ք. Ստեփանակերտ

ՀՐԱԳՈՐԾԱԿԱՆ ԱՊՐԱՆՔՆԵՐԻ ԱՐՏԱԴՐՈՒԹՅԱՆ, ՆԵՐՄՈՒԾՄԱՆ ԿԱՄ ԱՌԵՎՏՐԻ ԼԻՑԵՆԶԱՎՈՐՄԱՆ ԿԱՐԳՆ ՈՒ ԼԻՑԵՆԶԻԱՅԻ ՁԵՎԸ ՀԱՍՏԱՏԵԼՈՒ ՄԱՍԻՆ

«Լիցենզավորման մասին» Լեռնային Ղարաբաղի Հանրապետության օրենքի 10-րդ հոդվածի 3-րդ և 17-րդ հոդվածի 2-րդ մասերին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Հաստատել`

1) հրագործական ապրանքների արտադրության, ներմուծման կամ առևտրի լիցենզավորման կարգը` համաձայն N 1 հավելվածի.

2) հրագործական ապրանքների արտադրության, ներմուծման կամ առևտրի լիցենզիայի ձևը` համաձայն N 2 հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Կ Ա Ր Գ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է Լեռնային Ղարաբաղի Հանրապետությունում հրագործական ապրանքների արտադրության, ներմուծման կամ առևտրի լիցենզավորման հետ կապված հարաբերությունները` համաձայն «Լիցենզավորման մասին» Լեռնային Ղարաբաղի Հանրապետության օրենքի պահանջների:

2. Հրագործական ապրանքների արտադրության, ներմուծման կամ առևտրի լիցենզավորումն իրականացնում է Լեռնային Ղարաբաղի Հանրապետության կառավարությանն առընթեր փրկարար ծառայությունը (այսուհետ` լիցենզավորող մարմին):

3. Հրագործական ապրանքների արտադրության, ներմուծման կամ առևտրի լիցենզավորումն իրականացվում է «Լիցենզավորման մասին» Լեռնային Ղարաբաղի Հանրապետության օրենքով սահմանված բարդ ընթացակարգով տրվող լիցենզիաների պահանջներին համապատասխան:

4. Լեռնային Ղարաբաղի Հանրապետությունում հրագործական ապրանքների արտադրության, ներմուծման կամ առևտրի լիցենզավորման ենթակա գործունեության տեսակներով զբաղվելու իրավունք ունեցող սուբյեկտներ են համարվում իրավաբանական անձինք և անհատ ձեռնարկատերերը:

5. Լիցենզիա տալու, լիցենզիայի գործողությունը կասեցնելու կամ դադարեցնելու մասին եզրակացություններ տալու նպատակով լիցենզավորող մարմինը ստեղծում է լիցենզավորող հանձնաժողով:

6. Լիցենզիա տալու համար գանձվում է պետական տուրք` «Պետական տուրքի մասին» Լեռնային Ղարաբաղի Հանրապետության օրենքով սահմանված կարգով և չափով:

7. Լիցենզիան տրվում է սույն կարգով նախատեսված բոլոր փաստաթղթերը ներկայացվելուց հետո 30 օրվա ընթացքում:

8. Լիցենզիա ստանալու ցանկություն ունեցող հայտատուն հասարակական անվտանգության ապահովման նպատակով և Լեռնային Ղարաբաղի Հանրապետության օրենսդրության պահանջների համաձայն պարտադիր պետք է ունենա`

1) սեփականության կամ օգտագործման իրավունքով անվտանգության պահանջներին համապատասխանող շինություն (արտադրամաս)` հրագործական ապրանքների արտադրությամբ զբաղվելու համար.

2) սեփականության կամ օգտագործման իրավունքով համապատասխան շինություն կամ պահեստ` հրագործական ապրանքները պահելու համար.

3) սեփականության կամ օգտագործման իրավունքով փոխադրամիջոցներ` հրագործական ապրանքները փոխադրելու համար:

9. Հայտատուն լիցենզիա ստանալու համար ներկայացնում է`

1) հայտ` համաձայն N 1 ձևի, նշելով`

ա. իրավաբանական անձի համար` իրավաբանական անձի անվանումն ու կազմակերպական-իրավական ձևը, գտնվելու վայրը, իսկ անհատ ձեռնարկատիրոջ համար` անունը, ազգանունը, բնակության վայրը.

բ. լիցենզավորման ենթակա այն գործունեության տեսակը, որը հայտատուն մտադիր է իրականացնել.

գ. իրավաբանական անձանց համար` հարկ վճարողի հաշվառման համարի, անհատ ձեռնարկատիրոջ կամ ֆիզիկական անձի համար` հարկ վճարողի հաշվառման համարի կամ սոցիալական քարտի համարի վերաբերյալ տեղեկատվություն.

2) իրավաբանական անձի համար` կանոնադրության պատճենը և պետական գրանցման վկայականի պատճենը, իսկ անհատ ձեռնարկատիրոջ համար` պետական գրանցման վկայականի պատճենը.

3) տեղեկություններ հայտատուի տրամադրության տակ գտնվող հրագործական ապրանքներ արտադրելու համապատասխան շինության (արտադրամասի) մասին` համաձայն N 2 ձևի.

4) տեղեկություններ հայտատուի տրամադրության տակ գտնվող հրագործական ապրանքները պահելու պահեստի կամ շինության մասին` համաձայն N 3 ձևի.

5) տեղեկություններ հայտատուի տրամադրության տակ գտնվող հրագործական ապրանքների փոխադրման համար նախատեսված փոխադրամիջոցների մասին` համաձայն N 4 ձևի.

6) տեղեկություններ հրագործական ապրանքների արտադրությամբ, ներմուծմամբ կամ առևտրով զբաղվող մասնագետների մասին` համաձայն N 5 ձևի.

7) «Պետական տուրքի մասին» Լեռնային Ղարաբաղի Հանրապետության օրենքին համապատասխան վճարված պետական տուրքի վճարման անդորրագիրը:

10. Հասարակական անվտանգության ապահովման նպատակով, բացի նշված փաստաթղթերից, հայտատուն ներկայացնում է նաև հրագործական ապրանքների փոխադրմամբ զբաղվող անձանց համապատասխան ուսուցում անցնելը հաստատող փաստաթղթի պատճենը:

11. Լիցենզիա ստանալու համար անհրաժեշտ փաստաթղթերը կարող են լիցենզավորող մարմնին հանձնվել առձեռն կամ փոստով:

III. ԼԻՑԵՆԶԻԱ ՍՏԱՆԱԼՈՒ ՄԱՍԻՆ ՀԱՅՏԻ ՄԵՐԺՈՒՄԸ, ԳՈՐԾՈՂՈՒԹՅԱՆ ԿԱՍԵՑՈՒՄԸ ԵՎ ԴԱԴԱՐԵՑՈՒՄԸ

12. Լիցենզիա ստանալու մասին հայտը մերժվում է, եթե`

1) հայտատուի ներկայացրած փաստաթղթերը թերի, կեղծ կամ խեղաթյուրված են.

2) ներկայացված փաստաթղթերը չեն համապատասխանում Լեռնային Ղարաբաղի Հանրապետության օրենսդրության և այլ իրավական ակտերի պահանջներին.

3) իրավաբանական անձն օրենքի կամ իր կանոնադրության համաձայն իրավունք չունի զբաղվելու հայցվող` լիցենզավորման ենթակա գործունեության տեսակով.

4) ֆիզիկական անձն իրավունք չունի զբաղվելու հայցվող` լիցենզավորման ենթակա գործունեության տեսակով:

13. Լիցենզիայի գործողությունը կարող է կասեցվել կամ դադարեցվել` օրենքով սահմանված կարգով:

14. Լիցենզիա ստանալու մասին հայտերի մերժման, լիցենզիայի գործողության կասեցման կամ լիցենզիայի վերաձևակերպման մասին հայտերի մերժման վերաբերյալ որոշումները կարող են բողոքարկվել դատական կամ վերադասության կարգով: Վերադասության կարգով բողոքարկման ընթացակարգը և ժամկետները սահմանվում են «Լիցենզավորման մասին» Լեռնային Ղարաբաղի Հանրապետության օրենքով:

IV. ՀՍԿՈՂՈՒԹՅԱՆ ԻՐԱԿԱՆԱՑՈՒՄԸ

15. Հրագործական ապրանքների արտադրության, ներմուծման կամ առևտրի նկատմամբ հսկողությունն իրականացվում է օրենքով սահմանված կարգով:

Հ Ա Յ Տ

ԼԻՑԵՆԶԻԱ ՍՏԱՆԱԼՈՒ ՄԱՍԻՆ

Խնդրում եմ տալ ________________________________________________________

                                                   (գործունեության տեսակի անվանումը)

  _____________________________________________________________ լիցենզիա:

 Լիցենզավորման պայմաններին ու պահանջներին ծանոթացել եմ և պարտավորվում եմ դրանք պահպանել:

 Կից ներկայացնում եմ հետևյալ փաստաթղթերը`

1. _____________________________________________________

2. _____________________________________________________

3. _____________________________________________________

4. _____________________________________________________

5. _____________________________________________________

Հայտատու ___________________              ________________________________

                      (ստորագրությունը)                      (անվանումը կամ անունը, ազգանունը)

«____» _________________20  թ.

Իրավաբանական անձի անվանումը կամ

անհատ ձեռնարկատիրոջ անունը, ազգանունը______________________________

Գտնվելու կամ բնակության վայրը _______________________________________

_________________________________________________________________

Գործողության ժամկետը` անժամկետ

Տնօրեն               _______________                     _____________________

                          (ստորագրությունը)                           (անունը, ազգանունը)

Տրված է  «____» _______________20  թ.