ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2009 թվականի մարտի 6-ի «Միանվագ դրամական օգնության մասին» N 133-Ն որոշման մեջ կատարել հետևյալ փոփոխությունները և լրացումները.

1) ուժը կորցրած ճանաչել 2-րդ կետի 2¹ -2⁶ -րդ ենթակետերը, 2¹ -ին կետը, որոշմամբ հաստատված թիվ 1 հավելվածի 8¹ -ին, 24-րդ և 25-րդ կետերը, թիվ 2¹ -2⁵  և N 2⁶  հավելվածները.

2) որոշմամբ հաստատված թիվ 1 հավելվածի՝

ա. 2-րդ կետի 1-ին պարբերությունում «մշտական հաշվառում ունեցող» բառերը փոխարինել «հաշվառված» բառով,

բ. 2-րդ կետի 1-ին ենթակետում «հաշմանդամության զինվորական կենսաթոշակի իրավունք ունեցող» բառերը փոխարինել «Լեռնային Ղարաբաղի Հանրապետության պաշտպանության ժամանակ կամ Լեռնային Ղարաբաղի Հանրապետության պաշտպանության, ոստիկանության, ազգային անվտանգության և արտակարգ իրավիճակների հանրապետական գործադիր մարմիններում (այսուհետ՝ համապատասխան մարմիններ) զինվորական ծառայության ընթացքում հաշմանդամ դարձած» բառերով,

գ. 2-րդ կետի 2-րդ ենթակետում «ծառայողական պարտականությունների կատարման ժամանակ» բառերը փոխարինել «Լեռնային Ղարաբաղի Հանրապետության պաշտպանության ժամանակ կամ համապատասխան մարմիններում զինվորական ծառայության ընթացքում» բառերով,

դ. 2-րդ կետի 3-րդ, 4-րդ, և 5-րդ ենթակետերը շարադրել հետևյալ խմբագրությամբ.

«3) Հայրենական մեծ պատերազմում մարտական գործողություններին մասնակցելու հետևանքով հաշմանդամ դարձած անձը, ինչպես նաև Հայրենական մեծ պատերազմի մարտական գործողությունների այն մասնակիցը, ով հաշմանդամ է դարձել հետագայում (այսուհետ՝ Հայրենական մեծ պատերազմի հաշմանդամ).

4) ԽՍՀՄ զինված ուժերի, պետական անվտանգության կոմիտեի և ներքին գործերի նախարարության համակարգերի (այսուհետ՝ ԽՍՀՄ զինված ուժեր) կազմում այլ պետություններում մարտական գործողություններին մասնակցելու հետևանքով հաշմանդամ դարձած անձը, ԽՍՀՄ զինված ուժերի կազմում ծառայողական պարտականությունները կատարելիս հաշմանդամ դարձած անձը, ինչպես նաև Չեռնոբիլի ԱԷԿ-ի վթարի հետևանքների վերացման աշխատանքներին մասնակցելու հետևանքով հաշմանդամ դարձած անձը (այսուհետ՝ Հայրենական մեծ պատերազմի հաշմանդամներին հավասարեցված անձ).

5) Հայրենական մեծ պատերազմի մարտական գործողությունների մասնակիցը (այսուհետ՝ Հայրենական մեծ պատերազմի մասնակից),»,

ե. 2-րդ կետում լրացնել հետևյալ բովանդակությամբ 5.1-ին, 5.2-րդ և 5.3-րդ ենթակետեր.

«5.1) ԽՍՀՄ զինված ուժերի կազմում այլ պետություններում մարտական գործողությունների մասնակիցը (այսուհետ՝ Հայրենական մեծ պատերազմի մասնակցին հավասարեցված անձ),

5.2) Հայրենական մեծ պատերազմում մարտական գործողությունների ժամանակ կամ Հայրենական մեծ պատերազմում մարտական գործողություններին մասնակցելու հետևանքով զոհված զինծառայողի ամուսինը (այսուհետ՝ Հայրենական մեծ պատերազմում զոհված զինծառայողի ընտանիքի անդամ),

5.3) ԽՍՀՄ զինված ուժերի կազմում այլ պետություններում մարտական գործողությունների ժամանակ կամ ԽՍՀՄ զինված ուժերի կազմում ծառայողական պարտականությունները կատարելիս զոհված զինծառայողի ամուսինը, իսկ ամուսնացած չլինելու դեպքում կամ եթե ամուսինը մահացած է՝ մայրը, մոր բացակայության դեպքում՝ հայրը (այսուհետ՝ Հայրենական մեծ պատերազմում զոհված զինծառայողի ընտանիքի անդամին հավասարեցված անձ),»,

զ. լրացնել հետևյալ բովանդակությամբ 2.1-ին և 2.2-րդ կետեր.

«2.1. Սույն կարգի իմաստով՝ հաշմանդամ զինծառայող է համարվում նաև այն անձը, ով՝

1) հաշմանդամ է ճանաչվել համապատասխան մարմիններում զինվորական ծառայությունից սահմանված կարգով արձակվելուց հետո հինգ տարվա ընթացքում, սակայն զինվորական ծառայության ժամանակ ծագած հիվանդության, ստացած վնասվածքի կամ խեղման հետևանքով.

2) հաշմանդամ է ճանաչվել համապատասխան մարմիններում զինվորական ծառայությունից սահմանված կարգով արձակվելուց հինգ տարի հետո, սակայն զինվորական ծառայության ժամանակ ստացած վնասվածքի կամ խեղման հետևանքով։

2.2. Սույն կարգի իմաստով՝ զոհված զինծառայողի ընտանիքի անդամ է համարվում նաև՝

1) զինծառայությունից սահմանված կարգով արձակված և, անկախ ժամանակաշրջանից, մահացած այն անձի ընտանիքի անդամը, որի մահվան պատճառը Լեռնային Ղարաբաղի Հանրապետության պաշտպանության ժամանակ կամ համապատասխան պետական մարմիններում զինվորական ծառայության ընթացքում ստացած վնասվածքն է, խեղումը կամ առաջացած հիվանդությունը.

2) Լեռնային Ղարաբաղի Հանրապետության պաշտպանության ժամանակ կամ համապատասխան պետական մարմիններում զինվորական ծառայության ընթացքում ծառայողական պարտականությունները կատարելիս անհայտ կորած զինծառայողի ընտանիքի անդամը։»,

է. 5-րդ կետում «Զոհված զինծառայողների և Հայրենական մեծ պատերազմում զոհվածների» բառերը փոխարինել «Սույն կարգի 2-րդ կետի 2-րդ և 5.3-րդ ենթակետերում նշված» բառերով,

ը. 7-րդ կետի 1-ին պարբերությունում «սոցիալական ապահովության քարտն ու դրա պատճենը (կամ Լեռնային Ղարաբաղի Հանրապետության աշխատանքի և սոցիալական հարցերի նախարարության կողմից՝ Լեռնային Ղարաբաղի Հանրապետության օրենսդրությամբ սահմանված կարգով տրամադրված՝ սոցիալական ապահովության քարտ չունենալու մասին տեղեկանքը)» բառերը փոխարինել «հանրային ծառայությունների համարանիշն ու դրա պատճենը կամ հանրային ծառայությունների համարանիշ չստանալու մասին տեղեկանքը» բառերով,

թ. 7-րդ կետի 1-ին ենթակետում «ՀՄՊ հաշմանդամներն ու նրանց» բառերը փոխարինել «Հայրենական մեծ պատերազմի հաշմանդամներն ու Հայրենական մեծ պատերազմի հաշմանդամներին» բառերով,

ժ. 7-րդ կետի 2-րդ ենթակետից հանել «ծառայողական պարտականությունների կատարման ժամանակ» բառերը, նույն ենթակետում «3-րդ» բառը փոխարինել «1-ին» բառով, իսկ «վճռի պատճենը»՝ «վճիռն ու դրա պատճենը, կամ մահվան պատճառական կապի մասին բժշկասոցիալական փորձաքննության ոլորտում իրավասու պետական մարմնի տված տեղեկանքն ու դրա պատճենը» բառերով,

ժա. 7-րդ կետի 3-րդ ենթակետում «ՀՄՊ-ում զոհվածների ընտանիքների անդամները» բառերը փոխարինել «Հայրենական մեծ պատերազմում զոհված զինծառայողների ընտանիքների անդամներն ու Հայրենական մեծ պատերազմում զոհված զինծառայողների ընտանիքների անդամներին հավասարեցված անձինք» բառերով, նույն ենթակետում «ժամանակ» բառից հետո լրացնել «կամ ծառայողական պարտականությունները կատարելիս» բառերը,

ժբ. 7-րդ կետի 4-րդ ենթակետում «ՀՄՊ մասնակիցներն ու նրանց հավասարեցված անձինք՝ զինկոմիսարիատից կամ սույն կարգի 2-րդ կետի 3-րդ» բառերը փոխարինել «Հայրենական մեծ պատերազմի մասնակիցներն ու Հայրենական մեծ պատերազմի մասնակիցներին հավասարեցված անձինք՝ սույն կարգի 2-րդ կետի 1‑ին» բառերով,

ժգ. 10-րդ կետի 1-ին ենթակետում «ապրիլի 25-ը» բառերը փոխարինել «ապրիլի 20-ը» բառերով,

ժդ. 14-րդ կետի 5-րդ ենթակետից և 17-րդ կետից հանել «մշտական» բառը.

3) որոշմամբ հաստատված թիվ 2 հավելվածի 1-ին կետը շարադրել հետևյալ խմբագրությամբ.

«1. Միանվագ դրամական օգնությունը նշանակվում և վճարվում է հետևյալ չափերով.

4) որոշմամբ հաստատված թիվ 3 հավելվածում «Սոցիալական ապահովության քարտի համարը» բառերը փոխարինել «Հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը» բառերով, նույն հավելվածում «նշանակել» բառից հետո լրացնել «Լեռնային Ղարաբաղի Հանրապետության կառավարության 2009 թվականի մարտի 6-ի N 133-Ն որոշմամբ սահմանված՝ հիշարժան օրերի կապակցությամբ տրվող» բառերը.

5) որոշմամբ հաստատված թիվ 4 հավելվածի 1-ին կետում «Սոցիալական ապահովության քարտի համարը» բառերը փոխարինել «Հանրային ծառայությունների համարանիշը կամ հանրային ծառայությունների համարանիշ չստանալու մասին տեղեկանքի համարը» բառերով.

6) որոշմամբ հաստատված թիվ 6 և թիվ 7 հավելվածները շարադրել նոր խմբագրությամբ՝ համաձայն N 1 և N 2 հավելվածների։

2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը։

ՊԱՀԱՆՋԱԳԻՐ

20__ թվականին ______________կապակցությամբ վճարվելիք միանվագ դրամական

օգնության (տարածքային մարմինը՝ ___________)

ՀԱՇՎԵՏՎՈՒԹՅՈՒՆ

20___ թվականին ________ կապակցությամբ վճարված միանվագ դրամական օգնության

(տարածքային մարմինը՝ _________________)