ք. Ստեփանակերտ

Ղեկավարվելով «Պետական պաշտոններ զբաղեցնող անձանց վարձատրության մասին» Լեռնային Ղարաբաղի Հանրապետության օրենքի 15-րդ հոդվածի 2-րդ մասով` Լեռնային Ղարաբաղի Հանրապետության կառավարությունը որոշում է.

1. Հաստատել դիվանագիտական պաշտոն զբաղեցնող անձին օտար լեզվի իմացության համար տրվող հավելավճարի չափը և վճարման կարգը` համաձայն հավելվածի:

2. Լեռնային Ղարաբաղի Հանրապետության արտաքին գործերի նախարարին` սույն որոշումն ուժի մեջ մտնելու պահից 30-օրյա ժամկետում հաստատել սույն որոշման հավելվածի 3-րդ կետում նախատեսված` օտար լեզուների իմացության ստուգման կամ հավաստման կարգը` դրանում ներառելով ստուգման (թեստավորման) կազմակերպման սկզբունքները և գործընթացը կամ լեզվի իմացության անհրաժեշտ մակարդակը և այն հավաստող ընդունելի փաստաթղթերի ցանկը, ինչպես նաև սույն որոշման հավելվածի 5-րդ կետով նախատեսված հանձնաժողովների կազմը և լեզուների ցանկը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

1. Դիվանագիտական պաշտոն զբաղեցնող անձին (այսուհետ` դիվանագետ) երկու օտար լեզվից բացի երրորդ և ավելի օտար լեզուների իմացության համար տրվում է հավելավճար:

2. Օտար լեզուների իմացության համար հավելավճարը տրվում է Լեռնային Ղարաբաղի Հանրապետության արտաքին գործերի նախարարության աշխատակազմում դիվանագետներին երկու օտար լեզվից բացի երրորդ օտար լեզվի իմացության համար` դիվանագետի պաշտոնային դրույքաչափի 10 տոկոսի, իսկ չորրորդ և ավելի օտար լեզուների իմացության համար` դիվանագետի պաշտոնային դրույքաչափի 15 տոկոսի չափով:

3. Սույն կարգի 1-ին կետում նշված լեզուների իմացությունը ենթակա է ստուգման կամ հավաստման` Լեռնային Ղարաբաղի Հանրապետության արտաքին գործերի նախարարի (այսուհետ` նախարար) կողմից սահմանված կարգի համաձայն:

4. Օտար լեզուների իմացության ստուգումն իրականացնում են այդ նպատակով ստեղծված հանձնաժողովները, որոնց եզրակացության հիման վրա նախարարն ընդունում է դիվանագետին հավելավճար տրամադրելու մասին անհատական իրավական ակտ:

Հանձնաժողովների ստեղծման կարգը սահմանում է նախարարը:

5. Յուրաքանչուր օտար լեզվի գծով հանձնաժողովի կազմը, ինչպես նաև սույն կարգի 1-ին կետում նշված լեզուների ցանկը սահմանում է նախարարը: