ք.Ստեփանակերտ

Ղեկավարվելով «Պետական վիճակագրության մասին» Լեռնային Ղարաբաղի Հանրապետության օրենքի 10-րդ հոդվածի երրորդ մասի «ե» կետով` Լեռնային Ղարաբաղի Հանրապետության վիճակագրության պետական խորհուրդը որոշում է.

հաստատել «Բնակչության միջոցների հաշվին շենքերի և շինությունների գործարկման մասին» Ձև ԲՄՇ (եռամսյակային) պետական վիճակագրական հաշվետվության ձևը և լրացման հրահանգը` համաձայն հավելվածի:

1. Սույն հրահանգով սահմանվում է «Բնակչության միջոցների հաշվին շենքերի և շինությունների գործարկման մասին» Ձև ԲՄՇ (եռամսյակային) պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացվում է համաձայն «Պետական վիճակագրության մասին» Լեռնային Ղարաբաղի Հանրապետության օրենքի, օրենքով սահմանված կարգով` Լեռնային Ղարաբաղի Հանրապետության վիճակագրության պետական խորհրդի կողմից հաստատված «Պետական վիճակագրական աշխատանքների ծրագրի» և Լեռնային Ղարաբաղի Հանրապետության վիճակագրության պետական խորհրդի 2003 թվականի հոկտեմբերի 17-ի «Վիճակագրական տեղեկությունների ներկայացման կարգը հաստատելու մասին» N 5 որոշման:

3. Տրամադրված տեղեկությունների գաղտնիությունը երաշխավորվում է Լեռնային Ղարաբաղի Հանրապետության օրենսդրությամբ:

4. Հաշվետվությունը լրացնում են Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի տարածքային ստորաբաժանումները, որոնք այդ մասին նախապես իրազեկվում են:

5. Հաշվետվության կազմման համար հիմք են հանդիսանում շենքի տեխնիկական անձնագրի տվյալները, որը կազմվում է քաղաքային և գյուղական համայնքներում կառուցված յուրաքանչյուր շենքի համար` գործող կարգով ձևակերպված շինարարության ավարտական ակտի տվյալների հիման վրա:

6. Հաշվետվությունը ներկայացվում է Լեռնային Ղարաբաղի Հանրապետության ազգային վիճակագրական ծառայության տարածքային բաժին` մինչև հաշվետու ժամանակաշրջանին հաջորդող ամսվա 10-ը:

7. Հաշվետվությունում արտացոլվող ցուցանիշները լրացվում են աճողական կարգով:

8. Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն` օրենքով սահմանված կարգով:

9. Վիճակագրական տեղեկությունների ներկայացման հետ կապված այլ խնդիրները կարգավորվում են Լեռնային Ղարաբաղի Հանրապետության օրենսդրությամբ:

II. ԼՐԱՑՄԱՆ ԿԱՐԳԸ

10. Հաշվետվությունում լրացվում են բնակչության սեփական միջոցների և բանկերի կողմից տրամադրված վարկերի հաշվին քաղաքներում, գյուղական վայրերում կառուցված (այդ թվում` վաճառքի համար նախատեսված) բնակելի շենքերի, ինչպես նաև վաղօրոք կառուցված բնակելի շենքերին կից շինությունների և վերնաշենքերի, արտադրական և ոչ արտադրական նշանակության շինությունների մասին տեղեկությունները:

11. Եթե նախորդ տարիներին շահագործման հանձնված առանձին շենքեր, շինություններ այդ տարիների համար կազմած հաշվետվություններում չեն ներառվել, ապա դրանց վերաբերյալ տվյալները լրացվում են հաշվետու ժամանակաշրջանի համար կազմած հաշվետվությունում:

12. 01-04 տողերում լրացվում են նոր կառուցված և շահագործման հանձնված բնակելի շենքերի վերաբերյալ տվյալները: Հաշվարկի ենթակա չեն բնակության համար հարմարեցված ժամանակավոր շինությունները:

13. 02 տողում լրացվում են կառուցված շենքերում բնակարանների քանակը:

14. 03 տողում լրացվում են գործարկված բոլոր շենքերի, այդ թվում կից շինությունների և վերնաշենքերի ընդհանուր (օգտակար) մակերեսը: Ընդհանուր մակերեսի մեջ չեն մտնում աստիճանահարթակների, շենքի արտաքին չափերից դուրս գտնվող կոնստրուկտիվ էլեմենտների, կաթսայատների զբաղեցրած, չտաքացվող կցաշենքերի, պատշգամբների, առանձին կանգնած խոհանոցների և բաղնիքների, այգետնակների և բնակության համար ժամանակավորապես հարմարեցված շինությունների ընդհանուր մակերեսը:

15. 04 տողում լրացվում է բնակելի շենքերի շինարարության արժեքը:

16. 05 տողում լրացվում է արտադրական նշանակության շինությունների քանակը, 06 տողում` դրանց ընդհանուր մակերեսը, իսկ 07 տողում բերվում է գործարկված արտադրական նշանակության շինությունների արժեքը:

17. 08 տողում լրացվում է ոչ արտադրական նշանակության շինությունների քանակը, 09 տողում` դրանց ընդհանուր մակերեսը, գործարկված ոչ արտադրական նշանակության շինությունների արժեքը լրացվում է 10 տողում:

ԼՂՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ