«Հողի հարկի մասին» Լեռնային Ղարաբաղի Հանրապետության օրենքի 15-րդ հոդվածին համապատասխան` Լեռնային Ղարաբաղի Հանրապետության կառավարությունը որոշում է.

1. Հաստատել հողի սեփականատերերի և պետական սեփականություն հանդիսացող հողի անհատույց (մշտական) օգտագործողների հողերի վերաբերյալ տեղեկությունները ներկայացնելու կարգը` համաձայն հավելվածի:

2. Ուժը կորցրած ճանաչել Լեռնային Ղարաբաղի Հանրապետության կառավարության 2000 թվականի դեկտեմբերի 26-ի «Հողի սեփականատերերի, պետական սեփականություն հանդիսացող հողի մշտական և ժամանակավոր օգտագործողների հողերի (բացի վարձակալության հանձնվածից) վերաբերյալ տեղեկությունները հարկային մարմիններ ներկայացնելու կարգի մասին» N 260 որոշումը:

3. Սույն որոշումն ուժի մեջ է մտնում 2012 թվականի հունվարի 1-ից:

Կ Ա Ր Գ

1. Սույն կարգով սահմանվում է հողի սեփականատերերի և պետական սեփականություն հանդիսացող հողի անհատույց (մշտական) օգտագործողների (այսուհետ` օգտագործողներ) հողերի վերաբերյալ տեղեկությունները (այսուհետ` տեղեկություններ) հողի հարկ վճարողներին հաշվառող մարմիններ ներկայացնելու կարգը:

2. Տեղեկությունները հողի հարկ վճարողներին հաշվառող հարկային կամ տեղական ինքնակառավարման համապատասխան մարմիններ ներկայացնում են Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի տարածքային ստորաբաժանումները:

3. Լեռնային Ղարաբաղի Հանրապետության համայնքների վարչական սահմաններում գտնվող հողամասերի վերաբերյալ տեղեկությունները ներկայացվում են հողամասի գտնվելու վայրի տարածքը սպասարկող, հողի հարկ վճարողներին հաշվառող մարմին հանդիսացող տեղական ինքնակառավարման մարմին:

Լեռնային Ղարաբաղի Հանրապետության համայնքների վարչական սահմաններից դուրս գտնվող հողերի վերաբերյալ տեղեկությունները ներկայացվում են միայն հողամասի գտնվելու վայրի տարածքն սպասարկող հարկային մարմին:

4. Սույն կարգով սահմանված տեղեկությունները թղթային եղանակով տրամադրելուց բացի, պետք է տրամադրվեն նաև էլեկտրոնային տարբերակով:

5. Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի տարածքային ստորաբաժանումները`

1) գնահատման (վերագնահատման) տարվա հուլիսի 1-ի դրությամբ առկա հաշվառման տվյալների հիման վրա հողի հարկ վճարողներին սեփականության կամ անհատույց (մշտական) օգտագործման իրավունքով պատկանող հողամասերի հաշվառման ու գնահատման տվյալների ամփոփ ցուցակները ներկայացնում են մինչև գնահատման (վերագնահատման) տարվա օգոստոսի 1-ը` համաձայն N 1 ձևի.

2) գնահատման (վերագնահատման) տարվա հուլիսի 1-ից հետո մինչև հողամասերի առաջիկա գնահատման (վերագնահատման) տարին ներառյալ ընկած ժամանակաշրջանի յուրաքանչյուր ամսվա ընթացքում հողամասերի սեփականատերերի և օգտագործողների փոփոխությունների վերաբերյալ տեղեկությունները ներկայացնում են մինչև այդ ամսվան հաջորդող ամսվա 15-ը` համաձայն N 2 ձևի.

3) գնահատման (վերագնահատման) տարվա հուլիսի 1-ից հետո մինչև հողամասերի առաջիկա գնահատման (վերագնահատման) տարին ներառյալ ընկած ժամանակաշրջանի յուրաքանչյուր ամսվա ընթացքում հողամասերի հաշվառման ու գնահատման տվյալների փոփոխությունների վերաբերյալ տեղեկությունները ներկայացնում են մինչև այդ ամսվան հաջորդող ամսվա 15-ը` համաձայն N 3 ձևի:

1. Ձևաթղթի վերնամասի վանդակները լրացվում են նշագրումներին համապատասխան: Հարկային մարմնի անվանումը լրացվում է միայն այն դեպքում, երբ տեղեկությունները սահմանված կարգով ներկայացվում են հարկային մարմին:

2. Հողամասի ընդհանուր համատեղ կամ ընդհանուր բաժնային սեփականության դեպքում ամփոփ ցուցակում բոլոր համասեփականատերերի տվյալները լրացվում են հաջորդիվ` առանձին նոր տողերով: Ամփոփ ցուցակի 1-ին և 11-22-րդ սյունակներում համասեփականատերերի համար միևնույն հողամասի տեղեկություններն առաջին համասեփականատիրոջ տվյալներին հաջորդիվ նոր տողերում չեն լրացվում:

3. Ամփոփ ցուցակի 1-ին սյունակում ըստ տողերի հաջորդիվ լրացվում է գույքային միավոր հանդիսացող յուրաքանչյուր հողամասի հերթական համարը:

4. Ամփոփ ցուցակի 2-րդ, 3-րդ, 4-րդ, 5-րդ և 6-րդ սյունակներում ըստ տողերի հաջորդիվ լրացվում են յուրաքանչյուր հողամասի սեփականատիրոջ կամ համասեփականատիրոջ, ինչպես նաև օգտագործողի հաշվառման (գրանցման) կամ գտնվելու վայրի հասցեի տեքստային տվյալները: Օտարերկրյա քաղաքացիների և քաղաքացիություն չունեցող անձանց համար նշված սյունակները չեն լրացվում:

5. Ամփոփ ցուցակի 7-րդ, 8-րդ, 9-րդ և 10-րդ սյունակներում ըստ տողերի հաջորդիվ լրացվում են յուրաքանչյուր հողամասի սեփականատիրոջ կամ համասեփականատիրոջ, ինչպես նաև օգտագործողի համապատասխան տեքստային տվյալները` ֆիզիկական անձի ազգանունը կամ կազմակերպության անվանումը (ներառյալ կազմակերպաիրավական ձևը), ֆիզիկական անձի անունը և հայրանունը, ֆիզիկական անձի սոցիալական ապահովության քարտի համարը (առկայության դեպքում) կամ կազմակերպության հարկ վճարողի հաշվառման համարը (ՀՎՀՀ):

6. Ամփոփ ցուցակի 11-րդ սյունակում ըստ տողերի հաջորդիվ լրացվում է յուրաքանչյուր հողամասի կադաստրային ծածկագիրը:

7. Ամփոփ ցուցակի 12-րդ, 13-րդ, 14-րդ և 15-րդ սյունակներում ըստ տողերի հաջորդիվ լրացվում են յուրաքանչյուր հողամասի գտնվելու վայրի հասցեի տեքստային տվյալները: Գյուղատնտեսական նշանակության և անտառային հողերի դեպքում այս սյունակները չեն լրացվում:

8. Ամփոփ ցուցակի 16-րդ սյունակում ըստ տողերի հաջորդիվ լրացվում է Լեռնային Ղարաբաղի Հանրապետության հողային օրենսգրքով սահմանված հողային ֆոնդին համապատասխան յուրաքանչյուր հողամասի նպատակային նշանակությունը:

9. Ամփոփ ցուցակի 17-րդ սյունակում ըստ տողերի հաջորդիվ լրացվում է Լեռնային Ղարաբաղի Հանրապետության հողային օրենսգրքին համապատասխան` յուրաքանչյուր հողամասի գործառնական նշանակությունը կամ հողատեսքը:

10. Ամփոփ ցուցակի 18-րդ սյունակում ըստ տողերի հաջորդիվ լրացվում են յուրաքանչյուր հողամասի գտնվելու վայրի վերաբերյալ լրացուցիչ տվյալները` բնակավայրի սահմաններից ներս գտնվող հողերի համար լրացվում է 1, բնակավայրի սահմաններից դուրս գտնվող հողերի համար` 2:

11. Ամփոփ ցուցակի 19-րդ սյունակում ըստ տողերի հաջորդիվ լրացվում է յուրաքանչյուր հողամասի չափը` հեկտարներով:

12. Ամփոփ ցուցակի 20-րդ և 21-րդ սյունակներում ըստ տողերի հաջորդիվ յուրաքանչյուր հողամասի համար լրացվում է կադաստրային գնահատման արդյունքում որոշված կադաստրային զուտ եկամուտը կամ կադաստրային արժեքը:

13. Ամփոփ ցուցակի 22-րդ սյունակում, ըստ տողերի հաջորդիվ լրացվում է յուրաքանչյուր հողամասի նկատմամբ սեփականության կամ օգտագործման իրավունքների պետական գրանցման ամսաթիվը (օրինակ` 2011 թվականի հուլիսի 15-ի գրանցումը նշվում է` 15.07.2011):

14. 23-րդ սյունակում լրացվում է նշված գույքի նկատմամբ նոր սեփականատիրոջը պատկանող բաժնային սեփականության չափը` կոտորակով: Ընդ որում, եթե

ա. գույքը ձեռք բերողին պատկանում է միանձնյա սեփականության (օգտագործման) իրավունքով, ապա 23-րդ սյունակում նշվում է «100»,

բ. գույքն ընդհանուր համատեղ սեփականության իրավունքով պատկանում է մի քանի անձանց, ապա մեկ հերթական համարի տակ առաջին սյունակում նշվում է նույն հերթական համարը, իսկ յուրաքանչյուր նոր համասեփականատիրոջ տվյալների դիմաց, 23-րդ սյունակում նշվում է «համատեղ» բառը,

գ. գույքը բաժնային սեփականության իրավունքով պատկանում է մի քանի անձանց, ապա մեկ հերթական համարի տակ առաջին սյունակում նշվում է նույն հերթական համարը, իսկ յուրաքանչյուր նոր սեփականատիրոջ տվյալների դիմաց 23-րդ սյունակում լրացվում է իր բաժնեմասի չափը կոտորակով:

Ձևաթղթի դարձերես Ձև 2

ՏԵՂԵԿՈՒԹՅՈՒՆՆԵՐԻ ԼՐԱՑՄԱՆ ԿԱՐԳ

1. Ձևաթղթի վերնամասի վանդակները լրացվում են նշագրումներին համապատասխան: Հարկային մարմնի անվանումը լրացվում է միայն այն դեպքում, երբ տեղեկությունները սահմանված կարգով ներկայացվում են հարկային մարմին:

2. Հողամասի ընդհանուր համատեղ կամ ընդհանուր բաժնային սեփականության դեպքում բոլոր համասեփականատերերի տվյալները լրացվում են հաջորդիվ` առանձին նոր տողերով: Տեղեկությունների 1-ին և 15-25-րդ սյունակներում համասեփականատերերի համար միևնույն հողամասի տեղեկություններն առաջին համասեփականատիրոջ տվյալներին հաջորդիվ նոր տողերում չեն լրացվում:

3. Տեղեկությունների 1-ին սյունակում ըստ տողերի հաջորդիվ լրացվում է գույքային միավոր հանդիսացող յուրաքանչյուր հողամասի հերթական համարը:

4. Տեղեկությունների 2-րդ, 3-րդ, 4-րդ, 5-րդ և 6-րդ սյունակներում ըստ տողերի հաջորդիվ լրացվում են յուրաքանչյուր հողամասի նոր սեփականատիրոջ կամ համասեփականատիրոջ, ինչպես նաև օգտագործողի հաշվառման (գրանցման) կամ գտնվելու վայրի հասցեի տեքստային տվյալները: Օտարերկրյա քաղաքացիների և քաղաքացիություն չունեցող անձանց համար նշված սյունակները չեն լրացվում:

5. Տեղեկությունների 7-րդ, 8-րդ, 9-րդ և 10-րդ և համապատասխանաբար 11-րդ, 12-րդ, 13-րդ ու 14-րդ սյունակներում ըստ տողերի հաջորդիվ լրացվում են յուրաքանչյուր հողամասի նախկին սեփականատիրոջ (համասեփականատիրոջ) կամ օգտագործողի և նոր սեփականատիրոջ (համասեփականատիրոջ) կամ օգտագործողի համապատասխան տեքստային տվյալները` ֆիզիկական անձի ազգանունը կամ կազմակերպության անվանումը (ներառյալ կազմակերպաիրավական ձևը), ֆիզիկական անձի անունը և հայրանունը, ֆիզիկական անձի սոցիալական ապահովության քարտի համարը (առկայության դեպքում) կամ կազմակերպության հարկ վճարողի հաշվառման համարը (ՀՎՀՀ):

6. Տեղեկությունների 15-րդ սյունակում ըստ տողերի հաջորդիվ լրացվում է յուրաքանչյուր հողամասի կադաստրային ծածկագիրը:

7. Տեղեկությունների 16-րդ, 17-րդ, 18-րդ և 19-րդ սյունակներում ըստ տողերի հաջորդիվ լրացվում են յուրաքանչյուր հողամասի գտնվելու վայրի հասցեի տեքստային տվյալները:

 Գյուղատնտեսական նշանակության և անտառային հողերի դեպքում այս սյունակները չեն լրացվում:

8. Տեղեկությունների 20-րդ սյունակում ըստ տողերի հաջորդիվ լրացվում է Լեռնային Ղարաբաղի Հանրապետության հողային օրենսգրքով սահմանված հողային ֆոնդին համապատասխան յուրաքանչյուր հողամասի նպատակային նշանակությունը:

9. Տեղեկությունների 21-րդ սյունակում ըստ տողերի հաջորդիվ լրացվում է Լեռնային Ղարաբաղի Հանրապետության հողային օրենսգրքին համապատասխան` յուրաքանչյուր հողամասի գործառնական նշանակությունը կամ հողատեսքը:

10. Տեղեկությունների 22-րդ սյունակում ըստ տողերի հաջորդիվ լրացվում են յուրաքանչյուր հողամասի գտնվելու վայրի վերաբերյալ լրացուցիչ տվյալները` բնակավայրի սահմաններից ներս գտնվող հողերի համար լրացվում է 1, բնակավայրի սահմաններից դուրս գտնվող հողերի համար` 2:

11. Տեղեկությունների 23-րդ սյունակում ըստ տողերի հաջորդիվ լրացվում է յուրաքանչյուր հողամասի չափը` հեկտարներով:

12. Տեղեկությունների 24-րդ և 25-րդ սյունակներում ըստ տողերի հաջորդիվ յուրաքանչյուր հողամասի համար լրացվում է կադաստրային գնահատման արդյունքում որոշված կադաստրային զուտ եկամուտը կամ կադաստրային արժեքը:

13. Տեղեկությունների 26-րդ սյունակում, ըստ տողերի հաջորդիվ լրացվում է յուրաքանչյուր հողամասի նկատմամբ սեփականության կամ օգտագործման իրավունքների պետական գրանցման ամսաթիվը (օրինակ` 2011 թվականի հուլիսի 15-ի գրանցումը նշվում է` 15.07.2011):

14. 27-րդ սյունակում լրացվում է նշված գույքի նկատմամբ նոր սեփականատիրոջը պատկանող բաժնային սեփականության չափը` կոտորակով: Ընդ որում, եթե

ա. գույքը ձեռք բերողին պատկանում է միանձնյա սեփականության (օգտագործման) իրավունքով, ապա 27-րդ սյունակում նշվում է «100»,

 բ. գույքն ընդհանուր համատեղ սեփականության իրավունքով պատկանում է մի քանի անձանց, ապա մեկ հերթական համարի տակ առաջին սյունակում նշվում է նույն հերթական համարը, իսկ յուրաքանչյուր նոր համասեփականատիրոջ տվյալների դիմաց, 27-րդ սյունակում նշվում է «համատեղ» բառը,

գ. գույքը բաժնային սեփականության իրավունքով պատկանում է մի քանի անձանց, ապա մեկ հերթական համարի տակ առաջին սյունակում նշվում է նույն հերթական համարը, իսկ յուրաքանչյուր նոր սեփականատիրոջ տվյալների դիմաց 27-րդ սյունակում լրացվում է իր բաժնեմասի չափը կոտորակով:

Ձևաթղթի դարձերես Ձև 3

ՏԵՂԵԿՈՒԹՅՈՒՆՆԵՐԻ ԼՐԱՑՄԱՆ ԿԱՐԳ

1. Ձևաթղթի վերնամասի վանդակները լրացվում են նշագրումներին համապատասխան: Հարկային մարմնի անվանումը լրացվում է միայն այն դեպքում, երբ տեղեկությունները սահմանված կարգով ներկայացվում են հարկային մարմին:

2. Հողամասի ընդհանուր համատեղ կամ ընդհանուր բաժնային սեփականության դեպքում բոլոր համասեփականատերերի տվյալները լրացվում են հաջորդիվ` առանձին նոր տողերով: Տեղեկությունների 1-ին և 15-24-րդ սյունակներում համասեփականատերերի համար միևնույն հողամասի տեղեկություններն առաջին համասեփականատիրոջ տվյալներին հաջորդիվ նոր տողերում չեն լրացվում:

3. Տեղեկությունների 1-ին սյունակում ըստ տողերի հաջորդիվ լրացվում է գույքային միավոր հանդիսացող յուրաքանչյուր հողամասի հերթական համարը:

4. Տեղեկությունների 2-րդ, 3-րդ, 4-րդ, 5-րդ և 6-րդ սյունակներում ըստ տողերի հաջորդիվ լրացվում են յուրաքանչյուր հողամասի նոր սեփականատիրոջ կամ համասեփականատիրոջ, ինչպես նաև օգտագործողի հաշվառման (գրանցման) կամ գտնվելու վայրի հասցեի տեքստային տվյալները: Օտարերկրյա քաղաքացիների և քաղաքացիություն չունեցող անձանց համար նշված սյունակները չեն լրացվում:

5. Տեղեկությունների 7-րդ, 8-րդ, 9-րդ և 10-րդ սյունակներում ըստ տողերի հաջորդիվ լրացվում են յուրաքանչյուր հողամասի նախկին սեփականատիրոջ (համասեփականատիրոջ) կամ օգտագործողի և նոր սեփականատիրոջ (համասեփականատիրոջ) կամ օգտագործողի համապատասխան տեքստային տվյալները` ֆիզիկական անձի ազգանունը կամ կազմակերպության անվանումը (ներառյալ կազմակերպաիրավական ձևը), ֆիզիկական անձի անունը և հայրանունը, ֆիզիկական անձի սոցիալական ապահովության քարտի համարը (առկայության դեպքում) կամ կազմակերպության հարկ վճարողի հաշվառման համարը (ՀՎՀՀ):

6. Տեղեկությունների 11-րդ սյունակում ըստ տողերի հաջորդիվ լրացվում է յուրաքանչյուր հողամասի կադաստրային ծածկագիրը:

7. Տեղեկությունների 12-րդ, 13-րդ, 14-րդ և 15-րդ սյունակներում ըստ տողերի հաջորդիվ լրացվում են յուրաքանչյուր հողամասի գտնվելու վայրի հասցեի տեքստային տվյալները:

 Գյուղատնտեսական նշանակության և անտառային հողերի դեպքում այս սյունակները չեն լրացվում:

8. Տեղեկությունների 16-րդ սյունակում ըստ տողերի հաջորդիվ լրացվում է Լեռնային Ղարաբաղի Հանրապետության հողային օրենսգրքով սահմանված հողային ֆոնդին համապատասխան յուրաքանչյուր հողամասի նպատակային նշանակությունը:

9. Տեղեկությունների 17-րդ սյունակում ըստ տողերի հաջորդիվ լրացվում է Լեռնային Ղարաբաղի Հանրապետության հողային օրենսգրքին համապատասխան` յուրաքանչյուր հողամասի գործառնական նշանակությունը կամ հողատեսքը:

10. Տեղեկությունների 18-րդ սյունակում ըստ տողերի հաջորդիվ լրացվում են յուրաքանչյուր հողամասի գտնվելու վայրի վերաբերյալ լրացուցիչ տվյալները` բնակավայրի սահմաններից ներս գտնվող հողերի համար լրացվում է 1, բնակավայրի սահմաններից դուրս գտնվող հողերի համար` 2:

11. Տեղեկությունների 19-րդ սյունակում ըստ տողերի հաջորդիվ լրացվում է յուրաքանչյուր հողամասի չափը` հեկտարներով:

12. Տեղեկությունների 20-րդ և 21-րդ սյունակներում ըստ տողերի հաջորդիվ յուրաքանչյուր հողամասի համար լրացվում է կադաստրային գնահատման արդյունքում որոշված կադաստրային զուտ եկամուտը կամ կադաստրային արժեքը:

13. Տեղեկությունների 22-րդ սյունակում, ըստ տողերի հաջորդիվ լրացվում է յուրաքանչյուր հողամասի նկատմամբ սեփականության կամ օգտագործման իրավունքների պետական գրանցման ամսաթիվը (օրինակ` 2011 թվականի հուլիսի 15-ի գրանցումը նշվում է` 15.07.2011):

14. 23-րդ սյունակում լրացվում է նշված գույքի նկատմամբ նոր սեփականատիրոջը պատկանող բաժնային սեփականության չափը` կոտորակով: Ընդ որում, եթե

ա. գույքը ձեռք բերողին պատկանում է միանձնյա սեփականության (օգտագործման) իրավունքով, ապա 23-րդ սյունակում նշվում է «100»,

բ. գույքն ընդհանուր համատեղ սեփականության իրավունքով պատկանում է մի քանի անձանց, ապա մեկ հերթական համարի տակ առաջին սյունակում նշվում է նույն հերթական համարը, իսկ յուրաքանչյուր նոր համասեփականատիրոջ տվյալների դիմաց, 23-րդ սյունակում նշվում է «համատեղ» բառը,

գ. գույքը բաժնային սեփականության իրավունքով պատկանում է մի քանի անձանց, ապա մեկ հերթական համարի տակ առաջին սյունակում նշվում է նույն հերթական համարը, իսկ յուրաքանչյուր նոր սեփականատիրոջ տվյալների դիմաց 23-րդ սյունակում լրացվում է իր բաժնեմասի չափը կոտորակով:

15. Տեղեկությունների 24-րդ սյունակում ըստ տողերի հաջորդիվ յուրաքանչյուր հողամասի նկատմամբ իրավունքների դադարման դեպքում լրացվում է 1, իրավունքների ծագման դեպքում` 2, օրենքով նախատեսված այլ դեպքերում` 3: Սույն կարգի N 2 հավելվածով սահմանված փոփոխությունները սույն հավելվածի տեղեկություններում չեն ներառվում: