ք. Ստեփանակերտ

Ղեկավարվելով Լեռնային Ղարաբաղի Հանրապետության հողային օրենսգրքի 6-րդ գլխի, Լեռնային Ղարաբաղի Հանրապետության կառավարության 2002 թվականի սեպտեմբերի 17-ի «Հողային պաշարների պետական կառավարման լիազոր մարմիններ սահմանելու մասին» թիվ 227 որոշման պահանջներով`

1. Հաստատել «Գծային ինժեներական ենթակառուցվածքների նկատմամբ գույքային իրավունքների պետական գրանցման հրահանգ»-ը` համաձայնեցված Լեռնային Ղարաբաղի Հանրապետության տարածքային կառավարման և ենթակաոուցվածքների զարգացման նախարարության, Լեռնային Ղարաբաղի Հանրապետության կառավարությանն առընթեր ջրային տնտեսության պետական կոմիտեի հետ, համաձայն հավելվածի:

2. Սույն հրամանը սահմանված կարգով ներկայացնել Լեռնային Ղարաբաւլի Հանրապետության արդարադատության նախարարություն` պետական գրանցման:

3. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրվանից:

1. Սույն հրահանգով սահմանվում են ինժեներական ենթակառուցվածքների`

ա/ էլեկտրահաղորդման և կապի համակարգերի /այդ թվում` օդային և ստորգետնյա մալուխային գծերի/ և դրանց հենասյուների,

բ/ ջրարբիացման, ջրամատակարարման և ջրահեռացման համակարգերի,

գ/ գազատարների և ջերմամատակարարման համակարգերի,

դ/ ոռոգման համակարգերի,

ե/ ջրամբարների նկատմամբ`

գույքային իրավունքների, այդ թվում` օրենքով սահմանված անվճար, հարկադիր և մշտական սերվիտուտների պետական գրանցման առանձնահատկություններն անկախ սեփականության իրավունքի սուբյեկտներից:

2. Գծային ինժեներական ենթակառուցվածքների հետ շահագործման և տեխնոլոգիական պայմաններով անմիջականորեն կապված շինությունների նկատմամբ գույքային իրավունքները գրանցվում են ենթակառուցվածքների հետ միասին /միաժամանակ/` որպես անշարժ գույքի միավորներ:

3. Սույն հրահանգի գործողությունը չի տարածվում տրանսպորտային ենթակառուցվածքների` ավտոմոբիլային ճանապարհների և երկաթգծերի նկատմամբ գույքային իրավունքների պետական գրանցման վրա:

4. Առանձին կանգնած շենքերի, շինությունների նկատմամբ գույքային իրավունքների պետական գրանցումն իրականացվում է սահմանված կարգով:

5. Գծային ինժեներական ենթակառուցվածքների /այսուհետև` անշարժ գույքի միավոր/ նկատմամբ գույքային իրավունքների պետական գրանցման համար դրանց տնօրինողները /սեփականատերերը կամ նրանց կողմից լիազորված անձինք/ կոմիտեի համապատասխան տարածքային ստորաբաժանում են ներկայացնում`

ա/ դիմում` նշելով ենթակառուցվածքները և այն շինությունները, որոնց նկատմամբ պետք է իրականացվի գույքային իրավունքների պետական գրանցում, որպես անշարժ գույքի միավոր,

բ/ ենթակառուցվածքների ծրագրերի հատակագծերը, որոնց վրա ցույց են տրվում դրանց անվտանգության /պահպանական/ գոտիները` ըստ անհրաժեշտության սերվիտուտներ սահմանելու նպատակով, համաձայնեցված համայնքի ղեկավարի /համայնքների ղեկավարների/, Ստեփանակերտ քաղաքում` Ստեփանակերտի քաղաքապետի, համայնքների վարչական սահմաններից դուրս գտնվող ենթակառուցվածքների դեպքում` շրջանի վարչակազմի ղեկավարի հետ, ինչպես նաև ըստ անհրաժեշտության, ենթակառուցվածքների հետ նույն միավորի կազմում գտնվող շենքերը, շինությունները:

Ներկայացվող հատակագծերի և քարտեզների մասշտաբներն ընտրվում են ըստ նպատակահարմարության` կախված գրանցման ենթակա ենթակառուցվածքների չափերից:

6. Սույն հրահանգի իմաստով անշարժ գույքի միավորներ են համարվում`

1/ Էլեկտրաէներգիայի արտադրման և տեղափոխման համակարգերի համար`

ա/ էլեկտրակայաններ

բ/ ենթակայաններ

գ/ էլեկտրահաղորդման գծեր և դրանց հենասյուներ

դ/ դերիվացիոն ջրանցքներ:

2/ Կապի համակարգերի համար`

կապի վերգետնյա և ստորգետնյա մալուխային գծեր և դրանց հենասյուներ /հեռախոսի, ռադիոհաղորդման, հեռագրային, հեռահաղորդման, ազդանշանային, հեռակառավարման և այլն/:

3/ Գազամատակարարման համակարգերի համար`

ա/ գազատեղափոխման համակարգ` մայրուղային գազատարներ /խողովակաշար, փականային հանգույցներ, կոնդենսատորներ, մոմեր, հաշվիչ հանգույցներ, էլեկտրաքիմիական պաշտպանության օբյեկտներ/

բ/ գազաբաշխման կայաններ

գ/ գազի ստորգետնյա պահեստարան-կայան

դ/ գազաբաշխիչ համակարգ' բարձր, միջին և ցածր ճնշման խողովակաշարեր, գազակարգավորիչ կետեր, էլեկտրաքիմիական պաշտպանության օբյեկտներ

ե/ գազիֆիկացման և գազամատակարարման մասնաճյուղեր:

4/ Ջերմամատակարարման համակարգերի համար`

ա/ կաթսայատներ

բ/ մինչև շենքերի մուտքերը ձգվող ջերմամատակարարման խողովակաշարեր:

5/ Ջրարբիացման, ջրամատակարարման համակարգերի համար`

ա/ ջրառի կառույց

բ/ մինչև օրվա կարգավորման ջրամբար մտնող մայրուղային խողովակաշարեր և դրանց շահագործման համար նախատեսված պոմպակայաններ

գ/ օրվա կարգավորման ջրամբարներ, մինչև բակային պոմպակայանները և (կամ) սահմանազատման կետերը հասնող խողովակաշարեր, ինչպես նաև ջրի մաքրման կայաններ, քլորակայաններ, ջրաչափման հանգույցներ, բակային պոմպակայաններ, սահմանազատման կետեր /մուտքագծերի ջրաչափեր/:

6/ Ջրահեոացման համակարգերի համար`

ա/ տնտեսական, արդյունահանման և անձրևաջրերի կոյուղի /այդ թվում` կոլեկտորներ/

բ/ ջրահեռացման ցանցեր

գ/ դրենաժներ

դ/ մաքրման կայաններ:

7/ Ոռոգման համակարգերի համար`

ա/ մայր ջրանցքներ

բ/ միջտնտեսային ոռոգման ջրանցքներ

գ/ ներտնտեսային և բաժանարար ջրանցքներ, խորքային հորեր

դ/ ոռոգման ներքին ցանցեր

ե/ ոռոգման և չորացման փակ ցանցեր և ղրանց վրայի հորեր և հիդրատներ:

7. Սույն ենթակետին համապատասխան հողամասերի նկատմամբ իրավունք հաստատող փաստաթղթեր պահանջվում են անշարժ գույքի միավորների կազմում գտնվող հետևյալ ենթակառուցվածքների համար`

ա/ ջրամբար

բ/ մայր և միջտնտեսային ոռոգման ջրանցք

գ/ ներտնտեսային և բաժանարար ջրանցք

դ/ պոմպակայան, բացառությամբ ջրամատակարարվող շենքերի նկուղներում տեղադրված պոմպերի

ե/ օրվա կարգավորիչ ջրամբար

զ/ ջրառի կառույց

է/ խորքային հոր

ը/ դերիվացիոն ջրանցք

թ/ գազատեղափոխման խողովակաշար /եթե դրանք անցնում են պետական սեփականության հողերով/

ժ/ էլեկտրակայան և ենթակայան

ի/ մաքրման կայան

լ/ գազաբաշխիչ և գազամբարման կայաններ

խ/ գազի ստորգետնյա պահուստային կայան

ծ/ առանձին կանգնած շենքեր և շինություններ:

8. Սույն ենթակետին համապատասխան` սահմանափակ հողօգտագործման /սերվիտուտի/ իրավունք ծագում է հետևյալ ենթակառուցվածքների համար`

ա/ ոռոգման ներքին ցանց

բ/ կոլեկտոր

գ/ ոռոգման և չորացման փակ ցանց և դրա վրա հորեր

դ/ հիդրանտ ոռոգման ցանցի

ե/ բարձր, միջին և ցածր ճնշման բաց և փակ խողովակաշարեր /ջրամատակարարման, կոյուղու, ջերմամատակարարման, գազաբաշխման, տրանսպորտային/

զ/ գազակարգավորիչ կետեր

է/ արտեզյան հոր

ը/ վերեկրյա և ստորգետնյա էլեկտրագծեր և դրանց հենասյուներ

թ/ կապի վերերկրյա և ստորգետնյա մալուխներ և ղրանց հենասյուներ

ժ/ կոյուղու և փողոցային ջրահեռացման ցանցեր:

9. Եթե անշարժ գույքի միավորները տեղակայված են մեկից ավելի տարածքային ստորաբաժանումների սպասարկման կադաստրային տարածքներում, իրավունքների պետական գրանցումն իրականացվում է կոմիտեի նախագահի հրամանով` մեկ տարածքային ստորաբաժանման կողմից:

10. Ներկայացված փաստաթղթերի հիման վրա տարածքային ստորաբաժանումն ըստ անհրաժեշտության իրականացնում է ենթակառուցվածքների հետ նույն գույքային համալիրների /օբյեկտի/ կազմում գտնվող շենքերի, շինությունների և համապատասխան հողամասերի չափագրումը և ուրվագծերի կազմումը:

11. Պետական գրանցումն իրականացվում է համապատասխան իրավունքի սուբյեկտի պետական գրանցման միասնական մատյանի թերթիկում, ըստ հերթականության.

«Անշարժ գույքի միավորի նկարագիրը» բաժնի ենթաբաժինների սյունակները լրացվում են

Ենթաբաժին 1.1. «Հողամաս» /հողհատկացման առկայության դեպքում/`

ա/ կադաստրային ծածկագիրը /համարը/ - կադաստրային քարտեզագրման արդյունքում տրված ծածկագիրը,

բ/ գտնվելու վայրը /հասցեն/ - նշվում է շրջան, համայնք, փողոց, տեղամասի անվանումը և այլն,

գ/ նպատակային նշանակությունը - նշվում է էներգետիկայի, կապի, տրանսպորտի, կոմունալ ենթակառուցվածքների օբյեկտների հողեր,

դ/ օգտագործման նպատակը - նշվում է հողամասի գործառնական նշանակությունը էներգետիկայի, կոմունալ ենթակառուցվածքների, կապի և այլն,

ե/ ընդհանուր մակերեսը /քառ.մ./ - նշվում է հեկտարով /հա/, այղ թվում` ըստ հողատեսքերի, սյունակի վերնագրում /քառ.մ./ բառերը ջնջել և փոխարինել »հա« բառով,

զ/ կադաստրային արժեքը /հազ.դրամ/ - նշվում է կադաստրային գնահատման արդյունքում հաշվարկված արժեքը` ՀՀ դրամով,

Ենթաբաժին 1.2. «Շենք»`

ա/ կադաստրային ծածկագիրը /համարը/ - կադաստրային քարտեզագրման արդյունքում տրված ծածկագիրը,

բ/ նպատակային նշանակությունը - նշվում է շենքի գործառնական նշանակությունը` էներգետիկայի, կապի և այլն,

գ/ օգտագործման նպատակը /անվանումը/ - նշվում է պոմպակայան, գազի բաշխիչ կայան և այլն,

դ/ ընդհանուր բնութագիրը - 4-14-րդ սյունակներում նշվում են հարկայնությունը, ծածկը, ավարտվածության աստիճանը, տեղադրությունը /գոտիականությունը/, վնասվածության աստիճանը, կառուցման տարեթիվը և այլն,

ե/ ընդհանուր մակերեսը /քառ.մ./ - նշվում է արտաքին և ներքին մակերեսը քառակուսի մետրով, այդ թվում` օժանդակ,

զ/ կադաստրային արժեքը /հազ.դրամ/ - նշվում է կադաստրային գնահատման արդյունքում հաշվարկված արժեքը` ՀՀ դրամով:

Ենթաբաժին 1.3. «Շինություն»`

ա/ կադաստրային ծածկագիրը /համարը/ - կադաստրային քարտեզագրման արդյունքում տրված ծածկագիրը,

բ/ օգտագործման նպատակը /անվանումը/ - էլեկտրահաղորդման օդային գիծ, կապի ստորգետնյա մալուխ, խմելու ջրի խողովակաշար, ջրանցք, գազատար և այլն,

գ/ ընդհանուր բնութագիրը - նշվում է շինանյութը, ծածկը, հարկայնությունը, ավարտվածության աստիճանը, տեղադրությունը /գոտիականությունը/, կառուցման տարեթիվը և այլն,

դ/ ընդհանուր մակերեսը /քառ.մ./ - նշվում է շինության արտաքին և ներքին մակերեսը քառակուսի մետրերով և /կամ/ ծրագրի ընդհանուր երկարությունը` կիլոմետրերով,

ե/ կադաստրային արժեքը /հազ.դրամ/ - նշվում է կադաստրային գնահատման արդյունքում հաշվարկված արժեքը` ՀՀ դրամով:

«Անշարժ գույքի միավորների նկատմամբ իրավունքները» բաժնի ենթաբաժինների սյունակները լրացվում են`

Ենթաբաժին 2.1. «Հողամաս»`

ա/ սեփականատիրոջ /օգտագործողի/ անունը /անվանումը/ - ենթակառուցվածքները տնօրինողների /սեփականատերերի, կառավարման լիազոր մարմինների/ անվանումները.

բ/ բնակության /գտնվելու/ վայրը - նշվում է պետական գրանցման սուբյեկտի հասցեն,

գ/ իրավունքի տեսակը, գործողության ժամկետը — նշվում է սեփականություն, անհատույց օգտագործում, վարձակալություն և այլն, և ժամկետը.

դ/ համասեփականատերերի թիվը, բաժնեմասի չափը - նշվում է 100%,

ե/ իրավունքը հաստատող փաստաթուղթը և ամիս-ամսաթիվը - նշվում են սույն հրահանգում նշված փաստաթղթերը,

զ/ իրավունքի դադարումը հաստատող փաստաթուղթը և ամիս-ամսաթիվը - նշվում է իրավունքի դադարման դեպքում դրա հիմքը:

Ենթաբաժին 2.2. «Շենք» և ենթաբաժին 2.3. «Շինություն»` սյունակները լրացվում են «Անշարժ գույքի միավորների նկատմամբ իրավունքները» բաժնի «Հողամաս» ենթաբաժնի սյունակների լրացման կարգին համապատասխան:

12. Սույն հրահանգի 6-րդ կետին համապատասխան, հողհատկացում չպահանջող ենթակառուցվածքների /շինությունների/ պահպանման, սպասարկման և անվտանգ շահագործման համար ծագող սերվիտուտները գրանցելիս սեփականության /օգտագործման/ իրավունքի գրանցման վկայականի ներդիրում որպես շինություն գրանցվող ենթակառուցվածքի ծրագրի երկայնքով ցույց են տրվում միայն այն հողամասերը /համապատասխան կոդերով/, որոնց նկատմամբ ծագում է սերվիտուտ /համապատասխան նորմատիվներով սահմանված գոտիներով/ /սերվիտուտի գոտու լայնությունը ներդիրում ցույց է տրվում 1:50-1:100 մասշտաբի գծագրի վրա` առանձին հատվածով/:

13. Եթե սերվիտուտով ծանրաբեռնված հողամասերի նկատմամբ արդեն գրանցված են գույքային իրավունքներ, ապա տարածքային ստորաբաժանումը, սերվիտուտի իրավունքի պետական գրանցումից հետո, ենթակառուցվածքը տնօրինող /շահագործող/ մարմնին է ներկայացնում համապատասխան տեղեկատվություն` հողամասերի սեփականատերերին` նրանց հողամասի նկատմամբ օրենքի ուժով ձեռք բերված անվճար, հարկադիր և մշտական սերվիտուտի մասին իրազեկելու նպատակով:

14. Սերվիտուտի իրավունքի պետական գրանցումն իրականացվում է իրավունքների պետական գրանցման միասնական մատյանի գույքի սեփականատիրոջ գրանցման թերթիկի «Սերվիտուտ. իրավունքի ձեռքբերում և դադարում» ենթաբաժնում, որտեղ ըստ սյունակների լրացվում են`

ա/ սերվիտուտի իրավունքից օգտվողի ազգանունը, անունը /անվանումը/, բնակության /գտնվելու/ վայրը - նշվում է այն անձի անվանումը, ում օգտին տրվել է սերվիտուտի իրավունքը, և հասցեն,

բ/ սերվիտուտի առարկան - նշվում է ենթակառուցվածքի /գազատար, էլեկտրահաղորդման գիծ, կապի մալուխ, խմելու ջրի խողովոկաշար, ներտնտեսային ոռոգման ցանց և այլն/ պահպանման, սպասարկման և անվտանգ շահագործման համար սերվիտուտով տրված իրավունքը.

գ/ սերվիտուտի պայմանագրի կնքման ամիս-ամսաթիվը, համարը-նշվում է ԼՂՀ քաղաքացիական օրենսգրքի 212-րդ հոդվածի 3¹  կետը,

դ/ սերվիտուտի գործողության ժամկետը - նշվում է մշտական և անվճար,

ե/ իրավունքի դադարումը հաստատող փաստաթղթի անվանումը, ամիս-ամսաթիվը - նման փաստաթղթի առկայության դեպքում նշվում է իրավունքի դադարման վերաբերյալ պայմանագրի, կողմերի համաձայնության նոտարական վավերացման, դատարանի վճռի, որոշման ամիսը, անմսաթիվը, տարեթվերը և համարը:

15. Սույն հրահանգի 12-րդ կետով սահմանված կարգով է իրականացվում նաև սերվիտուտների գրանցումը այն հողամասերի նկատմամբ, որոնց սեփականատերերը նոր են դիմել իրավունքների պետական գրանցման խնդրով:

16. Սերվիտուտի իրավունքի պետական գրանցումից հետո ենթակառուցվածքի /օբյեկտի/ սեփականատիրոջ /կառավարման լիազոր մարմնի/ անվամբ իրավունքի պետական գրանցման միասնական մատյանի համապատասխան թերթիկում սահմանված կարգով կատարվում է գույքի նկատմամբ իրավունքների պետական գրանցում, որից հետո տրվում է անշարժ գույքի սեփականության /օգտագործման/ իրավունքի գրանցման վկայական:

17. Գրանցման թերթիկի և իրավունքի գրանցման վկայականի »Լրացուցիչ տեղեկություններ« բաժնում կատարվում է լրացում սերվիտուտի իրավունքի գրանցման վերաբերյալ` նշելով պետական գրանցման միասնական մատյանի և գրանցման թերթիկի համարը, որտեղ գրանցված է սերվիտուտը:

18. Գույքային իրավունքների պետական գրանցումից հետո տարածքային ստորաբաժանումը կոմիտեի նախագահի 17.06.2004թ. թիվ 32-Կ հրամանով հաստատված հրահանգի համաձայն համապատասխան փոփոխություններ /լրացումներ/ է կատարում կադաստրային քարտեզում քարտեզներում/ և կատարված փոփոխությունները սահմանված կարգով ու ժամկետներում փոխանցում է կոմիտեի տեղեկատվական կենտրոնին` կցելով համապատասխան հատակագծի /հանույթ/ պատճենը:

19. Եթե ենթակաոուցվածքը /անշարժ գույքի օբյեկտը/ տեղակայված է մեկից ավելի տարածքային ստորաբաժանումների սպասարկման տարածքներում, գրանցումն իրականացրած ստորաբաժանումը սեփականության /օգտագործման/ իրավունքի գրանցման վկայականի պատճենը համապատասխան ներդիրներով, իրավունքի պետական գրանցումից հետո եռօրյա ժամկետում փոխանցում է ենթակառուցվածքի տեղակայման տարածքային ստորաբաժանմանը /ստորաբաժանումներին/` սույն հրահանգի 16-րդ կետով սահմանված գործառույթների իրականացման համար:

20. Տեղեկատվական կենտրոնը ստացված փաստաթղթերի հիման վրա սահմանված կարգով փոփոխություններ /լրացումներ/ է կատարում կադաստրային քարտեզների էլեկտրոնային /թվային/ տարբերակներում: