ք.Ստեփանակերտ

Ղեկավարվելով «Պետական վիճակագրության մասին» Լեռնային Ղարաբաղի Հանրապետության օրենքի 10-րդ հոդվածի երրորդ մասի գ) կետով, «Պետական կառավարչական հիմնարկների մասին» Լեռնային Ղարաբաղի Հանրապետության օրենքի 11-րդ հոդվածի 1-ին մասի բ) և զ) կետերով` Լեռնային Ղարաբաղի Հանրապետության վիճակագրության պետական խորհուրդը որոշում է`

Լեռնային Ղարաբաղի Հանրապետության վիճակագրության պետական խորհրդի 2004 թվականի մարտի 1-ի «Լեռնային Ղարաբաղի Հանրապետության ազգային վիճակագրական ծառայության աշխատակազմ պետական կառավարչական հիմնարկ ստեղծելու, Լեռնային Ղարաբաղի Հանրապետության ազգային վիճակագրական ծառայության կանոնադրությունը և աշխատակազմի կառուցվածքը հաստատելու մասին» N 12 որոշման մեջ կատարել հետևյալ փոփոխությունները և լրացումները.

1. որոշմամբ հաստատված հավելված 1-ում`

ա) 11-րդ կետը լրացնել հետևյալ բովանդակությամբ նոր ժթ) ենթակետով.

«ժթ) կազմակերպում և իրականացնում է Ծառայության տեղեկատվական քաղաքականության և հասարակայնության հետ կապերի աշխատանքները:».

բ) 13-րդ կետի ժա) ենթակետը շարադրել հետևյալ խմբագրությամբ.

«ժա) օրենքով սահմանված կարգով շնորհում է Լեռնային Ղարաբաղի Հանրապետության քաղաքացիական ծառայության դասային աստիճան.».

գ) 13-րդ կետի ժբ) ենթակետը ուժը կորցրած ճանաչել.

դ) 26-րդ կետում «Լեռնային Ղարաբաղի Հանրապետության կառավարության որոշմամբ» բառերը փոխարինել «Լեռնային Ղարաբաղի Հանրապետության վիճակագրության պետական խորհրդի որոշմամբ» բառերով.

ե) 37-րդ կետի ժա) ենթակետում «Ծառայության» բառը փոխարինել «Ծառայության աշխատակազմի» բառերով.

զ) 47-րդ կետը լրացնել հետևյալ բովանդակությամբ նոր «գ¹» ենթակետով.

գ¹) ապահովում է աշխատակազմում քաղաքացիական ծառայության մասին օրենսդրությամբ և այլ իրավական ակտերով անձնակազմի կառավարման հետ կապված գործառույթների իրականացումը.».

է) 47-րդ կետի ժբ) ենթակետը շարադրել հետևյալ խմբագրությամբ.

«ժբ) օրենքով սահմանված կարգով շնորհում է Լեռնային Ղարաբաղի Հանրապետության քաղաքացիական ծառայության դասային աստիճաններ.».

2. որոշմամբ հաստատված հավելված 2-ում` 2-րդ կետը շարադրել հետևյալ խմբագրությամբ.

«2. Բաժիններ

1. Նյութական արտադրության և ծառայությունների վիճակագրության բաժին

2. Սոցիալ-ժողովրդագրության և աշխատանքի շուկայի վիճակագրության բաժին

3. Մակրոտնտեսական ցուցանիշների, ազգային հաշիվների և ֆինանսների վիճակագրության բաժին

4. Վճարային հաշվեկշռի, արտաքին առևտրի և գների վիճակագրության բաժին

5. Վիճակագրական աշխատանքների մեթոդաբանության և իրավաբանական բաժին

6. Համակարգչային սպասարկման բաժին

7. Վիճակագրական հաշվետվությունների վերահսկողության բաժին**

8. Հաշվապահական հաշվառման և անձնակազմի սպասարկման բաժին»:

3. Սույն որոշումն ուժի մեջ է մտնում 2008 թվականի հունվարի 1-ից: