ք. Ստեփանակերտ

«Գնումների մասին» Լեռնային Ղարաբաղի Հանրապետության օրենքի 4-րդ և 17-րդ հոդվածներով, Լեռնային Ղարաբաղի Հանրապետության կառավարության 2003 թվականի հունվարի 21-ի «Գնումների մասին» Լեռնային Ղարաբաղի Հանրապետության օրենքի կիրարկումն ապահովող առաջնահերթ միջոցառումների մասին» N 7 որոշման 2-րդ կետով և Լեռնային Ղարաբաղի Հանրապետության կառավարության 2003 թվականի մայիսի 27-ի N 174 որոշմամբ հաստատված «Գնումների բնութագրերի հաստատման, նախնական հսկողության և ֆինանսավորման կարգի» 25-րդ կետով վերապահված իրավասությունների շրջանակներում հրամայում եմ.

1. Սահմանել, որ Լեռնային Ղարաբաղի Հանրապետության կառավարության 2003 թվականի մայիսի 27-ի թիվ 174 որոշմամբ հաստատված գնումների բնութագրերի հաստատման, նախնական հսկողության և ֆինանսավորման կարգի» 25-րդ կետի համաձայն ընդունված փաստաթղթերը (այսուհետև` նաև վճարման փաստաթղթերը) Լեռնային Ղարաբաղի Հանրապետության ֆինանսների և էկոնոմիկայի նախարարության տեղական գանձապետական բաժանմունքը այսուհետև` ՏԳԲ)`

ա) վճարման փաստաթղթերով պահանջվող գումարի չափով ստանձնված պարտավորությունը` վճարման փաստաթղթերը ներկայացրած պետական հիմնարկի անվամբ հաշվառելու համար, սահմանված կարգով կատարում է համապատասխան ձևակերպում (ձևակերպումներ), իսկ վճարման փաստաթղթերը` պահում ՏԳԲ-ում.

բ) յուրաքանչյուր ամսվա 25-ին, Լեռնային Ղարաբաղի Հանրապետության ֆինանսների և էկոնոմիկայի նախարարություն (կենտրոնական գանձապետարան) է ներկայացնում հաղորդագրություն (էլեկտրոնային) տվյալ ՏԳԲ-ի կողմից վերոհիշյալ կարգի 25-րդ կետի համաձայն ընդունած` սակայն մինչև ամսվա 25-ը չսպասարկված վճարման փաստաթղթերի մասին:

2. Լեռնային Ղարաբաղի Հանրապետության ֆինանսների և էկոնոմիկայի նախարարությունը ամփոփում է ՏԳԲ-ների կողմից սույն հրամանի համաձայն ներկայացված հաղորդագրությունները, արդյունքների հիման վրա` ըստ բյուջետային ծախսերի գերատեսչական և գործառնական դասակարգումների, առանձին հաշվառում` ՏԳԲ-ներ ներկայացված, սակայն ավելի քան 30 օրացուցային օրվա ընթացքում չսպասարկված վճարման փաստաթղթերի համաձայն կատարման ենթակա պարտավորությունները: