ք. Ստեփանակերտ

«Լիցենզավորման մասին» Լեռնային Ղարաբաղի Հանրապետության օրենքի 10-րդ հոդվածի 3-րդ և 17-րդ հոդվածի 2-րդ մասերին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Հաստատել`

1) կրակմարիչների լիցքավորման աշխատանքների կատարման և առևտրի լիցենզավորման կարգը` համաձայն N 1 հավելվածի.

2) կրակմարիչների լիցքավորման աշխատանքների կատարման և առևտրի լիցենզիայի ձևը` համաձայն N 2 հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

1. Սույն կարգով սահմանվում է Լեռնային Ղարաբաղի Հանրապետությունում կրակմարիչների լիցքավորման աշխատանքների կատարման և առևտրի լիցենզավորման հետ կապված հարաբերությունները` համաձայն «Լիցենզավորման մասին» Լեռնային Ղարաբաղի Հանրապետության օրենքի պահանջների:

2. Կրակմարիչների լիցքավորման աշխատանքների կատարման և առևտրի լիցենզավորումն իրականացնում է Լեռնային Ղարաբաղի Հանրապետության կառավարությանն առընթեր փրկարար ծառայությունը (այսուհետ` լիցենզավորող մարմին):

3. Կրակմարիչների լիցքավորման աշխատանքների կատարման և առևտրի լիցենզավորումն իրականացվում է «Լիցենզավորման մասին»  Լեռնային Ղարաբաղի Հանրապետության օրենքով սահմանված բարդ ընթացակարգով տրվող լիցենզիաների պահանջներին համապատասխան:

4. Լեռնային Ղարաբաղի Հանրապետությունում կրակմարիչների լիցքավորման աշխատանքների կատարման և առևտրի լիցենզավորման ենթակա գործունեության տեսակներով զբաղվելու իրավունք ունեցող սուբյեկտներ են համարվում իրավաբանական անձինք և անհատ ձեռնարկատերերը:

5. Լիցենզիա տալու, լիցենզիայի գործողությունը կասեցնելու կամ դադարեցնելու մասին եզրակացություններ տալու նպատակով լիցենզավորող մարմինը ստեղծում է լիցենզավորող հանձնաժողով:

6. Լիցենզիա տալու համար գանձվում է պետական տուրք` «Պետական տուրքի մասին»  Լեռնային Ղարաբաղի Հանրապետության օրենքով սահմանված կարգով և չափով:

7. Լիցենզիան տրվում է սույն կարգով նախատեսված բոլոր փաստաթղթերը ներկայացվելուց հետո 30 օրվա ընթացքում:

8. Լիցենզիա տալու համար կատարվում է կրակմարիչների լիցքավորման աշխատանքների կատարմամբ և առևտրով զբաղվող մասնագետների մասնագիտական որակավորման ստուգում` Լեռնային Ղարաբաղի Հանրապետության օրենսդրությամբ սահմանված կարգով:

9. Լիցենզիա ստանալու ցանկություն ունեցող հայտատուն հասարակական անվտանգության ապահովման նպատակով և Լեռնային Ղարաբաղի Հանրապետության օրենսդրության պահանջների համաձայն պարտադիր պետք է ունենա`

1) սեփականության կամ օգտագործման իրավունքով պահեստ` կրակմարիչները պահելու համար.

2) սեփականության կամ օգտագործման իրավունքով փոխադրամիջոցներ` կրակմարիչներ փոխադրելու համար.

3) կրակմարիչների լիցքավորման աշխատանքների կատարմամբ և առևտրով զբաղվող մասնագիտական որակավորում անցած մասնագետներ:

10. Հայտատուն լիցենզիա ստանալու համար ներկայացնում է`

1) հայտ` համաձայն N 1 ձևի, նշելով`

ա. իրավաբանական անձի համար` իրավաբանական անձի անվանումն ու կազմակերպական-իրավական ձևը, գտնվելու վայրը, իսկ անհատ ձեռնարկատիրոջ համար` անունը, ազգանունը, բնակության վայրը.

բ. լիցենզավորման ենթակա այն գործունեության տեսակը, որը հայտատուն մտադիր է իրականացնել.

գ. իրավաբանական անձանց համար` հարկ վճարողի հաշվառման համարի, անհատ ձեռնարկատիրոջ կամ ֆիզիկական անձի համար` հարկ վճարողի հաշվառման համարի կամ սոցիալական քարտի համարի վերաբերյալ տեղեկատվություն.

2) իրավաբանական անձի համար` կանոնադրության պատճենը և պետական գրանցման վկայականի պատճենը, իսկ անհատ ձեռնարկատիրոջ համար` պետական գրանցման վկայականի պատճենը.

3) տեղեկություններ հայտատուի տրամադրության տակ գտնվող կրակմարիչները պահելու պահեստների մասին` համաձայն N 2 ձևի.

4) տեղեկություններ հայտատուի տրամադրության տակ գտնվող կրակմարիչների փոխադրման համար նախատեսված փոխադրամիջոցների մասին` համաձայն N 3 ձևի.

5) տեղեկություններ կրակմարիչների լիցքավորման աշխատանքների կատարմամբ և առևտրով զբաղվող մասնագետների մասին` համաձայն N 4 ձևի.

6) կրակմարիչների լիցքավորման աշխատանքների կատարմամբ և առևտրով զբաղվող մասնագետների մասնագիտական որակավորում անցնելու մասին տրված փաստաթղթերի պատճենները.

7) «Պետական տուրքի մասին»  Լեռնային Ղարաբաղի Հանրապետության օրենքին համապատասխան վճարված պետական տուրքի վճարման անդորրագիրը:

11. Հասարակական անվտանգության ապահովման նպատակով, բացի նշված փաստաթղթերից, հայտատուն ներկայացնում է նաև կրակմարիչների փոխադրմամբ զբաղվող անձանց համապատասխան ուսուցում անցնելը հաստատող փաստաթղթի պատճենը:

12. Լիցենզիա ստանալու համար անհրաժեշտ փաստաթղթերը կարող են լիցենզավորող մարմնին հանձնվել առձեռն կամ փոստով:

13. Լիցենզիա ստանալու մասին հայտը մերժվում է, եթե`

1) հայտատուի ներկայացրած փաստաթղթերը թերի, կեղծ կամ խեղաթյուրված են.

2) ներկայացված փաստաթղթերը չեն համապատասխանում Լեռնային Ղարաբաղի Հանրապետության օրենսդրության պահանջներին.

3) իրավաբանական անձն օրենքի կամ իր կանոնադրության համաձայն իրավունք չունի զբաղվելու հայցվող` լիցենզավորման ենթակա գործունեության տեսակով.

4) ֆիզիկական անձն իրավունք չունի զբաղվելու հայցվող` լիցենզավորման ենթակա գործունեության տեսակով:

14. Լիցենզիայի գործողությունը կարող է կասեցվել կամ դադարեցվել` օրենքով սահմանված կարգով:

15. Լիցենզիա ստանալու մասին հայտերի մերժման, լիցենզիայի գործողության կասեցման կամ լիցենզիայի վերաձևակերպման մասին հայտերի մերժման վերաբերյալ որոշումները կարող են բողոքարկվել դատական կամ վերադասության կարգով: Վերադասության կարգով բողոքարկման ընթացակարգը և ժամկետները սահմանվում են «Լիցենզավորման մասին»  Լեռնային Ղարաբաղի Հանրապետության օրենքով:

16. Կրակմարիչների լիցքավորման աշխատանքների կատարման և առևտրի նկատմամբ հսկողությունն իրականացվում է օրենքով սահմանված կարգով:

17. Կրակմարիչների լիցքավորման աշխատանքների կատարմամբ և առևտրով զբաղվող իրավաբանական անձինք և անհատ ձեռնարկատերերը լիցենզավորող մարմնին ներկայացնում են հաշվետվություն` կիսամյակային կտրվածքով:

Հ Ա Յ Տ

ԼԻՑԵՆԶԻԱ ՍՏԱՆԱԼՈՒ ՄԱՍԻՆ

Խնդրում եմ տալ _______________________________________________________

                                                   (գործունեության տեսակի անվանումը)

____________________________________________________________ լիցենզիա:

 Լիցենզավորման պայմաններին ու պահանջներին ծանոթացել եմ և պարտավորվում եմ դրանք պահպանել:

 Կից ներկայացնում եմ հետևյալ փաստաթղթերը`

1. ____________________________________________

2. ____________________________________________

3. ____________________________________________

4. ____________________________________________

5. ____________________________________________

Հայտատու   _________________         ___________________________________

                     (ստորագրությունը)           (անվանումը կամ անունը, ազգանունը)

«____» ______________20  թ.

Իրավաբանական անձի անվանումը կամ

անհատ ձեռնարկատիրոջ անունը, ազգանունը__________________________________

Գտնվելու կամ բնակության վայրը___________________________________________

_____________________________________________________________________

Գործողության ժամկետը` անժամկետ

Տնօրեն     __________________       ______________________

                 (ստորագրությունը)               (անունը, ազգանունը)

Տրված է  «___» ___________ 20  թ.