ք.Ստեփանակերտ

Համաձայն Լեռնային Ղարաբաղի Հանրապետության կառավարության 2004 թվականի մարտի 16-ի «Լեռնային Ղարաբաղի Հանրապետությունում սոցիալական ապահովության քարտերի համակարգ ներդնելու մասին» N 85 որոշման՝

ՀՐԱՄԱՅՈՒՄ ԵՄ՝

1. Հաստատել՝

ա) սոցիալական քարտ ստանալու անհատական հայտի ձևը և լրացման կարգը՝ համաձայն N 1 հավելվածի.

բ) նոր սոցիալական քարտ ստանալու հայտի ձևը և լրացման կարգը՝ համաձայն N 2 հավելվածի.

գ) հայտերի և սոցիալական քարտերի հաշվառման մատյանի ձևը՝ համաձայն N 3 հավելվածի.

դ) ընդունված հայտերից կապոց կազմելու, փաթեթավորելու, հայտերի խմբաքանակը լիազորված մարմին ուղարկելու և հայտերի մշակման արդյունքները իրավասու մարմին առաքելու կարգը՝ համաձայն N 4 հավելվածի.

ե) տիտղոսաթերթի և ամփոփագրի ձևերը՝ համաձայն N 5 հավելվածի.

զ) ընդունված հայտերն իրավասու մարմինների կողմից լիազորված մարմին ուղարկելու ժամանակացույցը՝ համաձայն N 6 հավելվածի:

2. Լեռնային Ղարաբաղի Հանրապետության սոցիալական ապահովության նախարարության աշխատակազմի ղեկավարի պաշտոնակատարին՝ սույն հրամանը սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն՝ պետական գրանցման:

1. Սոցիալական քարտ ստանալու անհատական հայտը (այսուհետ՝ հայտ) A 5 չափսի կարմիր ձևաթուղթ է (ձևը կցվում է):

2. Հայտի հակառակ երեսին տպագրվում են տպագիր մեծատառերի նմուշները և հայտը լրացնելու կանոնները:

3. Հայտը լրացվում է սև կամ մուգ կապույտ գույնի գնդիկավոր գրիչով:

4. Հայտը լրացվում է տպագիր մեծատառերով՝ ընթեռնելի և առանց ջնջումների:

5. Արգելվում է հայտը լրացնելուց հետո ազատ մնացած վանդակներում որևէ նշում կատարել:

6. Յուրաքանչյուր վանդակում գրվում է մեկ թիվ կամ տառ. «ԵՎ» տառը գրվում է երկու վանդակում՝ իսկ «» տառը՝ մեկ վանդակում՝ :

7. Հայտի ձևում առկա (լրացված) տվյալների հավաստիությունը հաստատվում է հայտատուի ստորագրությամբ, որը դրվում է «Հայտատուի ստորագրությունը» դաշտում (մինչև 16 տարեկան քաղաքացու փոխարեն ստորագրում է ծնողը կամ օրինական ներկայացուցիչը):

8. «Ազգանունը», «Անունը», «Հայրանունը», «Սեռը» և «Ծննդյան օրը, ամիսը, տարին» դաշտերում լրացվում են հայտատուի համապատասխան տվյալները՝ ըստ անձը հաստատող փաստաթղթի:

9. «Անձը հաստատող փաստաթղթի տեսակը» նշելու համար անհրաժեշտ է համապատասխան տեսակի դիմացի վանդակը նշել X նշանով, օրինակ՝ « Անձնագիր»: Կացության կարգավիճակ չունեցող օտարերկրյա քաղաքացիների համար, ինչպես նաև արտերկրում տրված ծննդյան վկայականների դեպքում նշվում է « Օտարերկրյա փաստաթուղթ» վանդակը: «Սերիան և համարը» դաշտում լրացվում են փաստաթղթի սերիան և համարը: Սերիայի տառերը գրվում են փաստաթղթում գրված նմուշի տառերով, օրինակ՝ AB0472527, XVII-СЛ643558, Ф000868:

10. Ջնջումով, անընթեռնելի ձեռագրով կամ լրացման կանոնների խախտումով լրացված հայտերն անվավեր են:

1. Նոր սոցիալական քարտ ստանալու հայտը (այսուհետ՝ հայտ) A 5 չափսի կապույտ ձևաթուղթ է (ձևը կցվում է):

2. Հայտի հակառակ երեսին տպագրվում են տպագիր մեծատառերի նմուշները և հայտը լրացնելու կանոնները:

3. Հայտը լրացվում է անձը հաստատող փաստաթուղթը փոխվելու, տեղեկատվական բազայում առկա տվյալի ճշտման կամ սոցիալական քարտի կրկնօրինակ ստանալու դեպքերում:

4. «Հայտի նպատակը» բաժնում նշվում է միայն մեկ դաշտ՝ « Տվյալի փոփոխություն»՝ անձը հաստատող փաստաթուղթը փոխվելու դեպքում, « Տվյալի ճշտում»՝ տեղեկատվական բազայում առկա տվյալի ճշտման դեպքում, « Քարտի կրկնօրինակի տրամադրում»՝ սոցիալական քարտը կորցնելու կամ գործածության համար ոչ պիտանի լինելու դեպքում:

5. Հայտը լրացվում է սև կամ մուգ կապույտ գույնի գնդիկավոր գրիչով:

6. Հայտը լրացվում է տպագիր մեծատառերով՝ ընթեռնելի և առանց ջնջումների:

7. Արգելվում է հայտը լրացնելուց հետո ազատ մնացած վանդակներում որևէ նշում կատարել:

8. Յուրաքանչյուր վանդակում գրվում է մեկ թիվ կամ տառ. «ԵՎ» տառը գրվում է երկու վանդակում՝ իսկ «ՈՒ» տառը՝ մեկ վանդակում՝ :

9. Հայտի ձևում առկա (լրացված) տվյալների հավաստիությունը հաստատվում է հայտատուի ստորագրությամբ, որը դրվում է «Հայտատուի ստորագրությունը» դաշտում:

10. «Սոցիալական քարտի համարը» դաշտը լրացվում է, եթե առկա է քաղաքացու սոցիալական քարտը:

11. «Ազգանունը», «Անունը», «Հայրանունը», «Սեռը» և «Ծննդյան օրը, ամիսը, տարին» դաշտերում լրացվում են հայտատուի համապատասխան տվյալները՝ ըստ անձը հաստատող փաստաթղթի:

12. «Անձը հաստատող փաստաթղթի տեսակը» նշելու համար անհրաժեշտ է համապատասխան տեսակի դիմացի վանդակը նշել X նշանով, օրինակ՝ « Անձնագիր»: Կացության կարգավիճակ չունեցող օտարերկրյա քաղաքացիների համար, ինչպես նաև արտերկրում տրված ծննդյան վկայականների դեպքում նշվում է « Օտարերկրյա փաստաթուղթ» վանդակը: «Սերիան և համարը» դաշտում լրացվում են փաստաթղթի սերիան և համարը: Սերիայի տառերը գրվում են փաստաթղթում գրված նմուշի տառերով, օրինակ՝ AB0472527, XVII-СЛ643558, Փ000866:

13. Հայտը լրացնելուց հետո, փոխված կամ ճշտման ենթակա տվյալի (տվյալների) դիմացի համապատասխան «Նշում» դաշտում դրվում է X նշանը, օրինակ՝

«Անունը

14. Ջնջումով, անընթեռնելի ձեռագրով կամ լրացման կանոնների խախտումով լրացված հայտերն անվավեր են:

15. Անհատական քարտը սոցիալական քարտով փոխարինելու համար լրացված նոր սոցիալական քարտ ստանալու հայտում որպես հայտի լրացման նպատակ նշվում է «Քարտի կրկնօրինակի տրամադրում» դաշտը:

ՁԵՎ

ՀԱՅՏԵՐԻ ԵՎ ՍՈՑԻԱԼԱԿԱՆ ՔԱՐՏԵՐԻ ՀԱՇՎԱՌՄԱՆ ՄԱՏՅԱՆԻ

1. Սոցիալական քարտ ստանալու անհատական հայտերի և սոցիալական քարտերի հաշվառման մատյանը բաղկացած է A 3 չափսի՝ հետևյալ բովանդակությամբ 20 թերթից.

2. Սոցիալական քարտ ստանալու անհատական հայտերի և սոցիալական քարտերի հաշվառման մատյանի շապիկն ունի հետևյալ տեսքը.

1. Սահմանված ժամանակահատվածում ընդունված հայտերից իրավասու մարմինը ձևավորում է կապոցներ՝ հայտերը փաթեթավորելով պոլիէթիլենային տոպրակի մեջ: Յուրաքանչյուր կապոցում կարող է լինել առավելագույնը 500 հայտ:

2. Կապոցն ամրացվում է կպչուն ժապավենով (սկոչով):

3. Յուրաքանչյուր կապոցի համար լրացվում է իրավասու մարմնի կողմից ուղարկվող հայտերի կապոցի տիտղոսաթերթ (այսուհետ՝ տիտղոսաթերթ)՝ 2 օրինակից, որոնք կնքվում են իրավասու մարմնի կնիքով: Տիտղոսաթերթի մեկ օրինակը դրվում է կապոցի մեջ, հայտերի վրա, իսկ մյուս օրինակը պահվում է իրավասու մարմնում:

4. Սահմանված ժամանակահատվածում ընդունված հայտերից ձևավորված կապոցները փաթեթավորվում են իրար հետ:

5. Ուղարկվող՝ հայտերի խմբաքանակի համար լրացվում է իրավասու մարմնի կողմից ուղարկվող հայտերի խմբաքանակի ամփոփագիր (այսուհետ՝ ամփոփագիր)՝ 2 օրինակից, որոնք կնքվում են իրավասու մարմնի կնիքով: Ամփոփագրի մեկ օրինակը դրվում է ուղարկվող խմբաքանակի (այսուհետ՝ հայտերի փաթեթ) վերջին կապոցում, իսկ մյուս օրինակը պահվում է իրավասու մարմնում:

6. Հայտերի փաթեթը լիազորված մարմին է ուղարկվում փոստային ծառայության միջոցով, կամ տանում է իրավասու մարմնի աշխատակիցը:

7. Ստացված հայտերը մշակվում են:

8. Հայտերի մշակման արդյունքների փաթեթը (ըստ մատյանների, այբբենական կարգով խմբավորված սոցիալական քարտերը, մերժված հայտերի ցուցակները) փոստային ծառայությունների միջոցով, առաքվում է իրավասու մարմին, կամ հանձնվում է լիազորված մարմին այցելած իրավասու մարմնի աշխատակցին:

1. Իրավասու մարմնի կողմից լիազորված մարմին ուղարկվող անհատական հայտերի կապոցի տիտղոսաթերթը (ձևը կցվում է` N 1) պարունակում է իրավասու մարմնի անվանումը և կոդը, խմբաքանակում կապոցի հերթական համարը, կապոցում ներառված հայտերի քանակը, հայտերի ձևավորման ժամանակահատվածը, իրավասու մարմնի ղեկավարի ազգանունը, անունը, հայրանունը և ստորագրությունը, տիտղոսաթերթը ստորագրելու օրը, ամիսը, տարին, ինչպես նաև իրավասու մարմնի կնիքը:

2. Իրավասու մարմնի կողմից լիազորված մարմին ուղարկվող անհատական հայտերի խմբաքանակի ամփոփագիրը (ձևը կցվում է` N 2) պարունակում է իրավասու մարմնի անվանումը և կոդը, խմբաքանակում առկա կապոցների քանակը, խմբաքանակում առկա հայտերի քանակը, հայտերի ձևավորման ժամանակահատվածի սկիզբն ու վերջը, իրավասու մարմնի ղեկավարի ազգանունը, անունը, հայրանունը և ստորագրությունը, ամփոփագիրը ստորագրելու օրը, ամիսը, տարին, ինչպես նաև իրավասու մարմնի կնիքը:

1. Ամսի 1-ից 15-ը (ներառյալ) ընդունված հայտերը լիազորված մարմին են ուղարկվում նույն ամսվա 16-ին:

2. Ամսի 15-ից հետո ընդունված հայտերը լիազորված մարմին են ուղարկվում հաջորդ ամսվա 1-ին:

3. Եթե հայտերը լիազորված մարմին ուղարկելու օրը ոչ աշխատանքային օր է, ապա հայտերի առաքումն անհրաժեշտ է իրականացնել տվյալ օրվան հաջորդող առաջին աշխատանքային օրը: