ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
“28” նոյեմբերի 2003թ. |
N 353 |
ք.Ստեփանակերտ
ԼՂՀ պետական գաղտնիքի շարքը դասվող տեղեկությունների ցանկի մշակման կարգը հաստատելու մասին
«Պետական և ծառայողական գաղտնիքի մասին» ԼՂՀ օրենքի 12-րդ հոդվածին համապատասխան տեղեկությունների գաղտնագրման բնագավառում միասնական պետական քաղաքականություն իրականացնելու նպատակով Լեռնային Ղարաբաղի Հանրապետության կառավարությունը որոշում է.
Հաստատել ԼՂՀ պետական գաղտնիքի շարքը դասվող տեղեկությունների ցանկի մշակման կարգը (կցվում է):
|
ԼՂՀ վարչապետ |
Ա. ԴԱՆԻԵԼՅԱՆ |
| |
Հաստատված է
ԼՂՀ կառավարության
2003թ. նոյեմբերի 28-ի
թիվ 353 որոշմամբ |
Կ Ա Ր Գ
Լեռնային Ղարաբաղի Հանրապետության պետական գաղտնիքի շարքը դասվող տեղեկությունների ցանկի մշակման
1. Սույն կարգով սահմանվում է Լեռնային Ղարաբաղի Հանրապետության պետական մարմիններում, հիմնարկներում և կազմակերպություններում ԼՂՀ պետական գաղտնիքի շարքը դասվող տեղեկությունների ցանկի մշակման կարգը:
2. Պետական գաղտնիքի շարքը դասվող տեղեկությունների ցանկերի նախագծերը մշակվում են տեղեկությունները պետական և ծառայողական գաղտնիքի շարքը դասելու և տնօրինելու լիազորություններով օժտված պետական մարմնի ղեկավարի հսկողությամբ՝ նրա հրամանով ստեղծված մշտական գործող հանձնաժողովի կողմից:
Պետական գաղտնիքի շարքը դասվող տեղեկությունների ցանկերի նախագծերը մշակվում են «Պետական և ծառայողական գաղտնիքի մասին» ԼՂՀ օրենքի 9-րդ հոդվածի պահանջներին համապատասխան՝ հաշվի առնելով պետական մարմինների, հիմնարկների և կազմակերպությունների առաջարկությունները:
3. ԼՂՀ ազգային անվտանգության հանրապետական գործադիր մարմինն ամփոփում է պետական մարմիններից ստացված՝ պետական գաղտնիքի շարքը դասվող տեղեկությունների ցանկերի նախագծերը և դրանք ներկայացնում ԼՂՀ կառավարության հաստատմանը:
4. Գաղտնագրման ենթակա տեղեկությունների ընդլայնված գերատեսչական ցանկերը մշակվում են սույն կարգին համապատասխան:
5. ԼՂՀ կառավարության հաստատած՝ պետական գաղտնիքի շարքը դասվող տեղեկությունների ցանկին և սույն կարգի 2-րդ կետում նշված պահանջներին համապատասխան՝ պետական գաղտնիքի շարքը դասելու և տնօրինելու լիազորություններով օժտված պետական մարմինների ղեկավարների ցուցումով պետական մարմիններում մշտապես գործող հանձնաժողովների կողմից մշակվում են գաղտնագրման ենթակա տեղեկությունների ընդլայնված գերատեսչական ցանկերը:
6. Գաղտնագրման ենթակա տեղեկությունների ընդլայնված գերատեսչական ցանկերը կազմում են ըստ բնագավառների՝ առանձին-առանձին, ընդլայնված ձևով ընդգրկելով պետական գաղտնիքի շարքը դասվող տեղեկությունները՝ նշելով յուրաքանչյուր գաղտնագրված տեղեկության գաղտնիության աստիճանը:
7. Գաղտնագրման ենթակա տեղեկությունների ընդլայնված գերատեսչական ցանկերը (2 օրինակից) հաստատում են տեղեկությունները պետական և ծառայողական գաղտնիքի շարքը դասելու և տնօրինելու լիազորություններով օժտված պետական մարմինների ղեկավարները՝ համաձայնեցնելով ԼՂՀ ազգային անվտանգության հանրապետական գործադիր մարմնի հետ: