| |
Գրանցված է
Լեռնային Ղարաբաղի Հանրապետության
արդարադատության նախարարության կողմից
«5» մայիսի 2011թ.
պետական գրանցման համարը 3031148 |
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԵՎ ՏՆՏԵՍԱԿԱՆ ՄՐՑԱԿՑՈՒԹՅՈՒՆԸ ԿԱՐԳԱՎՈՐՈՂ ՊԵՏԱԿԱՆ ՀԱՆՁՆԱԺՈՂՈՎ
Ո Ր Ո Շ ՈՒ Մ
|
27 ապրիլի 2011 թվականի |
Թիվ 40Ն |
ք. Ստեփանակերտ
«ՂԱՐԱԲԱՂ ՏԵԼԵԿՈՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԱՆՍԱՀՄԱՆԱՓԱԿ ՍԱԿԱԳՆԱՅԻՆ ՊԼԱՆՈՎ ՄԱՏՈՒՑՎՈՂ ՏՎՅԱԼՆԵՐԻ ՀԱՂՈՐԴՄԱՆ ԵՎ ԻՆՏԵՐՆԵՏ ՀԱՍԱՆԵԼԻՈՒԹՅԱՆ ԾԱՌԱՅՈՒԹՅՈՒՆՆԵՐԻ ՍԱԿԱԳՆԵՐԸ ՍԱՀՄԱՆԵԼՈՒ ԵՎ 2009 ԹՎԱԿԱՆԻ ՍԵՊՏԵՄԲԵՐԻ 17-Ի ԹԻՎ 56Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով «Էլեկտրոնային հաղորդակցության մասին» Լեռնային Ղարաբաղի Հանրապետության օրենքի 27-րդ հոդվածի 1-ին մասը և «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը` Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովը ո ր ո շ ու մ է.
1.Սահմանել «Ղարաբաղ Տելեկոմ» փակ բաժնետիրական ընկերության կողմից Լեռնային Ղարաբաղի Հանրապետության տարածքում անսահմանափակ սակագնային պլանով մատուցվող տվյալների հաղորդման և ինտերնետ հասանելիության ծառայությունների սակագները համաձայն աղյուսակի`
|
Անսահմանափակ սակագնային փաթեթներ |
|
Հ/Հ |
Ծառայությունների անվանումները |
Ամսական վճարը`
ներառյալ ավելացված
արժեքի հարկը (դրամ) |
|
1. |
մինչև 128 կբիթ/վրկ արագությամբ |
2 799 |
|
2. |
մինչև 256 կբիթ/վրկ արագությամբ |
4 799 |
|
3. |
մինչև 512 կբիթ/վրկ արագությամբ |
6 799 |
|
4. |
մինչև 1024 կբիթ/վրկ արագությամբ |
8 799 |
|
5. |
մինչև 2048 կբիթ/վրկ արագությամբ |
11 799 |
|
6. |
մինչև 3072 կբիթ/վրկ արագությամբ |
14 799 |
2.Սահմանել, որ հաճախորդի հետ սույն որոշման 1-ին կետով նշված ծառայությունների մատուցման 1 տարի գործողության ժամկետով պայմանագիր կնքելու դեպքում միացման վճար չի գանձվում և DSL մոդեմը տրամադրվում է անվճար, իսկ պայմանագրի 1 տարին լրանալուց հետո տրամադրված DSL մոդեմը դառնում է բաժանորդի սեփականությունը:
3.Ուժը կորցրած ճանաչել Լեռնային Ղարաբաղի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի 2009 թվականի սեպտեմբերի 17-ի ««Ղարաբաղ Տելեկոմ» փակ բաժնետիրական ընկերության կողմից Լեռնային Ղարաբաղի Հանրապետությունում մատուցվող տվյալների հաղորդման և ինտերնետ հասանելիության ծառայությունների սակագները սահմանելու և 2008 թվականի մայիսի 20-ի թիվ 32Ն ու 2009 թվականի հուլիսի 17-ի թիվ 47Ն որոշումների մեջ փոփոխություններ կատարելու մասին» թիվ 56Ն որոշման 1-ին կետով սահմանված հավելվածի աղյուսակի 2-րդ մասի 2.3 կետը:
4.Սույն որոշումն ուժի մեջ է մտնում 2011 թվականի մայիսի 1-ից: