Ղեկավարվելով «Քաղաքացիական ծառայության մասին» Լեռնային Ղարաբաղի Հանրապետության օրենքի 21-րդ հոդվածի 5-րդ մասի պահանջով` Լեռնային Ղարաբաղի Հանրապետության քաղաքացիական ծառայության խորհուրդը ո ր ո շ ու մ է.

Լեռնային Ղարաբաղի Հանրապետության քաղաքացիական ծառայության խորհրդի 2004թ. օգոստոսի 26-ի «Քաղաքացիական ծառայության կադրերի ռեզերվում գրանցելու և կադրերի ռեզերվից հանելու կարգը սահմանելու մասին» թիվ 14 որոշման մեջ կատարել հետևյալ լրացումներն ու փոփոխությունները.

որոշմամբ հաստատված հավելվածի`

1) 6-րդ կետի «ա» ենթակետը շարադրել հետևյալ խմբագրությամբ.

«ա) հաստիքների կրճատման, համապատասխան մարմնի լուծարման հիմքերով քաղաքացիական ծառայության պաշտոնից ազատված անձինք.»

2) 6-րդ կետը լրացնել հետևյալ բովանդակությամբ` «դ» ենթակետով.

«դ) Օրենքի 29-րդ հոդվածի 2-րդ մասով նախատեսված դեպքում քաղաքացիական ծառայության պաշտոնում չնշանակված անձինք:».

3) 9-րդ կետի «գ» ենթակետի «հայեցողական» բառից հետո ավելացնել «քաղաքացիական» բառը.

4) ուժը կորցրած ճանաչել 9-րդ կետի «ժգ» և «ժդ» ենթակետերը.

5) 10-րդ կետի «բ» ենթակետի «հայեցողական» բառից հետո ավելացնել «կամ քաղաքացիական» բառերը.

6) 10-րդ կետը լրացնել հետևյալ բովանդակությամբ` «դ» ենթակետով.

«դ) ժամանակավոր անաշխատունակության հետևանքով մեկ տարվա ընթացքում ավելի քան վեց ամիս աշխատանքի չներկայանալու (չհաշված հղիության և ծննդաբերության արձակուրդը) հիմքով քաղաքացիական ծառայության պաշտոնից ազատված անձինք:».

7) 11-րդ կետը շարադրել հետևյալ խմբագրությամբ.

«11. Սույն կարգի 10-րդ կետով սահմանված կադրերի երկարաժամկետ ռեզերվում գրանցելու հիմքերի առկայության դեպքում գրանցման ենթակա անձը այդ հիմքի ի հայտ գալու օրվանից հետո երեք աշխատանքային օրվա ընթացքում դիմում է խորհուրդ, կադրերի երկարաժամկետ ռեզերվում գրանցելու համար` լրացնելով քաղաքացիական ծառայողի համար նախատեսված անձնական թերթիկ և ներկայացնելով անձնագրի, կրթությունը հավաստող փաստաթղթի, աշխատանքային գրքույկի պատճենները, ինչպես նաև երկու լուսանկար:».

8) 13-րդ կետի «տասնօրյա» բառը փոխարինել «տասնհինգօրյա» բառով: