ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2007 թվականի

դեկտեմբերի 12-ին

«ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅՈՒՆՈՒՄ ՍՏՈՒԳՈՒՄՆԵՐԻ ԿԱԶՄԱԿԵՐՊՄԱՆ ԵՎ ԱՆՑԿԱՑՄԱՆ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Լեռնային Ղարաբաղի Հանրապետությունում ստուգումների կազմակերպման և անցկացման մասին» Լեռնային Ղարաբաղի Հանրապետության օրենքի (30 նոյեմբերի 2000 թվականի, ՀՕ-119, այսուհետ՝ օրենք) 1-ին հոդվածում`

ա) 3-րդ կետի 2-րդ և 3-րդ պարբերություններից հանել «սոցիալական ապահովագրության» բառերը.

բ) 4-րդ կետի «ապահովագրության» բառը փոխարինել «ապահովության» բառով.

գ) 6-րդ կետի երկրորդ պարբերությունն ուժը կորցրած ճանաչել:

Հոդված 2. Օրենքի 2-րդ հոդվածի 1-ին կետի «Լեռնային Ղարաբաղի Հանրապետության պետական կենսաթոշակային և զբաղվածության հիմնադրամը» բառերը փոխարինել «կենսաթոշակային ապահովության ոլորտում Լեռնային Ղարաբաղի Հանրապետության կառավարության լիազոր պետական մարմինը» բառերով:

Հոդված 3. Օրենքի 3-րդ հոդվածի`

ա) 2-րդ կետի 2-րդ պարբերությունում և 3-րդ կետում «դիլերների» բառից հետո լրացնել «-բրոքերների» բառով.

բ) 3-րդ կետում «ապահովագրության» բառը փոխարինել «ապահովության» բառով և հանել «, ապահովագրական գործունեություն իրականացնողների գործունեության նկատմամբ իրականացվող ստուգումների» բառերը:

Հոդված 4. Օրենքի 7-րդ հոդվածը լրացնել հետևյալ բովանդակությամբ «ժա» կետով.

«ժա) ստուգման ցանկացած փուլում առանձին հարցերի պարզաբանման նպատակով ստուգմանը ներգրավել տնտեսվարող սուբյեկտի կողմից իրականացվող տնտեսական գործունեության ոլորտի համապատասխան մասնագետների, թարգմանիչների և փորձագետների:»:

Հոդված 5. Օրենքի 12¹-րդ հոդվածն ուժը կորցրած ճանաչել:

Հոդված 6. Սույն օրենքն ուժի մեջ է մտնում 2008 թվականի հունվարի 1-ից: