ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
“24” դեկտեմբերի 2002թ. |
N 90 |
ք.Ստեփանակերտ
Արտադրողի (կատարողի, վաճառողի) կողմից տեղեկատվություն զետեղելու ցուցանակին ներկայացվող պահանջները հաստատելու մասին
«Սպառողների իրավունքների պաշտպանության մասին» Լեռնային Ղարաբաղի Հանրապետության օրենքի 10-րդ հոդվածի 1-ին կետին համապատասխան` Լեռնային Ղարաբաղի Հանրապետության կառավարությունը որոշում է.
1. Հաստատել արտադրողի (կատարողի, վաճառողի) կողմից տեղեկատվություն զետեղելու ցուցանակին ներկայացվող պահանջները (կցվում է):
| |
Հաստատված է
ԼՂՀ կառավարության
2002թ. դեկտեմբերի 24-ի
թիվ 90 որոշմամբ |
ՊԱՀԱՆՋՆԵՐ
արտադրողի (կատարողի, վաճառողի) կողմից տեղեկատվություն զետեղելու ցուցանակին ներկայացվող
1. Ցուցանակի տեղադրմանը և եզրաչափերին ներկայացվող պահանջներն են`
ա) ցուցանակը պետք է տեղադրված լինի կազմակերպության ճակատային մասում (որտեղ տեղադրված են մուտքը և ցուցափեղկը) առաջին հարկի լուսամուտախորշերի կամ ցուցափեղկերի արանքում և երկրորդ հարկի լուսամուտախորշերի արանքում և չպետք է դուրս ցցվի երկրորդ հարկի լուսամուտախորշերի ներքևի եզրից վերև:
Ցուցանակի ներքևի եզրը պետք է գտնվի հողի մակերևույթից առնվազն 2.5 մետր բարձրության վրա.
բ) ցուցանակը պատի մակերևույթից չպետք է դուրս ցցվի 0.5 մետրից ավելի.
գ) ցուցանակը չպետք է զբաղեցնի շենքի ճակատային մասի 1/6 մասից ավելին.
դ) ցուցանակի տառերի բարձրությունը պետք է լինի ոչ ավելի, քան 0.8 մետր և ոչ պակաս քան 0.1 մետր.
ե) ցուցանակը ժամերին պետք է լուսավորված լինի ներքին անհատական կամ արտաքին հոսանքի աղբյուրներով և չպետք է ունենա թարթող լուսավորման աղբյուրներ.
զ) ցուցանակը տեղադրվում է հակահրդեհային, սանիտարական ու սպասարկման նորմերի և անվտանգության տեխնիկայի պահանջներին համապատասխան:
2. Ցուցանակի լեզվին և լրացման ձևերին ներկայացվող պահանջներն են`
ա) ցուցանակի լեզուն հայերենն է: Ցուցանակի հայերեն տեղեկատվությունը կարող է զուգորդել այլ լեզուներով նշված տեղեկատվությամբ.
բ) ցուցանակի հայերեն շարադրանքը տեղեկատվության ծավալով չպետք է զիջի այլ լեզվով շարադրված տարբերակի ծավալին.
գ) ցուցանակի այլ լեզվով շարադրանքը պետք է լինի հայերեն շարադրանքից ներքև կամ աջ հատվածում (ըստ ձախից աջ գրության):
3. Ցուցանակների վրա պետք է զետեղվեն հետևյալ տեղեկությունները` կազմակերպության ճակատային մասում փակված ցուցանակի վրա նշվում են կազմակերպության (ֆիրմայի) անվանումը, կազմակերպական-իրավական ձևը, իսկ մուտքի դռան ցուցանակի վրա` աշխատանքային ռեժիմը: