագծում նախատեսված է օտարվող սեփականության օբյեկտը, առանց որի հնարավոր չէ ավարտին հասցնել կառուցապատման աշխատանքները,

3) սույն որոշման 1-ին կետում նշված տարածքի նկատմամբ ճանաչված բացառիկ` գերակա հանրային շահը չհիմնավորված վնաս չի պատճառում սեփականատիրոջը:

2. Սահմանել, որ`

1) սույն որոշման 1-ին կետով սահմանված հողամասը ձեռք բերող է հանդիսանում Լեռնային Ղարաբաղի Հանրապետությունը, որի անունից հանդես է գալիս Լեռնային Ղարաբաղի Հանրապետության քաղաքաշինության նախարարությունը,

2) սեփականության օտարման գործընթացն սկսելու վերջնական ժամկետ է սահմանվում սույն որոշումն ուժի մեջ մտնելու օրվանից ոչ ուշ, քան երկու ամիսը,

3) օտարման գործառույթների իրականացման աշխատանքները համակարգող և օտարման գործառույթների իրականացման համար պատասխանատու պետական լիազոր մարմինը Լեռնային Ղարաբաղի Հանրապետության քաղաքաշինության նախարարությունն է:

3. Լեռնային Ղարաբաղի Հանրապետության քաղաքաշինության նախարարին`

1) սույն որոշումն ուժի մեջ մտնելուն հաջորդող յոթ օրվա ընթացքում այն պատշաճ ձևով ուղարկել օտարվող սեփականության սեփականատիրոջը և օտարվող սեփականության նկատմամբ պետական գրանցում ունեցող գույքային իրավունքներ ունեցող անձանց,

2) մինչև սույն որոշմամբ նշված օտարման գործընթացն սկսելու վերջնաժամկետը սեփականատիրոջ հետ կնքել օտարման պայմանագիր` դրանում նախատեսելով փոխհատուցման չափը, ձևը, կարգը, պայմաններն ու կողմերի պատասխանատվությունը:

4. Սույն որոշմամբ սահմանված բացառիկ` գերակա հանրային շահ ճանաչված սեփականության նկատմամբ սույն որոշումից բխող գույքային իրավունքներն ու սահմանափակումները ենթակա են պետական գրանցման` Լեռնային Ղարաբաղի Հանրապետության օրենսդրությամբ սահմանված կարգով ու ժամկետներում` սույն որոշմամբ սահմանված ձեռք բերողի սեփական միջոցների հաշվին:

5. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը: