ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

 ք.Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ 2017-2018 ՈՒՍՈՒՄՆԱԿԱՆ ՏԱՐՎԱ ՊԵՏԱԿԱՆ ՀԱՆՐԱԿՐԹԱԿԱՆ, ՄԱՆԿԱՊԱՏԱՆԵԿԱՆ ԱՐՏԱԴՊՐՈՑԱԿԱՆ ԵՎ ՆԱԽԱԴՊՐՈՑԱԿԱՆ, ԲԱՐՁՐԱԳՈՒՅՆ, ՄԻՋԻՆ ՄԱՍՆԱԳԻՏԱԿԱՆ ԵՎ ԱՐՀԵՍՏԱԳՈՐԾԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՑԱՆՑԻ ՀԱՍՏԱՏՄԱՆ, ՄԻ ՇԱՐՔ ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՎԵՐԱՆՎԱՆՄԱՆ ՈՒ ՀԻՄՆԱԴՐՄԱՆ ԵՎ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՆՈՅԵՄԲԵՐԻ 28-Ի N 575 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Պետական ոչ առևտրային կազմակերպությունների մասին» Լեռնային Ղարաբաղի Հանրապետության օրենքի 9-րդ հոդվածը և «Իրավական ակտերի մասին» Լեռնային Ղարաբաղի Հանրապետության օրենքի 13-րդ և 71-րդ հոդվածները՝ Արցախի Հանրապետության կառավարությունը ո ր ո շ ու մ է.

1. Հաստատել Արցախի Հանրապետության 2017-2018 ուսումնական տարվա պետական հանրակրթական, մանկապատանեկան, արտադպրոցական և նախադպրոցական, բարձրագույն, միջին մասնագիտական և արհեստագործական ուսումնական հաստատությունների ցանցը` համաձայն հավելվածի:

2. «Ուղտասարի հիմնական դպրոցե և «Սարդարաշենի Կ. Շահբազյանի անվան միջնակարգ դպրոց» պետական ոչ առևտրային կազմակերպությունները վերանվանել համապատասխանաբար «Ուղտասարի միջնակարգ դպրոց» և «Սարդարաշենի Կ. Շահբազյանի անվան հիմնական դպրոց» պետական ոչ առևտրային կազմակերպությունների:

3. Դադարեցնել Ասկերանի շրջանի Մադաթաշենի հիմնական դպրոցի Ջրաղացների, Քաշաթաղի շրջանի Լեռնահովիտի միջնակարգ դպրոցի Հակի և Մարտակերտի շրջանի Քոլատակի միջնակարգ դպրոցի Թբղլվի մասնաճյուղերի գործունեությունը:

4. Հիմնադրման միջոցով ստեղծել Արցախի Հանրապետության Ասկերանի շրջանի «Ջրաղացների հիմնական դպրոց» և Քաշաթաղի շրջանի «Հակի հիմնական դպրոց» պետական ոչ առևտրային կազմակերպություններ:

5. Սահմանել, որ Արցախի Հանրապետության Ասկերանի շրջանի «Ջրաղացների հիմնական դպրոց» և Քաշաթաղի շրջանի «Հակի հիմնական դպրոց» պետական ոչ առևտրային կազմակերպությունների գործունեության առարկան և նպատակը հանրակրթական բնույթի գործառույթների իրականացումն է:

6. Արցախի Հանրապետության Ասկերանի շրջանի «Ջրաղացների հիմնական դպրոց» և Քաշաթաղի շրջանի «Հակի հիմնական դպրոց» պետական ոչ առևտրային կազմակերպությունների կառավարման, ինչպես նաև «Պետական ոչ առևտրային կազմակերպությունների մասին» Լեռնային Ղարաբաղի Հանրապետության օրենքի 13-րդ հոդվածի 2-րդ մասի «գ», «դ», «ե», «է» կետերով և 14-րդ հոդվածով նախատեսված լիազորությունները համապատասխանաբար վերապահել Արցախի Հանրապետության Ասկերանի և Քաշաթաղի շրջանների վարչակազմերին:

7. Թույլատրել Ասկերանի շրջանի «Ջրաղացների հիմնական դպրոց» և Քաշաթաղի շրջանի «Հակի հիմնական դպրոց» պետական ոչ առևտրային կազմակերպություններին իրականացնելու ձեռնարկատիրական գործունեության հետևյալ տեսակները.

1) լրացուցիչ հանրակրթական ծրագրերի իրականացում.

2) արտադպրոցական դաստիարակության կազմակերպում.

3) համակարգչային ծրագրերի և լեզուների ուսուցման կազմակերպում.

4) սովորողների սննդի կազմակերպում.

5) ուսումնաարտադրական գործունեության ծավալում և արտադրանքի իրացում:

8. Շահումյանի շրջանի «Եղեգնուտի պետական մանկապարտեզ» պետական ոչ առևտրային կազմակերպությունում 2018 թվականի հունվարի 1-ից բացել մեկ խումբ:

9. «Ստեփանակերտի Ա. Սախարովի անվան N 8 միջնակարգ հոսքային դպրոց» և Քաշաթաղի շրջանի «Իշխանաձորի Հ. Թումանյանի անվան միջնակարգ դպրոց» պետական ոչ առևտրային կազմակերպություններում բացել համապատասխանաբար երկու և մեկ նախադպրոցական խմբեր:

10. «Հանրապետական մանկապատանեկան մարզադպրոց», «Ասկերանի մանկապատանեկան մարզադպրոց» պետական ոչ առևտրային կազմակերպություններում 2018 թվականի հունվարի 1-ից բացել համապատասխանաբար վեց և երեք մարզախմբեր:

11. «Ստեփանակերտի մանկապատանեկան ստեղծագործական կենտրոն», «Հադրութի մանկապատանեկան ստեղծագործական կենտրոն» պետական ոչ առևտրային կազմակերպություններում 2018 թվականի հունվարի 1-ից բացել հնգական ստեղծագործական խմբեր, «Ասկերանի մանկապատանեկան ստեղծագործական կենտրոն» պետական ոչ առևտրային կազմակերպությունում՝ երկու խումբ, իսկ «Շուշիի մանկապատանեկան ստեղծագործական կենտրոն» պետական ոչ առևտրային կազմակերպությունում ութ խումբ՝ 2017 թվականի հոկտեմբերի 1-ից:

12. Լեռնային Ղարաբաղի Հանրապետության կառավարության 2006 թվականի նոյեմբերի 28-ի «Լեռնային Ղարաբաղի Հանրապետության պետական հանրակրթական ուսումնական հաստատություններ» պետական հիմնարկները վերակազմակերպելու, «Լեռնային Ղարաբաղի Հանրապետության պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրությունը հաստատելու մասին« N 575 որոշմամբ հաստատված N 1 հավելվածի մեջ կատարել հետևյալ փոփոխությունները և լրացումները.

1) 19-րդ տողի «Սարդարաշենի Կ. Շահբազյանի անվան միջնակարգ դպրոց» բառերը փոխարինել «Սարդարաշենի Կ. Շահբազյանի անվան հիմնական դպրոց» բառերով.

2) 43-րդ տողի «Մադաթաշենի հիմնական դպրոցի Ջրաղացների մասնաճյուղ» բառերը հանել.

3) 44-րդ տողից հետո լրացնել նոր 44.1-ին տողով՝ «Ջրաղացների հիմնական դպրոց» բառերով.

4) 63-րդ տողի «Քոլատակի միջնակարգ դպրոցի Թբղլվի մասնաճյուղ» բառերը հանել.

5) 190-րդ տողի «Լեռնահովիտի միջնակարգ դպրոցի Հակի մասնաճյուղ» բառերը հանել.

6) 216-րդ տողից հետո լրացնել նոր 217-րդ տողով՝ «Հակի հիմնական դպրոց» բառերով:

13. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ դրա գործողությունը տարածվում է 2017 թվականի սեպտեմբերի 1-ից հետո ծագած հարաբերությունների վրա:

* Խմբերը կգործեն 2018 թվականի հունվարի 1-ից

** Խմբերը կգործեն 2017 թվականի հոկտեմբերի 1-ից

* Թալիշի մանկապարտեզի գործունեությունը կվերսկսի 2018 թվականի սեպտեմբերի 1-ից

** Խմբերը կգործեն 2018 թվականի հունվարի 1-ից

8. ԱՐՑԱԽԻ ՊԵՏԱԿԱՆ ՀԱՄԱԼՍԱՐԱՆ

10.1 ՀԱՅԱՍՏԱՆԻ ԱԶԳԱՅԻՆ ԱԳՐԱՐԱՅԻՆ ՀԱՄԱԼՍԱՐԱՆԻ ՍՏԵՓԱՆԱԿԵՐՏԻ

ՄԱՍՆԱՃՅՈՒՂԻ ՄԻՋԻՆ ՄԱՍՆԱԳԻՏԱԿԱՆ ԾՐԱԳՐԵՐԻ ԿԵՆՏՐՈՆ

11. ՄԻՋԻՆ ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ

12. ԱՐՀԵՍՏԱԳՈՐԾԱԿԱՆ ՈՒՍՈՒՄՆԱՐԱՆՆԵՐ

Ծանոթություն`

ա) Ստեփանակերտ քաղաքում գործում է Երևանի պետական համալսարանին առընթեր Ա. Շահինյանի անվան ֆիզմաթ դպրոցի Ստեփանակերտի մասնաճյուղը` 12 դասարանով, 294 սովորողների ընդգրկմամբ և Արցախի Հանրապետության պաշտպանության նախարարության ռազմամարզական վարժարանը` 9 դասարանով, 114 սովորողների ընդգրկմամբ.

բ) Շուշի քաղաքում գործում է Դանիել Ղազարյանի անվան հանրակրթական երաժշտական մասնագիտացված ոչ պետական դպրոցը` 12 դասարանով, 181 սովորողների և դպրոցին կից նախադպրոցական 1 խմբի` 26 երեխայի ընդգրկմամբ: