ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ

ԾԱՌԱՅՈՒԹՅՈՒՆՆԵՐԸ ԵՎ ՏՆՏԵՍԱԿԱՆ ՄՐՑԱԿՑՈՒԹՅՈՒՆԸ

ԿԱՐԳԱՎՈՐՈՂ ՊԵՏԱԿԱՆ ՀԱՆՁՆԱԺՈՂՈՎ

Ո Ր Ո Շ ՈՒ Մ

ք. Ստեփանակերտ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԵՎ ՏՆՏԵՍԱԿԱՆ ՄՐՑԱԿՑՈՒԹՅՈՒՆԸ ԿԱՐԳԱՎՈՐՈՂ ՊԵՏԱԿԱՆ ՀԱՆՁՆԱԺՈՂՈՎԻ 2009 ԹՎԱԿԱՆԻ ՀՈՒՆՎԱՐԻ 30-Ի ԹԻՎ 7Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը՝ Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովը ո ր ո շ ու մ է.

1. Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի 2009 թվականի հունվարի 30-ի «Լեռնային Ղարաբաղի Հանրապետության ջրային համակարգի օգտագործման թույլտվություն ունեցող անձանց կողմից ներկայացվող ֆինանսական հաշվետվությունների և տեխնիկատնտեսական տեղեկատվությունների ներկայացման կարգը հաստատելու մասին» թիվ 7Ն որոշմամբ հաստատված հավելվածի`

1) կարգի 2-րդ կետում «ամսվա», «ամսվան», «եռամսյակային» և «եռամսյակին» բառերը փոխարինել համապատասխանաբար «եռամսյակի», «եռամսյակին», «կիսամյակային» և «կիսամյակին» բառերով.

2) կարգի 3-րդ կետում «եռամսյակային», «եռամսյակին» և «ապրիլի 15-ը» բառերը փոխարինել համապատասխանաբար «կիսամյակային», «կիսամյակին» և «ապրիլի 25-ը» բառերով.

3) ենթահավելված N2-ի 2-1, 2-4, 2-7 և 2-8 ձևերում «200.....թ.», «ամիս», «ամսվան», 2-7 և 2-8 ձևերում նաև «ամսվա կտրվածքով» և «ապրիլի 15-ը» բառերը փոխարինել համապատասխանաբար «20.....թ.», «եռամսյակ», «եռամսյակին», «եռամսյակի կտրվածքով» և «ապրիլի 25-ը» բառերով.

4) ենթահավելված N2-ի 2-2, 2-3, 2-5 և 2-6 ձևերում «200.....թ.», «եռամսյակ», «եռամսյակին», 2-2, 2-3 և 2-5 ձևերում նաև «եռամսյակի» բառերը փոխարինել համապատասխանաբար «20.....թ.», «կիսամյակ», «կիսամյակին» և «կիսամյակի» բառերով.

5) ենթահավելված N3-ի 3-1-ից մինչև 3-6 ձևերում «200.....թ.», «եռամսյակին» և «ապրիլի 15-ը» բառերը փոխարինել համապատասխանաբար «20.....թ.», «կիսամյակին» և «ապրիլի 25-ը» բառերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: