ք.Ստեփանակերտ

Հիմք ընդունելով Լեռնային Ղարաբաղի Հանրապետության կառավարության 2004 թվականի մարտի 16-ի N 90 որոշման հավելված 1-ի 8-րդ կետի «ժգ» և 12-րդ կետի «ա» ենթակետերի դրույթները

1. Հաստատել

1) Լեռնային Ղարաբաղի Հանրապետության առողջապահության նախարարության ենթակա բժշկական հաստատություններում բուժքույրերի ստաժավորումն անցկացնելու կարգը` համաձայն N 1 հավելվածի.

2) Ստաժավորում անցած բուժքույրերի որակավորման ստուգման կարգը` համաձայն N 2 հավելվածի:

2. Լեռնային Ղարաբաղի Հանրապետության առողջապահության նախարարության աշխատակազմի ընդհանուր բաժնի գլխավոր մասնագետ-իրավաբան Լ. Հովհաննիսյանին` սույն հրամանը սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն` պետական գրանցման:

3. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրը:

1. Լեռնային Ղարաբաղի Հանրապետության առողջապահության նախարարության ենթակա բժշկական հաստատություններում բուժքրոջ պաշտոնում կարող է նշանակվել այն քաղաքացին, որն ունի միջին մասնագիտական բժշկական կրթություն և ստացել է որակավորման վկայական:

Որակավորման վկայականը ստանալու համար անձն անցնում է տասնվեց շաբաթ տևողությամբ ստաժավորում և որակավորման ստուգում:

Ստաժավորումը բուժքրոջ մասնագիտական գիտելիքների, աշխատանքային կարողությունների, ունակությունների և հմտությունների ձեռք բերման գործընթացն է: Ստաժորը այն բուժքույրն է, որը անցնում է ստաժավորում:

2. Ստաժավորում անցնելու նպատակով, անձի կողմից դիմում է ներկայացվում Լեռնային Ղարաբաղի Հանրապետության առողջապահության նախարարություն: Դիմումին կցվում են բժշկական միջին մասնագիտական կրթության առկայությունը հավաստող փաստաթղթի (վկայականի, դիպլոմի) և անձնագրի պատճենները:

Դիմում ներկայացրած անձը ստաժավորում անցնելու նպատակով Լեռնային Ղարաբաղի Հանրապետության առողջապահության նախարարի գրությամբ ուղեգրվում է համապատասխան բուժհաստատություն:

3. Ստաժավորումն անց է կացվում Լեռնային Ղարաբաղի Հանրապետության առողջապահության նախարարության «Հանրապետական հիվանդանոց», «Մոր և մանկան առողջության պահպանման կենտրոն», «Արևիկ» մանկական բուժմիավորում փակ բաժնետիրական ընկերություններում:

Ստաժավորումը բաղկացած է երկու փուլից`

ա. առաջին փուլում ստաժորը ութ աշխատանքային շաբաթ ստաժավորում է անցնում վիրահատական բլոկում` որպես սանիտար,

բ. երկրորդ փուլում ստաժորը ութ աշխատանքային շաբաթ ստաժավորում է անցնում վերակենդանացման և ինտենսիվ թերապիայի բաժանմունքում` որպես բուժքույր:

4. Ստաժորի աշխատանքի անմիջական ղեկավարումն իրականացնում են վիրահատական բլոկում` ավագ բուժքույրը, վերակենդանացման և ինտենսիվ թերապիայի բաժանմունքում` բաժանմունքի վարիչը:

5.Առաջին փուլն ավարտելուց հետո վիրահատական բլոկի ավագ բուժքույրը կազմում և հաստատում է առաջին փուլի արդյունքների մասին եզրակացություն (Ձև N1), որտեղ գնահատում է ստաժորի աշխատանքը: Դրական արդյունքների դեպքում ստաժորը անցնում է երկրորդ փուլ:

Երկրորդ փուլն ավարտելուց հետո վերակենդանացման և ինտենսիվ թերապիայի բաժանմունքի վարիչը կազմում է ստաժավորման երկրորդ փուլի արդյունքների մասին եզրակացություն (Ձև N2), որտեղ արտացոլվում է ստաժորի ընդհանուր պատրաստվածության մակարդակը, ստաժավորման ընթացքում նրա կողմից ստացված պրակտիկ հմտությունները և գիտելիքները, ինչպես նաև ինքնուրույն աշխատանքի համար ստաժորի պատրաստվածության աստիճանը և գնահատականը (դրական կամ բացասական): Երկրորդ փուլի եզրակացությունը ստորագրվում է բաժանմունքի վարիչի կողմից և վավերացվում բուժհաստատության կնիքով:

Եզրակացության մեկ օրինակը պահվում է տվյալ բուժհաստատությունում, իսկ մյուսը տրվում է ստաժորին:

6. Ստաժորի ստաժավորումը կարող է վաղաժամկետ դադարեցվել`

1) իր դիմումի համաձայն.

2) անհարգելի պատճառով տասը օր ստաժավորում չանցնելու.

3) տվյալ բուժհաստատության աշխատանքային ներքին կարգապահության կանոնները խախտելու դեպքում:

7. Եզրակացությունը ներկայացվում է որակավորման ստուգման հանձնաժողովին: Որակավորման ստուգմանը մասնակցել թույլատրվում է ստաժավորումն անցած լինելու և դրական եզրակացություն ստանալու դեպքում:

8. Ստաժորը աշխատանքի պայմանների, աշխատանքային ժամանակի հարցերում օգտվում է բուժքրոջ համար սահմանված բոլոր իրավունքներից: Ստաժավորում անցնողների վրա տարածվում են տվյալ բուժհաստատության աշխատանքային ներքին կարգապահական կանոնները:

9. Ստաժավորման տևողությունը կարող է երկարաձգվել ստաժավորումն անցնողի հիվանդության կամ այլ հարգելի պատճառներով, նրա բացակայության ժամկետով:

10. Ստաժավորում անցնող անձինք չեն վարձատրվում, և նրանք այդ ընթացքում իրավունք ունեն աշխատել այլ աշխատավայրում:

1. Ստաժավորում անցած անձանց որակավորման ստուգումն իրականացնում է Լեռնային Ղարաբաղի Հանրապետության առողջապահության նախարարի (այսուհետ` առողջապահության նախարար) կողմից ստեղծված հանձնաժողովը (այսուհետ` Հանձնաժողով):

2. Որակավորման ստուգման նպատակն է` ստուգել բժշկական գործողություններ կատարելու համար անհրաժեշտ գիտելիքները:

3. Որակավորման ստուգումները կազմակերպվում են եռամսյակը մեկ անգամ: Առողջապահության նախարարի հրամանով կարող են կազմակերպվել արտահերթ որակավորման ստուգման աշխատանքներ:

4. Որակավորման ստուգման համար ստաժավորում անցած անձը Լեռնային Ղարաբաղի Հանրապետության առողջապահության նախարարություն է (այսուհետ` նախարարություն) ներկայացնում`

1) դիմում, որում պետք է նշվեն դիմողի անունը, ազգանունը, հայրանունը, դիմողի փաստացի բնակության վայրը, հեռախոսի համարը` առկայության դեպքում.

2) անձնագրի բնօրինակը և պատճենը.

3) բժշկական միջին մասնագիտական կրթության առկայությունը հավաստող փաստաթղթի (վկայականի, դիպլոմի) բնօրինակը և պատճենը.

4) անձնական թերթիկ (լրացրած).

5) երկու գունավոր լուսանկար 3X4 չափսի.

6) ստաժորի ղեկավարի եզրակացություն:

5. Հանձնաժողովը`

1) կազմակերպում է ստաժորների որակավորման ստուգման աշխատանքները.

2) որոշում է որակավորման ստուգման վայրը, ժամանակը և դրանց մասին հայտնում դիմորդներին:

6. Հանձնաժողովի նախագահը`

1) ղեկավարում է հանձնաժողովի աշխատանքները, հրավիրում և վարում է Հանձնաժողովի նիստերը.

2) իրականացնում է հսկողություն որակավորման ստուգման ընթացքի նկատմամբ.

3) իրականացնում է սույն կարգով նախատեսված այլ լիազորություններ:

7. Ստաժավորում անցած անձանց որակավորման առաջադրանքների հարցերն ընդգրկում են հետևյալ բնագավառները.

1) քույրական գործ

2) էթիկայի կանոններ

3) համակարգչային հմտություններ

4) անգլերեն լեզու:

8. Ստուգումներն անց է կացվում առողջապահության նախարարի կողմից սահմանված ժամկետներում:

9. Որակավորման ստուգումն անց է կացվում երկու փուլով` թեստավորման և հարցազրույցի:

10. Հանձնաժողովը մինչև թեստավորման փուլի սկիզբը, համակարգչում զետեղված հարցաշարից պատահական ընտրությամբ ընտրում է թեստավորումն անցկացնելու համար թվով 50 թեստ:

11.Հանձնաժողովի քարտուղարը ստուգում է մասնակիցների ինքնությունը և թույլատրում է նրանց մուտք գործել թեստավորման սենյակ:

12. Թեստավորման մասնակիցներին արգելվում է իրենց հետ սենյակ բերել կապի միջոցներ, տպագիր, մեքենագիր, ձեռագիր նյութեր կամ այլ տեխնիկական սարքեր, առաջադրանքների կատարման համար աղբյուր հանդիսացող այլ միջոցներ:

13. Հանձնաժողովի քարտուղարը մասնակիցներին բացատրում է թեստավորման անցկացման հետ կապված տեխնիկական հարցերը: Նա պատասխանում է մասնակիցների բոլոր հարցերին, որպեսզի հավաստիանա, որ մասնակիցները հասկացել են առաջադրանքի էությունը:

14. Առաջադրանքները բաղկացած են հարցերից (խնդիրներից), որոնք ունեն մի քանի ենթադրյալ պատասխաններ, որոնցից մեկը, կամ մեկից ավելին կարող են լինել ճիշտ պատասխաններ: Մասնակիցներն ընտրում են ճիշտ (պատասխան) պատասխանները: Եթե տվյալ ենթադրյալ ճիշտ պատասխաններից ոչ բոլոր ճիշտ պատասխաններն են ընտրվում, ապա պատասխանը համարվում է սխալ:

15. Թեստային առաջադրանքների վերևի աջ մասում լրացվում է մասնակցի անունը, ազգանունը:

16. Թեստային առաջադրանքների հարցերում ջնջումներ, ուղղումներ կամ վերականգնումներ կատարելն անթույլատրելի է: Այդ դեպքում տվյալ հարցի (խնդրի) պատասխանը համարվում է սխալ պատասխան:

17. Թեստավորման առաջադրանքները կատարելու համար մասնակիցներին տրվում է 60 րոպե ժամանակ:

18. Հանձնաժողովի քարտուղարը թեստավորման ավարտից 10 րոպե առաջ հիշեցնում է մասնակիցներին, թե որքան ժամանակ է մնացել առաջադրանքի կատարման համար:

19. Հանձնաժողովի քարտուղարի կողմից թեստավորման համար հատկացված ժամանակի ավարտի մասին հայտարարելուց հետո, մասնակիցները պարտավոր են անմիջապես դադարեցնել աշխատանքը և թեստերը հանձնել Հանձնաժողովին:

20. Հանձնաժողովը հրապարակում է թեստավորման արդյունքները:

21. Թեստավորման արդյունքների հետ համաձայն չլինելու դեպքում մասնակիցները կարող են բողոքարկել Հանձնաժողովին` եռօրյա ժամկետում: Եթե Հանձնաժողովը պարզում է, որ բողոքը թեստավորման արդյունքների հաշվարկման ժամանակ թույլ տրված հավանական սխալի վերաբերյալ հիմնավորված է, ապա Հանձնաժողովը բավարարում է մասնակցի պահանջը` կատարելով թեստավորման արդյունքների ճիշտ հաշվարկ:

22. Ստաժավորում անցած անձը հարցազրույցի փուլ է անցնում թեստավորման առաջադրանքների առնավազն 80 տոկոսին ճիշտ պատասխանելու դեպքում:

23. Հարցազրույցն անցկացվում է նրա տեսական կարողություններն ստուգելու նպատակով:

24. Հանձնաժողովը յուրաքանչյուր անձի հետ հարցազրույցն անց է կացնում առանձին:

25. Դրական միավորներ հավաքած ստաժորին որակավորման ստուգման օրվան հաջորդող 10 օրվա ընթացքում տրվում է որակավորման վկայական:

26. Որակավորման վկայականում նշվում են`

1) որակավորման վկայական տվող մարմնի անվանումը.

2) որակավորման վկայականի համարը.

3) որակավորման վկայականը տալու տարին, ամիսը և ամսաթիվը.

4) որակավորման ստուգում անցած անձի անունը, ազգանունը և հայրանունը.

5) որակավորման վկայականն ուժի մեջ լինելու ժամկետը:

Որակավորման վկայականի հետ տրվում է նաև ներդիր թերթիկ, որտեղ նշվում են որակավորման ստուգման ընթացքում ստաժորի հավաքած միավորները:

27. Որակավորման վկայականը վավերացվում է առողջապահության նախարարի ստորագրությամբ և կնիքով:

28. Որակավորման ստուգմանը մասնակցելուց հրաժարված ստաժորին վերադարձվում են նրա կողմից ներկայացված փաստաթղթերը` բացի դիմումից:

29. Որակավորման ստուգմանը չներկայացած կամ վկայական չստացած ստաժորը իրավունք ունի մասնակցելու հաջորդ ստուգմանը:

30. Բուժքրոջ պաշտոնում չնշանակված անձանց համար որակավորման ստուգման դրական արդյունքներն իրենց ուժը պահպանում են 5 տարի ժամկետով:

__________________________________________________________________

                                     ստաժորի անունը, հայրանունը, ազգանունը

անցել է ստաժավորում_________________________________________________

                                                    բուժհաստատության անվանումը

__________________________________________________________________

                                                     ստաժավորման ժամկետը

__________________________________________________________________

                                           գնահատականը (դրական կամ բացասական)

__________________________________________________________________

                                 գնահատողի պաշտոնը, անունը, հայրանունը և ազգանունը

ԵՐԿՐՈՐԴ ՓՈՒԼԻ ԱՐԴՅՈՒՆՔՆԵՐԻ ՄԱՍԻՆ

անցել է ստաժավորում_________________________________________________

                                                  բուժհաստատության անվանումը

___________________________________________________________________

                                                    բաժանմունքի անվանումը

___________________________________________________________________

                                                 ստաժավորման ժամկետը

ստացել է ___________________________________________________________

                                    պրակտիկ հմտությունները և գիտելիքները

___________________________________________________________________

___________________________________________________________________

___________________________________________________________________

___________________________________________________________________

___________________________________________________________________

                                     ստաժորի պատրաստվածության աստիճանը

___________________________________________________________________

                                       գնահատականը (դրական կամ բացասական)

___________________________________________________________________

                               գնահատողի պաշտոնը, անունը, հայրանունը և ազգանունը