ք.Ստեփանակերտ

Ղեկավարվելով «Պետական վիճակագրության մասին» Լեռնային Ղարաբաղի Հանրապետության օրենքի 10-րդ հոդվածի երրորդ մասի «ե» կետով` Լեռնային Ղարաբաղի Հանրապետության վիճակագրության պետական խորհուրդը որոշում է.

հաստատել «Երաժշտական, գեղարվեստի, արվեստի դպրոցների, մանկապատանեկան ստեղծագործական կենտրոնների մասին» ձև N 1-եգադ (տարեկան) պետական վիճակագրական հաշվետվության ձևը և լրացման հրահանգը` համաձայն հավելվածի:

ՀՐԱՀԱՆԳ

«ԵՐԱԺՇՏԱԿԱՆ, ԳԵՂԱՐՎԵՍՏԻ, ԱՐՎԵՍՏԻ ԴՊՐՈՑՆԵՐԻ, ՄԱՆԿԱՊԱՏԱՆԵԿԱՆ ՍՏԵՂԾԱԳՈՐԾԱԿԱՆ ԿԵՆՏՐՈՆՆԵՐԻ ՄԱՍԻՆ» N 1-ԵԳԱԴ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգով սահմանվում է «Երաժշտական, գեղարվեստի, արվեստի դպրոցների, մանկապատանեկան ստեղծագործական կենտրոնների մասին» ձև N 1-եգադ պետական վիճակագրական տարեկան հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացվում է համաձայն «Պետական վիճակագրության մասին» ԼՂՀ օրենքի, օրենքով սահմանված կարգով` ԼՂՀ վիճակագրության պետական խորհրդի (այսուհետ` ԼՂՀ ՎՊԽ) կողմից հաստատված «Պետական վիճակագրական աշխատանքների ծրագրի» և ԼՂՀ ՎՊԽ 2003 թվականի հոկտեմբերի 17-ի «Վիճակագրական տեղեկությունների ներկայացման կարգը հաստատելու մասին» N 5 որոշման:

3. Տրամադրված տեղեկությունների գաղտնիությունը երաշխավորվում է ԼՂՀ օրենսդրությամբ:

4. Հաշվետվությունը կազմում են երաժշտական, գեղարվեստի, արվեստի դպրոցները և մանկապատանեկան ստեղծագործական կենտրոնները, որոնք այդ մասին նախապես տեղեկացվում են:

5. Հաշվետվությունը ներկայացվում է Լեռնային Ղարաբաղի Հանրապետության ազգային վիճակագրական ծառայության տարածքային բաժին` մինչև հաշվետու տարվան հաջորդող փետրվարի 15-ը:

6. Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն` օրենքով սահմանված կարգով:

7. Վիճակագրական տեղեկությունների ներկայացման հետ կապված այլ խնդիրները կարգավորվում են ԼՂՀ oրենսդրությամբ:

II. ԼՐԱՑՄԱՆ ԿԱՐԳԸ

Բաժին 1. Ուսուցիչների թվաքանակն ըստ մասնագիտությունների

8. Սյունակ Ա-ում բերվում է ուսուցիչների մասնագիտությունների անվանումը:

9. Ուսուցիչների ընդհանուր թվաքանակը բերվում է սյունակ 1-ում, որից սյունակ 2-ում առանձնացվում է կանանց թվաքանակը:

10. Ուսուցիչների ընդհանուր թվաքանակից առանձնացվում են հիմնական հաստիքով աշխատող ուսուցիչների թվաքանակը (սյունակ 3), որից սյունակ 4-ում առանձնացվում է կանանց թվաքանակը, իսկ բարձրագույն և միջին մասնագիտական կրթություն ունեցող ուսուցիչների թվաքանակները բերվում են համապատասխանաբար սյունակներ 5-ում և 7-ում:

11. Ուսուցիչների թափուր տեղերի քանակը բերվում է սյունակ 9-ում:

12. Դասարանների կամ բաժանմունքների անվանումները բերվում են Բ սյունակի 201-ից 213 տողերում:

13. Աշակերտների ընդհանուր թվաքանակը բերվում է 214 տողում, որից առանձնացվում են տեղափոխվածները (տող 215), ավարտական դասարաններում մնացածները (տող 216) և մաղվածները (տող 217):

14. Պետպատվերով սովորողների ընդհանուր թվաքանակը բերվում է սյունակ 1-ում, որից աղջիկներինը` սյունակ 2-ում: Աշակերտների ընդհանուր թվաքանակից առանձնացվում է ավարտական դասարաններում սովորողների ընդհանուր թվաքանակը (սյունակ 3), նրանցից աղջիկներինը` սյունակ 4-ում: Նույն սկզբունքով լրացվում են 5-ից 8 սյունակները վճարովի հիմունքներով սովորողների համար:

15. Մրցույթների, փառատոնների մասնակիցների ընդհանուր թվաքանակը բերվում է սյունակ 9-ում, որից աղջիկներինը` սյունակ 10-ում: Իսկ սյունակ 11-ում բերվում է մրցանակակիրների թվաքանակը, որից աղջիկներինը` սյունակ 12-ում:

16. Այս բաժնում բերվում է աշակերտների թվաքանակի սեռատարիքային բաշխվածությունն ըստ դասարանների:

17. Սյունակ 1-ում բերվում է ուսման դիմաց վճարողների ընդհանուր թվաքանակը (տող 401), նրանցից աղջիկներինը` տող 402-ում:

18. Սյունակներ 2-5-ում բերվում է աշակերտների թվաքանակն ըստ համապատասխան վճարաչափերի:

19. Սյունակ 1-ում բերվում է կրթաթոշակ ստացող աշակերտների ընդհանուր թվաքանակը (տող 501), նրանցից աղջիկներինը` տող 502-ում:

20. Սյունակներ 2-6-ում բերվում է աշակերտների թվաքանակն ըստ համապատասխան կրթաթոշակի չափերի:

21. Սյունակ 1-ում բերվում է դպրոցի շենքի ընդհանուր մակերեսը, իսկ սյունակ 2-ում` ուսումնական մասի մակերեսը:

22. Շենքի տեսակն ըստ տիպերի բերվում է սյունակներ 3-ում (տիպային) և 4-ում (ոչ տիպային), ընդ որում, եթե շենքը սեփական է` համապատասխան սյունակում գրվում է «1», եթե վարձակալված է` «0»:

23. 5-րդ սյունակում բերվում է շենքի տեխնիկական վիճակը` նշելով համապատասխան կոդը (բավարար վիճակում է -1, կարիք ունի հիմնավերանորոգման -2, վթարային է -3):

24. Ցուցանիշները լրացնելիս ֆինանսական տարին ընդունվում է հաշվետու տարվա հունվարի 1-ից դեկտեմբերի 31-ը:

25. Սյունակ 1-ում բերվում է ընդհանուր ֆինանսական միջոցները:

26. Սյունակ 2-ում բերվում է ֆինանսական միջոցների մնացորդը տարեսկզբին:

27. Ընթացիկ տարվա ֆինանսական մուտքերի մասին տվյալները բերվում են սյունակներ 3-11-ում:

28. Սյունակ 12-ում բերվում է ընդհանուր ֆինանսական ծախսերը, որից առանձնացվում են.

1) «նյութական ծախսեր» սյունակ 13-ում բերվում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, հիմնական միջոցների մաշվածությունը, վառելիքի, էլեկտրաէներգիայի և այլ նմանատիպ ծախսերը,

2) «ոչ նյութական ծառայությունների վճարումներ» սյունակ 14-ում բերվում է աշխատողների մասնագիտական պատրաստմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

3) «գործուղման ծախսեր» սյունակ 15-ում բերվում է հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները,

4) «աշխատավարձ և դրան հավասարեցված այլ վճարումներ» սյունակ 16-ում բերվում է ինչպես հիմնական, այնպես էլ պայմանագրային աշխատողների կողմից փաստացի կատարված աշխատանքների դիմաց հաշվարկված աշխատավարձը, ներառյալ խթանող և փոխհատուցող վճարները: Խթանող վճարներ են համարվում, մասնավորապես, արտադրական ցուցանիշների, տարվա աշխատանքի արդյունքների համար պարգևատրումները, մասնագիտական վարձատրության համար տրվող հավելումները, երկարամյա ծառայության համար աշխատողներին տրվող միանվագ պարգևատրումները: Փոխհատուցող վճարներ (կապված աշխատանքային ռեժիմի և պայմանների հետ) են համարվում գիշերային աշխատանքի, արտաժամյա աշխատանքի, հանգստյան և տոն (ոչ աշխատանքային) օրերին, բազմահերթ ռեժիմով աշխատանքի, մասնագիտությունների համատեղման, սպասարկման գոտիների ընդլայնման, ԼՂՀ օրենսդրությամբ սահմանված կարգով ծանր, վնասակար և խիստ վնասակար համարվող աշխատանքի պայմաններում աշխատանքի համար վարձատրության նկատմամբ սահմանված հավելավճարներն ու լրավճարները: Աշխատանքի վարձատրության և դրան հավասարեցված այլ վճարումների մեջ են ներառվում նաև հերթական (ամենամյա) և լրացուցիչ արձակուրդների վարձատրությունները (չօգտագործված արձակուրդի համար փոխհատուցումը) և աշխատողների աշխատանքի վարձատրությանն ուղղված այլ վճարումները,

5) սյունակ 17-ում բերվում է աշակերտներին տրված կրթաթոշակի չափը,

6) աշխատանքի վարձատրությանն ուղղվող միջոցներից զբաղվածության, կենսաթոշակային, պարտադիր սոցիալական ապահովության համար կատարված վճարները բերվում է սյունակ 18-ում,

7) սյունակ 19-ում բերվում է ուսումնական հաստատության կողմից կատարված շենքերի և շինությունների, ինչպես նաև մեքենաների և սարքավորումների ձեռքբերման և վերանորոգման ծախսերը,

8) վերը նշված տողերում չընդգրկված և ընթացիկ գործունեության հետ կապված այլ ծախսերը բերվում է սյունակ 20-ում:

29. Սյունակ 21-ում բերվում է ֆինանսական միջոցների մնացորդը տարեվերջին:

ԼՂՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ                     ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

Հ Ա Շ Վ Ե Տ Վ ՈՒ Թ Յ ՈՒ Ն

ԵՐԱԺՇՏԱԿԱՆ, ԳԵՂԱՐՎԵՍՏԻ, ԱՐՎԵՍՏԻ ԴՊՐՈՑՆԵՐԻ, ՄԱՆԿԱՊԱՏԱՆԵԿԱՆ

ՍՏԵՂԾԱԳՈՐԾԱԿԱՆ ԿԵՆՏՐՈՆՆԵՐԻ ՄԱՍԻՆ

 20.../20... ուսումնական տարվա համար

 Բաժին 5. Աշակերտների թվաքանակի բաշխվածությունն ըստ կրթաթոշակի չափերի

Բաժին 6. Շենքային պայմանները 

Բաժին 7. Ֆինանսական միջոցների ստացումը և օգտագործումը ուսումնական հաստատությունում (հազ.դրամ)